3 Atzunte Mariy tzaj tiꞌn mij botey perjum nardo tbi mya smoꞌn twitz,

wiꞌyilxix,

oc tkoꞌn tiꞌj tkan Jesús,

ex baj t-suꞌn tuꞌn ttzmal twiꞌ;

ex o noj tuja tuꞌn tcꞌocꞌjal perjum.

4 Ex at jun t-xnakꞌtzben Jesús Judas Iscariote tbi,

[tcꞌwaꞌl Simón] aju at tuꞌn t-xi kꞌonte Jesús tuj cykꞌab xjal.

Tmatzun Judas:

5 ¿Tikuꞌn mintiꞌ xi cꞌayit ju perjum lu tuꞌn ox syent denari pwak ex aju pwak lu tuꞌn t-xi kꞌot cye meba?

6 Pero tma jlu mya tuꞌnju atwit tcꞌuꞌj cyiꞌj meba,

nok oꞌcx tuꞌnju elekꞌtok ex atzun kꞌilte tcubil pwak,

ex in jatz telkꞌaꞌn pwak tuj chꞌuꞌẍ.

7 Tzajtzun tmaꞌn Jesús:

—Miꞌn labta tiꞌj;

porque cꞌuꞌntok perjum lu tuꞌn,

tuꞌn tajben tuj tkꞌijlalil oc ncuꞌx makuꞌne.

8 Porque ke meba cucx che tel cyucꞌile,

atzun weye mya cucx chin tele cyucꞌile,

chi Jesús te.

9 Nimcu xjal judiy o cybi ka atzun taꞌtok Jesús tuj Betania,

e tzajtzun mya nok oꞌcx tuꞌn tlaj Jesús,

ax icx tuꞌn cyqueꞌyinte Lázaro,

aju otok jatz ankꞌin cyxol cyimni tuꞌn Jesús.

10 Atzun cye nejenel cye pal bant tiꞌj cyuꞌn,

tuꞌn tucꞌix te Lázaro tuꞌn tcub byet,

11 porque tuꞌn tlaj Lázaro nimcu xjal judiy nibantok tel cypaꞌn cyib cyiꞌj nejenel cye pal ex e ocslan tiꞌj Jesús.

12 Nimcu xjal otok che ul tuj ninkꞌij te Xjan Kꞌij.

Texi juntl kꞌij o cybi ka cyjaꞌ ttzaj Jesús tuꞌn tul tuj Jerusalén.

13 Tzajtzun cyiꞌn tkꞌab xaꞌj,

e jeꞌx canul tiꞌj Jesús,

jaw tkꞌajkꞌajel cywiꞌ ex cyma:

—Nimanxwit tbi Dios.

Cyꞌiwlaꞌn teju tzul,

aju Rey cye aj Israel,

tuꞌn Kman ma tzaj samaꞌn,

che chi.

14 Cnettzun jun tal bur tuꞌn Jesús ex jax tibaj,

ic tzaꞌn in tmaꞌn tuj Tuꞌjil:

16 Nej mintiꞌ el cynicꞌ t-xnakꞌtzben tiꞌj jlu;

pero tej taj kꞌiꞌn Jesús tuj cyaꞌj,

tzajtzun cynaꞌn ka tzꞌibaꞌmaj tcyakil jlu tiꞌj ex tiꞌj ju otok binchanjtz tiꞌj cyuꞌn xjal.

17 Atzun ke xjal,

akeju e ten tucꞌil Jesús tej tetz txcoꞌn Lázaro tuꞌn tuj jul ex jaw ankꞌin cyxol cyimni,

xi cytxꞌolbaꞌn cye mastl aju otok tbincha Jesús.

18 Cyjaꞌtzun tten otok che ex xjal canul tiꞌj Jesús,

porque otok cybi tiꞌj ju señ otok tbincha Jesús.

19 Atzun cye parisey cyma cyxolx:

—Matzun cyile mintiꞌ chꞌin ma kcambaꞌ.

Cyqueꞌyinxe,

cycyakil xjal ma cheꞌx lpeꞌ tiꞌj.

20 At junjun xjal grieg otok che jaꞌwil cyucꞌil mastl xjal cꞌulul tuj ninkꞌij.

21 E pon lakꞌeꞌ ke jlu ttxlaj Pelip ex e cubsan twitz:

—Tat,

kajbile tuꞌn tkile Jesús,

che chi.

Ate Pelip aj Betsaida aju tnam taꞌ tuj txꞌotxꞌ Galiley.

22 Xiꞌtzun Pelip ex xi tmaꞌn te Andrés;

atzunte Andrés tucꞌix Pelip xi cymaꞌn te Jesús.

23 Xitzun ttzakꞌweꞌn Jesús:

—Ma pon tkꞌijlalil tuꞌn njaw nimsaꞌne,

akine scꞌoꞌmaj kine tuꞌn Dios tuꞌn ntene cyucꞌil xjal.

24 Ax toc cxel nmaꞌne cyeye,

aju twitz triw ka mintiꞌ ma cuꞌx makuꞌn tuj txꞌotxꞌ,

junxte cyjel ten,

mlay pokꞌl;

katzun ma cuꞌx makuꞌn,

nim twitz cꞌoquel.

25 Alcye jun xjal oꞌcx toc tcꞌuꞌj tiꞌj tchwinklal twitz txꞌotxꞌ,

mlay tcamba aju chwinklal in tzaj tkꞌoꞌn Dios;

pero alcye jun xjal nneꞌl ticꞌun tchwinklal tzalu twitz txꞌotxꞌ,

oc tcambaꞌ aju chwinklal in tzaj tkꞌoꞌn Dios tuꞌn tten tchwinklal te jumajx.

