2 Ke tcyꞌajal Jafet, atzun ke jlu: Gomer, Magog, Madai, Javán, Tubal, Mesec ex Tiras. 3 Ke tcyꞌajal Gomer, atzun ke jlu: Askenaz, Rifat ex Togarma. 4 Ke tcyꞌajal Javán, atzun ke jlu: Elisa, Tarsis, Quitim ex Dodanim. 5 Atzun ke jlu e najan ttziꞌyile mar, teyle te junjun tyol, teyle te junjun tiyjil ex teyle te junjun ttanmi.

6 Ke tcyꞌajal Cam, atzun ke jlu: Cus, Mizraim, Fut ex Canaán. 7 Ke tcyꞌajal Cus, atzun ke jlu: Seba, Havila, Sabta, Raama ex Sabteca. Ke tcyꞌajal Raama, atzun ke jlu: Seba ex Dedán. 8 Ul itzꞌj jun tcyꞌajal Cus, Nimrod tbi. Atzun tnejel xjal o ten twitz txꞌotxꞌ nimxix tipumal. 9 Ate Nimrod jun xjal nintz cambal twitz Kman. Atzun tzaj jlet jun yol in cymaꞌn xjal cyjaꞌ: Ic tzaꞌn te Nimrod, jun xjal nintz cambal twitz Kman, che chi. 10 Atzun tzaj keꞌ tcawbil cyuj tnam Babel, Erec, Acad ex Calne, tuj txꞌotxꞌ Sinar. 11 Extzun tuj txꞌotxꞌ Sinar, pon tuj Asiria, ex e jaw tbinchaꞌn ke tnam Nínive, Rehobot-Ir, Cala 12 ex aju nintz tnam Resén, aju tcub t-xol Nínive tucꞌil Cala.

13 Mizraim, atzun cyxeꞌchel ke aj Ludim, ke aj Anamim, ke aj Lehabim, ke aj Naftuhim, 14 ke aj Patrusim, ke aj Casluhim (jatum e tzaj pokꞌl ke aj Filistey) ex ke aj Caftorim.

15 Sidón tbi tnejel tcyꞌajal Canaán ex Het tbi juntl. 16 Ax Canaán cyxeꞌchel ke aj Jebusey, ke aj Amorrey, ke aj Gergesey, 17 ke aj Hevey, ke aj Aracey, ke aj Siney, 18 ke aj Arvadey, ke aj Zemarey ex ke aj Hamatey. Mas yajxi baj cypaꞌn cyib ke aj Canaán tuj cꞌlojin. 19 Tzajx keꞌ cytxꞌotxꞌ ke aj Canaán tuj tnam Sidón, icꞌ tumlal tnam Gerar tbi, ul baj tuj tnam Gaza, ex icꞌ tumlal tnam Sodoma, Gomorra, Adma ex Zeboim, pon baj tuj tnam Lasa. 20 Atzun ke tiyjil Cam jlu, teyle te junjun tiyjil, teyle te junjun tyol, teyle te junjun ttxꞌotxꞌ ex teyle te junjun cꞌloj xjal.

21 Ax icx e ul itzꞌj ke tcyꞌajal Sem aju ttzic Jafet. Ate Sem cyxeꞌchel cycyakil ke aj Heber. 22 Ke tcyꞌajal Sem, atzun ke jlu: Elam, Asur, Arfaxad, Lud ex Aram. 23 Ke tcyꞌajal Aram, atzun ke jlu: Uz, Hul, Geter ex Mas. 24 Arfaxad, atzun tman Sala, ex Sala tman Heber. 25 E ul itzꞌj cabe tcyꞌajal Heber; atzun tbi jun Peleg tuꞌnju tuj tkꞌijlalil tej tten cub cypaꞌn cyib xjal twitz txꞌotxꞌ; Joctán tbi titzꞌin. 26 Joctán, atzun cyman Almodad, Selef, Hazar-mavet, Jera, 27 Adoram, Uzal, Dicla, 28 Obal, Abimael, Seba, 29 Ofir, Havila ex Jobab. Cycyakil ke jlu tcyꞌajal Joctán ke. 30 Aju txꞌotxꞌ jatum e najan, xiꞌx keꞌ tuj tnam Mesa pon baj tuj tnam Sefar, tuj tiwitz txꞌotxꞌ tuj tjawitz kꞌij. 31 Atzun ke jlu tiyjil Sem, teyle te junjun tiyjil, teyle te junjun tyol, teyle te junjun ttxꞌotxꞌ, ex teyle te junjun ttanmi.

32 Atzun ke jlu cyiyjil tcyꞌajal Noé, teyle te junjun tiyjil ex teyle te junjun ttanmi. Cyiꞌjtzun ke jlu e bant ke nasyon tbajlen cysputin cyib xjal tuj tcyakil twitz txꞌotxꞌ, tbajlenxi kꞌekab.