Ke tcyꞌajal Israel
2
Ke tcyꞌajal Israel, atzun ke jlu: Rubén, Simeón, Leví, Judá, Isacar, Zabulón, 2 Dan, José, Benjamín, Neftalí, Gad ex Aser.Ke tiyjil Judá
3 Ke tcyꞌajal Judá, atzun ke jlu: Er, Onán ex Sela. Ex aju cytxuꞌ keju oxe lu, atzun ju tmeꞌjel Súa, aju aj Canaán. Pero ate Er aju nej tcyꞌajal Judá, mya baꞌn e ela ke tbinchben tuj twitz Dios, cyjaꞌtzun o cyim tuꞌn Kman. 4 Atzunte Tamar aju tlib Judá, o tzaj cabe tal tcyꞌajal Judá ke, ex atzun ke jlu: Fares ex Zera. Jweꞌ tcyꞌajal Judá tzaj tuꞌn tcyakilx.
5 Ke tcyꞌajal Fares, atzun ke jlu: Hezrón ex Hamul. 6 Ke tcyꞌajal Zera, atzun ke jlu: Zimri, Etán, Hemán, Calcol ex Darda, jweꞌ tuꞌn tcyakilx.
7 Aju tcyꞌajal Carmi, atzun Acán aju tzaj kꞌinte mya baꞌn cyibaj aj Israel tuꞌnju tzaj tiꞌn aju otok tma Dios biꞌx tuꞌn tnaj te jumajx. 8 Aju tcyꞌajal Etán, atzun Azarías.
9 Ke tcyꞌajal Hezrón, atzun ke jlu: Jerameel, Ram ex Quelubai.
10 Ate Ram tman Aminadab, ex atzunte Aminadab tman Naasón aju nejenel cye tiyjil Judá. 11 Ate Naasón tman Salma, atzunte Salma tman Booz, 12 atzunte Booz tman Obed, atzunte Obed tman Isaí. 13 Aju nej tcyꞌajal Isaí Eliab tbi, aju tcabin Abinadab tbi, aju toxin Simea tbi, 14 aju tcyajin Natanael tbi, aju tjweꞌyin Radai tbi, 15 aju tkakin Ozem tbi, aju twukin David tbi. 16 Akeju cyanb, atzun ke jlu: Sarvia ex Abigail. Ke tal Sarvia ox cybaj ex atzun ke jlu: Abisai, Joab, ex Asael. 17 Tzaj jun tal Abigail, Amasa tbi oc, ex aju tman, Jeter tbi aju aj Ismael.
18 Ate Caleb tcyꞌajal Hezrón, ex tzaj jun tcyꞌajal tiꞌj Azuba aju t-xuꞌjil, Jeriot oc tbi. Ke mastl tcyꞌajal, atzun ke jlu: Jezer, Sobab ex Ardón. 19 Tej tcyim Azuba, o mojeꞌ Caleb tucꞌil juntl xuꞌj, Efrata tbi, ex tzaj jun tcyꞌajal tiꞌj xuꞌj lu, Hur oc tbi. 20 Ate Hur tman Uri, ex atzunte Uri tman Bezaleel.
21 Tej otok japun Hezrón twiꞌ 59 abkꞌi o mojeꞌ tucꞌil tmeꞌjel Maquir aju tman Galaad, ex tzaj jun tcyꞌajal tiꞌj, Segub oc tbi. 22 Ate Segub tman Jair aju o cawin cyibaj 23 tnam tuj txꞌotxꞌ Galaad. 23 Pero ke aj Gesur ex ke aj Aram e tzyet ke tnam te Jair cyuꞌn, tucꞌix Kenat ex ke t-aldey; japun 60 tnam tuꞌn tcyakilx. Cycyakil ke jlu tiyjil Maquir ke, aju tman Galaad.
24 Tcyimlenxi Hezrón, o mojeꞌ Caleb tucꞌil Efrata aju t-xuꞌjilben ktzan tman, ex tzaj jun tcyꞌajal tiꞌj, Asur tbi oc, ex atzunte Asur tman Tecoa.
25 Ke tcyꞌajal Jerameel aju nej tcyꞌajal Hezrón, atzun ke jlu: Ram aju nej cꞌwaꞌlbaj, cyucꞌix Buna, Orén, Ozem ex Ahías. 26 Ate Jerameel o ten juntl t-xuꞌjil, Atara tbi, ex atzun ttxuꞌ Onam.
