2 ex xi cymaꞌn te Jesús:

—Kꞌmantza keye:

¿ti toclena tuꞌn tbinchanteya jlu?

¿Alcye ma tzaj kꞌonte toclena?

Che chi.

3 Xitzun ttzakꞌweꞌn Jesús:

—Icx weye at jun nxjele cyeye;

baꞌn tuꞌn ttzaj cytzakꞌweꞌne:

4 ¿Alcye tzaj kꞌonte toclen Juan tuꞌn cybyan xjal tuꞌn tuj aꞌ?

¿Tuꞌnpe Dios,

ex ka cyuꞌn xjal?

Chi Jesús cye.

5 Atzun cye e oc ten yolil tiꞌj cyxolx:

—Ka ma txi kmaꞌn:

Tuꞌn Dios tzaj kꞌoꞌn toclen Juan,

¿tikuꞌntzun mintiꞌ xi cyocslaꞌne?

Chilo ke.

6 Ex ka ma txi kmaꞌn:

Cyuꞌn xjal tzaj kꞌoꞌn toclen Juan,

jaculo ko cub cybyoꞌn xjal tuꞌn abj,

porque ocslaꞌnxix cyuꞌn xjal ka t-sanjel Dios te Juan.

7 Tzajtzun cytzakꞌweꞌn:

—Mintiꞌ baꞌn kuꞌne alcye tzaj kꞌonte toclen Juan tuꞌn cybyan xjal tuꞌn.

8 Atzunte Jesús xi tmaꞌn cye:

—Icx weye mlay txi nmaꞌne cyeye alcye ma tzaj kꞌonte woclene tuꞌn nbinchanteye tcyakil jlu.

9 Octzun ten Jesús kꞌmalte jun techal lu cye xjal:

—At jun xjal cuꞌx tawaꞌn txkan uva tuj ttxꞌotxꞌ ex xi tkꞌoꞌn xjal txꞌotxꞌ te cymajen xjal,

xiꞌtzun tuj juntl lugar,

ex o ten nim kꞌij.

10 Tejtzun tpon tkꞌijlalil tuꞌn tcub twitz awal,

tzaj t-samaꞌn xjal jun majen cyucꞌil majenal txꞌotxꞌ,

tuꞌn t-xi cykꞌoꞌn chꞌin twitz awal te;

atzun cye majenal txꞌotxꞌ baj cycꞌixbisaꞌn ex aj cysamaꞌn mintiꞌ chꞌin kꞌiꞌn tuꞌn.

11 Ex tzaj t-samaꞌn tajwil txꞌotxꞌ juntl majen;

atzun cye majenal txꞌotxꞌ baj cyyasoꞌn,

baj cycꞌixbisaꞌn ex aj cysamaꞌn mintiꞌ chꞌin kꞌiꞌn tuꞌn.

12 Ex tzaj t-samaꞌn tajwil txꞌotxꞌ juntl majen;

atzun cye majenal txꞌotxꞌ baj cycꞌixbisaꞌn ex ex cylajoꞌn tiꞌjxi.

13 Atzunte tajwil tkan awal tma:

¿Ti oc nbinchaꞌye?

Mejor cxel nsamaꞌne ncꞌwaꞌle aju cꞌujlaꞌnxix wuꞌne;

kapelo at chꞌin tchi tuj cywitz oc tpon,

chi patrón.

14 Atzun cye majenal txꞌotxꞌ tej cylonte cyja ttzaj tcꞌwaꞌl patrón,

e oc ten yolil tiꞌj cyxolx:

Atzunte etzal jlu;

chux keye,

kbyoncu tuꞌntzun tcyaj ten tetzbil te ke,

che chi.

15 Extzun cyiꞌn tiꞌjxi tkan awal,

ex cub cybyoꞌn.

—¿Titzun oc tbinchaꞌ aju tajwil tkan awal cyiꞌj?

