Ke tcyꞌajal David
3
Ke tcyꞌajal David e itzꞌj tuj tnam Hebrón, atzun ke jlu: Aju nej cꞌwaꞌlbaj Amnón tbi, tal ju xuꞌj Ahinoam aju aj Jezreel; aju tcabin Daniel tbi, tal ju xuꞌj Abigail aju aj Carmel; 2 aju toxin Absalón tbi, tal ju xuꞌj Maaca aju tmeꞌjel Talmai aju rey te Gesur; aju tcyajin Adonías tbi, tal ju xuꞌj Haguit; 3 aju tjweꞌyin Sefatías tbi, tal ju xuꞌj Abital, ex aju tkakin Itream tbi, tal ju xuꞌj Egla, aju juntl t-xuꞌjil David. 4 Akeju kak tcyꞌajal David lu, atzun e ul itzꞌj tuj tnam Hebrón jatum o cawin wuk abkꞌi tucꞌ kak xjaw. Ex o cawintl 33 abkꞌi tuj Jerusalén, 5 jatum e itzꞌj cyajetl tcyꞌajal, ex atzun ke jlu: Simea, Sobab, Natán ex Salomón; cycyakil ke jlu tal ju xuꞌj Betsabé aju tmeꞌjel Amiel. 6 Ex o tzaj belajtl tcyꞌajal David, ex atzun ke jlu: Ibhar, Elisama, Elifelet, 7 Noga, Nefeg, Jafía, 8 Elisama, Eliada, ex Elifelet. 9 Cycyakil ke jlu tcyꞌajal David ke, ex mintiꞌ e oc tajlal akeju tcyꞌajal e tzaj cyiꞌj mastl t-xuꞌjil. Ate Tamar cyanb ke jlu.Ke tiyjil Salomón
10 Ke tiyjil Salomón, atzun ke jlu: Ate Roboam tman Abías, atzunte Abías tman Asa, atzunte Asa tman Josafat, 11 atzunte Josafat tman Joram, atzunte Joram tman Ocozías, atzunte Ocozías tman Joás, 12 atzunte Joás tman Amasías, atzunte Amasías tman Azarías, atzunte Azarías tman Jotam, 13 atzunte Jotam tman Acaz, atzunte Acaz tman Ezequías, atzunte Ezequías tman Manasés, 14 atzunte Manasés tman Amón, ex atzunte Amón tman Josías.
15 Ke tcyꞌajal Josías atzun ke jlu: Aju nej cꞌwaꞌlbaj Johanán tbi, aju tcabin Joacim tbi, aju toxin Sedequías tbi, ex aju tcyajin Salum tbi.
16 Ke tcyꞌajal Joacim atzun ke jlu: Jeconías ex Sedequías.
17 Ke tcyꞌajal Jeconías aju xi kꞌiꞌn pres tuj Babilonia, atzun ke jlu: Aju nej tcyꞌajal Salatiel tbi, 18 cyucꞌix Malquiram, Pedaías, Senazar, Jecamías, Hosama ex Nedabías.
19 Ke tcyꞌajal Pedaías, atzun ke jlu: Zorobabel ex Simei. Ke tcyꞌajal Zorobabel, atzun ke jlu: Mesulam ex Hananías, ex jun cyanb, Selomit tbi, 20 ex at jweꞌtl tcyꞌajal, ex atzun ke jlu: Hasuba, Ohel, Berequías, Hasadías ex Jusab-hesed.
21 Ke tcyꞌajal Hananías, atzun ke jlu: Pelatías ex Jesaías. Ate Jesaías tman Refaías, atzunte Refaías tman Arnán, atzunte Arnán tman Abdías, atzunte Abdías tman Secanías.
22 Aju tcyꞌajal Secanías, atzun Semaías, atzun ke tcyꞌajal Semaías, atzun ke jlu: Hatús, Igal, Barías, Nearías ex Safat; kak tuꞌn tcyakilx.
23 Ke tcyꞌajal Nearías, ox cybet ex atzun ke jlu: Elioenai, Ezequías ex Azricam.
24 Ke tcyꞌajal Elioenai wuk cybet ex atzun ke jlu: Hodavías, Eliasib, Pelaías, Acub, Johanán, Dalaías ex Anani.