27 Ke tcyꞌajal Ram aju nej tcyꞌajal Jerameel, atzun ke jlu: Maaz, Jamín ex Equer. 28 Ke tcyꞌajal Onam, atzun ke jlu: Samai ex Jada.
Ke tcyꞌajal Samai, atzun ke jlu: Nadab ex Abisur. 29 Aju t-xuꞌjil Abisur, Abihail tbi, ex atzun cytxuꞌ Ahbán ex Molid.
30 Ke tcyꞌajal Nadab, atzun ke jlu: Seled ex Apaim. Ate Seled o cyim mintiꞌ tcꞌwaꞌl o tzaj. 31 Ate Apaim tman Isi, atzunte Isi tman Sesán, atzunte Sesán tman Ahlai.
32 Ke tcyꞌajal Jada aju terman Samai, atzun ke jlu: Jeter ex Jonatán. Ate Jeter o cyim mintiꞌ tcꞌwaꞌl o tzaj. 33 Ke tcyꞌajal Jonatán, atzun ke jlu: Pelet ex Zaza.
Cycyakil ke jlu tiyjil Jerameel ke.
34 Ate Sesán mintiꞌ tcyꞌajal o tzaj, nok oꞌcx ke tmeꞌjel e tzaj. Pero ate Sesán attok jun tmajen xinak aj Ejipt, Jarha tbi, 35 ex tetzun ju majen lu xi tkꞌoꞌn Sesán jun tmeꞌjel tuꞌn toc te t-xuꞌjil, ex tiꞌjtzun ju xuꞌj lu o tzaj jun tcyꞌajal Jarha, Atai oc tbi. 36 Ate Atai tman Natán, atzunte Natán tman Zabad, 37 atzunte Zabad tman Eflal, atzunte Eflal tman Obed, 38 atzunte Obed tman Jehú, atzunte Jehú tman Azarías, 39 atzunte Azarías tman Heles, atzunte Heles tman Elasa, 40 atzunte Elasa tman Sismai, atzunte Sismai tman Salum, 41 atzunte Salum tman Jecamías, ex atzunte Jecamías tman Elisama.
42 Ke tcyꞌajal Caleb aju terman Jerameel, atzun ke jlu: Mesa, aju nej cꞌwaꞌlbaj, ex atzun tman Zif, ex Maresa tbi tcab cꞌwaꞌlbaj, ex atzun tman Hebrón. 43 Ke tcyꞌajal Hebrón, atzun ke jlu: Coré, Tapúa, Requem ex Sema. 44 Ate Sema tman Raham, atzunte Raham tman Jorcoam; ex atzunte Requem tman Samai. 45 Ate Samai tman Maón, atzunte Maón tman Bet-sur.
46 Ate Efa atzun juntl t-xuꞌjil Caleb, ex atzun cytxuꞌ Harán, tucꞌix Mosa ex Gazez. Atzunte Harán tman Gazez.
47 Ke tcyꞌajal Jahdai, atzun ke jlu: Regem, Jotam, Gesán, Pelet, Efa ex Saaf.
48 Ate Maaca atzun juntl t-xuꞌjil Caleb, ex atzun cytxuꞌ Seber ex Tirhana. 49 Ex ax ttxuꞌ Saaf aju tman Madmana, ex ax ttxuꞌ Seva aju tman Macbena ex Gibea. Ax icx tzaj jun tmeꞌjel Caleb, Acsa tbi oc.
50 Ax icx ke jlu tiyjil Caleb ke:
Ke tcyꞌajal Hur aju nej tal Efrata, atzun ke jlu: Sobal aju tman Quiriat-jearim; 51 tucꞌix Salma aju tman Belén, ex tucꞌix Haref aju tman Bet-gader.
52 Ke tiyjil Sobal aju tman Quiriat-jearim, atzun ke jlu: Aroe, aju cyiyjil mijcu aj Manahetit, 53 ex ke tiyjil Quiriat-jearim, ke aj Itrit, ke aj Futit, ke aj Sumatit ex ke aj Misraít, ex cyiꞌjtzun ke jlu elni ke aj Zoratit ex ke aj Estaolit.