1 CRÓNICAS
Ke tiyjil Adán
1
Ate Adán tman Set, atzunte Set tman Enós. 2 Atzunte Enós tman Cainán, atzunte Cainán tman Mahalaleel, atzunte Mahalaleel tman Jared, 3 atzunte Jared tman Enoc, atzunte Enoc tman Matusalén, atzunte Matusalén tman Lamec, atzunte Lamec tman Noé.Ke tiyjil Noé
4 Atzunte Noé cyman Sem, Cam ex Jafet.
5 Ke tcyꞌajal Jafet, atzun ke jlu: Gomer, Magog, Madai, Javán, Tubal, Mesec ex Tiras. 6 Ke tcyꞌajal Gomer, atzun ke jlu: Askenaz, Rifat ex Togarma. 7 Ke tcyꞌajal Javán, atzun ke jlu: Elisa, Tarsis, Quitim ex Rodanim.
8 Ke tcyꞌajal Cam, atzun ke jlu: Cus, Mizraim, Fut ex Canaán. 9 Ke tcyꞌajal Cus, atzun ke jlu: Seba, Havila, Sabta, Raama ex Sabteca. Ke tcyꞌajal Raama, atzun ke jlu: Seba ex Dedán. 10 Ate Cus tman Nimrod, aju tnejel xinak o ten nimxix tipumal twitz txꞌotxꞌ.
11 Tiꞌj Mizraim elni cyiyjil ke aj Ludey, ke aj Anamey, ke aj Lehabit, ke aj Naftuhit, 12 ke aj Patrusey, ke aj Casluhit ex ke aj Caftorit, ex atzun elni cyiyjil ke aj Filistey.
13 Aju tnejel tcyꞌajal Canaán, Sidón tbi, atzun juntl, Het tbi. 14 Tiꞌj Canaán elni cyiyjil ke aj Jebusey, ke aj Amorrey, ke aj Gergesey, 15 ke aj Hevey, ke aj Arasey, ke aj Siney, 16 ke aj Arvadey, ke aj Zemarey ex ke aj Hamatey.
17 Ke tcyꞌajal Sem, atzun ke jlu: Elam, Asur, Arfaxad, Lud ex Aram. Ke tcyꞌajal Aram, atzun ke jlu: Uz, Hul, Geter ex Mesec. 18 Ate Arfaxad tman Sala, ex ate Sala tman Heber. 19 Ate Heber tzaj cabe tcyꞌajal: Aju tnejel Peleg tbi, porque tuj tkꞌijlalil Peleg baj cysputun cyib xjal twitz txꞌotxꞌ. Aju terman Peleg Joctán tbi. 20 Ate Joctán cyman Almodad, Selef, Hazar-mavet, Jera, 21 Adoram, Uzal, Dicla, 22 Obal, Abimael, Seba, 23 Ofir, Havila ex Jobab. Cycyakil ke jlu tcyꞌajal Joctán ke.
Ke tiyjil Sem
24 Ate Sem tman Arfaxad, atzunte Arfaxad tman Sela, 25 atzunte Sela tman Heber, atzunte Heber tman Peleg, atzunte Peleg tman Reu, 26-27 atzunte Reu tman Serug, atzunte Serug tman Nacor, atzunte Nacor tman Taré, atzunte Taré tman Abram aju ax juntl tbi Abraham.
Ke tiyjil Ismael ex ke tiyjil Cetura
28 Ke tcyꞌajal Abraham, atzun ke jlu: Isaac ex Ismael. 29 Ke tcyꞌajal Ismael, atzun ke jlu: Nebaiot aju nej tcyꞌajal, cyucꞌix Cedar, Abdeel, Mibsam, 30 Misma, Duma, Massa, Hadad, Tema, 31 Jetur, Nafis ex Cedema. Atzun ke jlu tcyꞌajal Ismael ke.
32 Ke tal Cetura, aju juntl t-xuꞌjil Abraham, atzun ke jlu: Zimram, Jocsán, Medán, Madián, Isbac ex Súa. Ke tcyꞌajal Jocsán, atzun ke jlu: Seba ex Dedán. 33 Ke tcyꞌajal Madián, atzun ke jlu: Efa, Efer, Hanoc, Abida ex Elda. Cycyakil ke jlu tiyjil Cetura ke.
Ke tiyjil Esaú
34 Ate Abraham tman Isaac. Ke tcyꞌajal Isaac, atzun ke jlu: Esaú ex Israel. 35 Ke tcyꞌajal Esaú, atzun ke jlu: Elifaz, Reuel, Jeús, Jaalam ex Coré. 36 Ke tcyꞌajal Elifaz, atzun ke jlu: Temán, Omar, Zefo, Gatam ex Cenaz, tucꞌix Amalec aju tcyꞌajal tzaj tiꞌj ju xuꞌj Timna tbi. 37 Ke tcyꞌajal Reuel, atzun ke jlu: Nahat, Zera, Sama ex Miza.
38 Ke tcyꞌajal Seir, atzun ke jlu: Lotán, Sobal, Zibeón, Aná, Disón, Ezer ex Disán. 39 Ke tcyꞌajal Lotán, atzun ke jlu: Hori ex Hemam. Ate Timna tanb Lotán. 40 Ke tcyꞌajal Sobal, atzun ke jlu: Alván, Manahat, Ebal, Sefo ex Onam. Ke tcyꞌajal Zibeón, atzun ke jlu: Aja ex Aná. 41 Ate Aná tman Disón. Ke tcyꞌajal Disón, atzun ke jlu: Hemdán, Esbán, Itrán ex Querán. 42 Ke tcyꞌajal Ezer, atzun ke jlu: Bilhán, Zaaván ex Jaacán. Ke tcyꞌajal Disán, atzun ke jlu, Uz ex Arán.
43 Atzun ke rey lu e cawin cyibaj aj Edom tej naꞌnxtok toc cye aj Israel cyrey: Bela aju tcyꞌajal Beor; aju ttanmi Bela, Dinaba tbi. 44 Tej tcyim Bela o cawin Jobab te t-xel, aju tcyꞌajal Zera, ex aju ttanmi Zera, Bosra tbi. 45 Tej tcyim Jobab o cawin Husam te t-xel, ex aju ttanmi Husam, Temán tbi. 46 Tej tcyim Husam o cawin Hadad te t-xel, aju tcyꞌajal Bedad, ex cub cyiꞌj aj Madián tuꞌn tuj txꞌotxꞌ Moab; ex aju ttanmi Hadad, Avit tbi. 47 Tej tcyim Hadad o cawin Samla te t-xel, ex aju ttanmi Samla, Masreca tbi. 48 Tej tcyim Samla o cawin Saúl te t-xel, ex aju ttanmi Saúl Rehobot tbi, aju tcub ttzi nima. 49 Tej tcyim Saúl o cawin Baal-hanán te t-xel, aju tcyꞌajal Acbor. 50 Ex tej tcyim Baal-hanán o cawin Hadad te t-xel; ex aju ttanmi Hadad, Pau tbi. Aju t-xuꞌjil Hadad, Mehetabel tbi, aju tal Matred ex tal tchman Mezaab.