16 Ctzajeltzun ex che bel tbyoꞌn ke majenal txꞌotxꞌ,

ex cxel tkꞌoꞌn ttxꞌotxꞌ te cymajen txkantl xjal,

chi Jesús xi tmaꞌn cye.

Tejtzun cybinte parisey jlu,

cyma:

—Cuchiwt miꞌn japun jlu.

17 Atzunte Jesús e jeꞌx tqueꞌyin,

ex xi tmaꞌn cye:

—¿Titzun t-xilen aju yol tzꞌiban tuj Tuꞌjil?

Porque in tmaꞌn:

19 Atzun cye nejenel cye pal cyxol xjal judiy cyucꞌix ke xnakꞌtzal tiꞌj ley o cyajbe biꞌx tuꞌn ttzyet Jesús cyuꞌn,

porque canun tuj cynabl ka cyibaj otok cub tzꞌak ju techal lu aju tma Jesús;

pero tzaj cyxobil cywitz xjal.

20 Entons e cub ten xkꞌukil te Jesús,

ex e jeꞌx cysamaꞌn cabe xjal bil tyol,

oc cykꞌon cyib mejor xjal ke pero mya ax toc cyuꞌn,

o cyajbe tuꞌn tcub tzꞌak Jesús cyuꞌn tujx jun tyol,

tuꞌntzun t-xi cyiꞌn ex tuꞌn t-xi cykꞌoꞌn tuj tcwent gobernador.

21 Atzun cye xi cykanin te Jesús:

—Xnakꞌtzal,

baꞌn kuꞌne in yolina tuj tumelxix ex in tkꞌoꞌna xnakꞌtzbil baꞌn,

ex mintiꞌ nnoꞌc tqueꞌyina aju t-xilen xjal,

nok oꞌcx in tkꞌoꞌna xnakꞌtzbil tzaꞌn tten tuꞌn kbete tuj ju be in tzaj tyecꞌun Dios.

22 Kꞌmantza:

¿baꞌnpe tuꞌn t-xi kkꞌoꞌne chojenj in tkanin gobierni te Rom,

ex ka miꞌn?

Che chi.

23 Eltzun tnicꞌ Jesús tiꞌj cyximbetz mya baꞌn,

ex xi tmaꞌn cye:

—[¿Tikuꞌn in che jyone tumel wiꞌje?]

24 Cyyecꞌuntze jun pwak weye.

¿Al e tilbilal toc twitz,

ex al e biybaj tzꞌiban twitz?

—Te gobierni,

che chi.

25 Xitzun tmaꞌn Jesús cye:

—Pwes cykꞌonxe te gobierni aju te gobierni,

ex cykꞌonxe te Dios aju te Dios.

26 Ex mintiꞌ cub tzꞌak Jesús cyuꞌn tujx jun tyol cywitz xjal;

oꞌcx e labin tiꞌj ju tzakꞌwebl tuꞌn Jesús,

ex mintiꞌtl e kꞌajt.

27 E pontzun junjun xjal sadusey tucꞌil Jesús,

akeju in cymaꞌn ka mlay jatz ankꞌin jun xjal cyxol cyimni,

ex xi cykanin te:

28 —Xnakꞌtzal,

che chi,

at jun yol cyaj ttzꞌiban Moisés ke:

Ka at jun xjal ma cyim at t-xuꞌjil ex mintiꞌ jun tcꞌwaꞌl otok tzaj,

ax ju titzꞌin cmojebel tucꞌil t-xuꞌjil ktzan ttzic,

tuꞌntzun tcyaj jun t-xel ktzan ttzic tuꞌn,

tuꞌn miꞌn tnaj tiyjil.

29 At wuk xjal e ten cyitzꞌin cyib;

aju tnejel cnet t-xuꞌjil,

ex o cyim mintiꞌ jun tcꞌwaꞌl cyaj.

30 Ax ju xuꞌj jaw tiꞌn tzꞌinbaj te t-xuꞌjil,

pero ax icx o cyim,

mintiꞌ jun tcꞌwaꞌl cyaj.