26 Ka at jun xjal taj tuꞌn tajben weye,

lpeꞌc wiꞌje;

jatum chin tele axtzun ctel aju in ajben weye.

Ka at jun ma tzꞌajben weye,

oc cjawil nimsaꞌn tuꞌn Nmane.

27 Ma naj nnable jaꞌlo;

¿ex alcye cxel nmaꞌne?

¿Ocpe cxel nmaꞌne cyjaꞌ:

Tat,

chin tcloma tuꞌn miꞌn ticꞌx wuꞌne?

Miꞌn,

porque ma chin ule tuꞌn ticꞌx wuꞌne.

28 Tat,

nimsaꞌnctz tbiya.

Tzajtzun jun tkꞌajkꞌajel tuj cyaꞌj,

ex tma:

—Ma jaw nnimsaꞌne,

ex cjawil nnimsaꞌntle juntl maj.

29 Atzun ke xjal ax ateꞌtok,

tej cybinte tkꞌajkꞌajel,

cyma ka jun kꞌancyok o kꞌajt.

Ex at junjuntl cyma:

—Jun anjel ma yolin tucꞌil,

che chi.

30 Xi ttzakꞌweꞌn Jesús:

—Mya tuꞌn nlaje ma tzaj tkꞌajkꞌajel lu,

nok oꞌcx tuꞌn cylaje.

31 Jaꞌlo tkꞌijlalil tuꞌn tcub cysentens xjal twitz txꞌotxꞌ;

ex aju nejenel at twitz txꞌotxꞌ cꞌelex lajoꞌn jaꞌlo.

32 Ka ma chin jaw kꞌiꞌne twitz txꞌotxꞌ,

che tzajel wiꞌne cycyakil xjal tuꞌn cyten wucꞌile.

33 Tma Jesús jlu tuꞌn tel cynicꞌ xjal tiꞌj tzaꞌn tten tuꞌn tcyim.

34 Xitzun cymaꞌn xjal te:

—Baꞌn kuꞌne aju in tmaꞌn tuj Tuꞌjil ley,

ate Crist aju at toclen tuꞌn Dios,

cucx ctel te jumajx.

¿Tzaꞌntzun tten in tmaꞌna ka il tiꞌj tuꞌn tjaw kꞌiꞌn twitz txꞌotxꞌ aju xjal scꞌoꞌmaj tuꞌn Dios tuꞌn tten cyucꞌil xjal?

¿Alcyetzun ju xjal scꞌoꞌmaj tuꞌn Dios?

35 Xitzun tmaꞌn Jesús cye:

—Nok chꞌintl ctel ju spicꞌun cyxole;

che bete acux atx spicꞌun cyucꞌile,

tuꞌntzun miꞌn tcanun naj klolj cyiꞌje;

porque aju xjal in bet tuj klolj,

mintiꞌ baꞌn tuꞌn tzaꞌn t-xiꞌ.

36 Che ocslantzune tiꞌj ju spicꞌun acux atx cyucꞌile,

tuꞌntzun cyoque jun xjal ic tzaꞌn spicꞌun,

chi Jesús.

Atzun jlu tma Jesús ex icꞌtzun,

xi tewan tib cywitz xjal.

37 Masque nim señ bant tuꞌn Jesús cywitz xjal,

pero mintiꞌ e ocslan tiꞌj.

38 Cyjaꞌtzun japun tyol Isaías aju t-sanjel Dios.

Chi Isaías:

42 Masque icju,

pero nimcu xjal judiy e ocslan tiꞌj Jesús,

ex cyucꞌix junjun nejenel cyxol e ocslan;

pero mintiꞌ xi cymaꞌn cye xjal tuꞌn tlaj in che xob cywitz parisey,

tuꞌntzun miꞌn cyetz lajoꞌn tuj ja te cꞌulbil.

43 Porque mas o cyajbe tuꞌn cycꞌmonte nimbil cye cyuꞌn xjal,

twitzju tuꞌn cycꞌmonte nimbil cye tuꞌn Dios.

44 Jaw tkꞌajkꞌajel twiꞌ Jesús ex tma:

—Alcye ma tzꞌocslan wiꞌje,

mya oꞌcx wiꞌje in ocslan,

ax icx in ocslan tiꞌj ju tzaj samante weye.

45 Ex alcye ma queꞌyinte weye,

ax icx in tqueꞌyin aju tzaj samante weye.

46 Akine ma chin ule te spicꞌun cyxol xjal,

tuꞌntzun miꞌn cyten tuj klolj cycyakil keju ma che ocslan wiꞌje.

47 Pero ka at jun xjal ma binte nyole ex ka mintiꞌ ma japun tuꞌn,

mya wuꞌne cbel t-sentens;

porque mintiꞌ ma chin ule tuꞌn tcub cysentens xjal,

nok oꞌcx tuꞌn cyclet xjal.

48 Alcye ma tzꞌel icꞌunte weye ex mintiꞌ ma cheꞌx tbiꞌn ke nyole,

at jun cbel kꞌonte t-sentens;

aju yol ma txi nmaꞌne,

atzunju cbel kꞌonte t-sentens xjal tuj mancbil tkꞌijlalil.

49 Porque mya wexwe nyol ma txi nmaꞌne;

ate Nmane tzaj samante weye,

ex ma tzaj tmaꞌn weye alcye tuꞌn t-xi nmaꞌne ex tzaꞌn tten tuꞌn nyoline.

50 Ex baꞌn wuꞌne aju tmandamyent Nmane in tkꞌoꞌn chwinklal te jumajx.

Cyjaꞌtzun,

aju yol in xi nmaꞌne icx tten ic tzaꞌn tzaj kꞌmaꞌn weye tuꞌn Nmane,

chi Jesús cye.