Jun xjal nim txꞌaꞌc tiꞌj banix tuꞌn Jesús
8
Tejtzun tcuꞌtz Jesús twi witz,
nim xjal e oc lpeꞌ tiꞌj.
2 Ul jun xjal nim txꞌaꞌc tiꞌj mintiꞌ kꞌanbil tiꞌj,
cub ẍmejeꞌ twitz Jesús ex tma:
—Tat,
ka tajbila,
jacu chin banixe tuꞌna.
3 Xi tnukpiꞌn Jesús tkꞌab ex oc tmacoꞌn ex tma:
—Wajbile,
biꞌx cbantela.
—Kꞌoꞌnca cwent tiꞌj tuꞌn miꞌn t-xi tmaꞌna te jun xjal;
nok oꞌcx txiꞌya,
yecꞌunx tiba te pal ex kꞌonxa toyaja ic tzaꞌn in tmaꞌn tley Moisés,
tuꞌntzun tel cynicꞌ xjal tiꞌj ka ma banixa.
Banix tmajen capitán aj Rom tuꞌn Jesús
—Tat,
at jun nmajene txꞌayl tuj njaye,
tzkijleꞌn tyabil ex nimxix in chyoꞌn te.
7 Xitzun tmaꞌn Jesús te:
—Tat,
mya baꞌn kine tuꞌn tocxa tuj njaye;
oꞌcx kꞌmantza yol ex cbanixel nmajene.
9 Porque icx weye atine tjakꞌ tcawbil juntl,
ex ateꞌ soldad tjakꞌ ncawbile.
Ka ma txi nmaꞌne te jun soldad:
Txiꞌya,
in xiꞌtzun;
ex ka ma txi nmaꞌne te juntl:
Tzaja,
in tzajtzun;
ex ka ma txi nmaꞌne te nmajene:
Binchama jlu,
in banttzun tuꞌn,
chi capitán.
10 Tej tbinte Jesús tyol capitán,
jaw labin tiꞌj ex xi tmaꞌn cye keju lepch keꞌc tiꞌj:
—Ax toc cxel nmaꞌne cyeye,
naꞌnx twile tocslabl jun xjal aj Israel ic tzaꞌn tocslabl xjal lu.
11 Cxel nmaꞌne cyeye:
Che tzajel nimcu xjal tuj tjawitz kꞌij ex tuj telex kꞌij,
ex che bel keꞌ tiꞌj mes ttxlaj Abraham tucꞌix Isaac ex Jacob tuj cawbil in tzaj tuj cyaꞌj.
12 Atzun cye keju attok cyoclen nej tiꞌj cawbil,
che elex xoꞌn tuj klolj;
atzun ctzajel okꞌel ex ckitxꞌitxꞌil t-xe cyeꞌ xjal,
chi Jesús cye.
13 Xitzun tmaꞌn Jesús te capitán:
—Txiꞌya;
ic tzaꞌn ma tocslaya,
icxtzun cbinchetel teya.
Ex ax or banix ju tmajen capitán.
Banix ju xuꞌj tjiꞌ Pedro tuꞌn Jesús
14 Pontzun Jesús tja Pedro.
Xi tqueꞌyin Jesús yabtok aju xuꞌj tjiꞌ Pedro tuꞌn cyak,
txꞌayl twi watbil.
15 Oc tmacoꞌn Jesús tkꞌab xuꞌj,
biꞌx icꞌ cyak tiꞌj;
jawtzun weꞌ ex ajben cye.
Nimcu yab e banix tuꞌn Jesús
16 Tej tex kꞌij pon cyiꞌn xjal nimcu yab tucꞌil Jesús at juꞌẍ tuj cyanmi;
ex tuꞌn tyol Jesús e jeꞌtz ke juꞌẍ tuj cyanmi,
ex cycyakil yab e banix tuꞌn,
17 tuꞌntzun tjapun aju yol kꞌmaꞌmaj tuꞌn Isaías aju t-sanjel Dios chi cyjaꞌ:
Ax el kꞌinte kyabil,
ex el tiꞌn cꞌixcꞌoj kiꞌj,
chi Isaías.
O cyajbe xjal tuꞌn cyoc lpeꞌ tiꞌj Jesús
18 Tej tlonte Jesús nim xjal at tiꞌjele,
xi tmaꞌn cye t-xnakꞌtzben tuꞌn cyicꞌx jlajxi laguna.
19 Ul jun xnakꞌtzal tiꞌj ley ex xi tmaꞌn te Jesús:
—Ke wech at cyjul,
ex ke chyuꞌj at cykꞌuꞌ;
atzun weye mintiꞌ jatum tuꞌn ncub tane,
akine scꞌoꞌmaj kine tuꞌn Dios tuꞌn ntene cyucꞌil xjal,
chi Jesús te.
21 Ex xi tmaꞌn juntl t-xnakꞌtzben te:
—Tat,
chin tyoma,
nej cyjel nmakuꞌne nmane,
chi xjal.
22 Xi tmaꞌn Jesús te:
—Lpeꞌca wiꞌje;
kꞌoncja cye cyimni tuꞌn tcuꞌx cymakuꞌn cycyimni.
Weꞌ jun nintz cykꞌikꞌ tuꞌn Jesús
23 Tejtzun tocx Jesús tuj barc,
e oc lpeꞌ ke t-xnakꞌtzben tiꞌj.
24 Tzaj jun cykꞌikꞌ nimxix tibaj laguna,
jaw pulin aꞌ tiꞌj barc.
Pero te Jesús in tan.
25 E ultzun lakꞌeꞌ t-xnakꞌtzben ttxlaj ex jaw cycꞌasun,
ex xi cymaꞌn te:
—Tat,
ko tcloma porque chꞌix kxi mulkꞌaje tuj aꞌ,
che chi.
26 Xitzun tmaꞌn Jesús cye:
—¿Tikuꞌn in che xobe akeye xinak chꞌin cyocslable?
Jawtzun weꞌ Jesús,
xi tmayoꞌn cykꞌikꞌ tucꞌix aꞌ;
ex biꞌx weꞌ tcyakil.
27 Atzun cye t-xnakꞌtzben e labin tiꞌj,
in cymaꞌn:
—¿Alcyetzun ju xjal lu?
Porque tucꞌix cykꞌikꞌ ex aꞌ in xi cyniman tyol.
Cabe xjal aj Gadara at juꞌẍ tuj cyanmi
28 Tejtzun tpon Jesús jlajxi laguna tuj cytxꞌotxꞌ xjal aj Gadara,
oc noj cabe xjal twitz,
e etz tuj camposant.
At juꞌẍ tuj cyanmi ex puro txꞌuꞌj ke,
cyjaꞌtzun mi jun xjal in bet tuj be lu.
29 Ex e jaw schꞌin ke xjal lu in cymaꞌn:
—¿Ti toclena kiꞌje,
aya Jesús Tcꞌwaꞌl Dios?
¿Maj ma tzula tzalu tuꞌn kyajlanjtz naje tuꞌna naꞌnxtok tpon tkꞌijlalil?
Che chi.
—Ka ma ko ex tlajoꞌna cyuj xjal lu,
kꞌontza permis keye tuꞌn kxiꞌye cyxol boch tuꞌn kocxe cyuj,
che chi.
32 Xitzun tmaꞌn Jesús cye:
—Cyxiꞌye.
E jeꞌtztzun ke juꞌẍ tuj cyanmi xjal ex e ocx cyuj boch;
entons ex cyxoꞌn cyib boch ttxaꞌn xak,
e cuꞌpun tzak tuj laguna ex biꞌx e naj tuj aꞌ.