31 Ex ax ju xuꞌj jaw tiꞌn tcabin tzꞌinbaj te t-xuꞌjil,

ex elpun baj cywitz wuk xinak tuꞌnju xuꞌj,

ex e cyim cycyakil,

mintiꞌ jun cycꞌwaꞌl cyaj.

32 Ex te mancbilxi cyim te xuꞌj.

33 Octzun cyjaw ankꞌin ke cyimni,

¿alcyetzun jun cyxol cywukil cꞌoquel te tchmil ju xuꞌj lu?

Porque cywukil e xuꞌjlan te,

che chi sadusey.

34 Xitzun ttzakꞌweꞌn Jesús cye:

—Ke xjal ateꞌ tuj tkꞌijlalil jaꞌlo,

ke xinak in cnet cyxuꞌjil,

icx cye xuꞌj in cnet cychmil.

35 Atzun cye xjal ma tzaj tkꞌoꞌn Dios cyoclen tuꞌn cyjaw ankꞌin cyxol cyimni ex tuꞌn cyten tuj juntl ankꞌibl,

miꞌn che mojeꞌtl xinak tucꞌil xuꞌj ex ke xuꞌj tucꞌil xinak.

36 Porque mlay che cyim juntl maj,

porque ic che oquel ic tzaꞌn ke anjel,

ex tcꞌwaꞌl Dios ke,

porque otok che jaw ankꞌin cyxol cyimni.

37 Pero tiꞌj tuꞌn cyjatz ankꞌin ke cyimni,

ax Moisés cyaj kꞌonte jun xnakꞌtzbil tzꞌiban tuj Tuꞌjil jatum in tmaꞌn tiꞌj chꞌiꞌx in cꞌant tuꞌn kꞌakꞌ tej tyolin tiꞌj Dios cyjaꞌ:

Ate Kman,

Tdios Abraham,

Tdios Isaac ex Tdios Jacob.

38 Pero ate Dios mya Cydios cyimni;

nok oꞌcx Cydios itzꞌ,

porque cycyakil itzꞌ ke twitz Dios.

39 Xitzun cytzakꞌweꞌn junjun xnakꞌtzal tiꞌj ley:

—Baꞌn ma tmaya,

Xnakꞌtzal.

40 Ex mintiꞌ oc cynimarin cyib tuꞌn t-xi cykanin mastl xjel te.

41 Xitzun tmaꞌn Jesús cye:

—¿Tzaꞌntzun tten in cymaꞌn xjal ka tiyjil David ju Crist aju at toclen tuꞌn Dios?

42 Porque axte David in kꞌmante tuj uꞌj Salmo;

chi cyjaꞌ:

44 Ka in tmaꞌn David ka a Crist Tajaw,

¿tzaꞌntzun tten tuꞌn toc Crist te tiyjil David?

Chi Jesús cye.

45 Cycyakil xjal in che bintok tiꞌj tyol Jesús tej t-xi tmaꞌn cye t-xnakꞌtzben cyjaꞌ:

46 —Ten cycwente cyiꞌje cye xnakꞌtzal tiꞌj ley;

nim cygan tiꞌj tuꞌn cybet toc cyxbalun ẍjoꞌw,

ex cyajbil tuꞌn cyoc kꞌolbeꞌn tuj plas,

ex cyajbil tuꞌn cycub keꞌ cyuj cynejel kꞌukbil cyuj ja te cꞌulbil,

ex cyajbil tuꞌn cycub keꞌ cyuj tbanil kꞌukbil tuj nintz waꞌn.

47 Nneꞌl cyiꞌn cyja meba xuꞌj,

ex in che naꞌn Dios maꞌ tuj,

tuꞌntzun miꞌn tel cynicꞌ xjal tiꞌj cybinchben mya baꞌn;

mas nim cycastiw jlu cbel,

chi Jesús cye.