Ka mintiꞌ ma tzꞌajtz tiꞌj cyanmiye, che najele
13
Tujx ju tkꞌijlalil lu e pon junjun xjal xi cymaꞌn te Jesús cyiꞌj junjun aj Galiley otok che cub byoꞌn tuꞌn Pilat ex baj t-smoꞌn tib cychcꞌel tucꞌil cychcꞌel alumaj otok che cub cybyoꞌn te chojbil.
Lucas 13.1-21
—¿Chi toc cyuꞌne?
¿Maspe aj ilxix ke aj Galiley lu cywitz txkantl aj Galiley,
tuꞌnju e cub byoꞌn?
3 Cxel nmaꞌne cyeye:
Miꞌn;
icx cyeye,
ka mintiꞌ ma tzꞌajtz tiꞌj cyanmiye,
che najele cycyakile.
4 Ex keju wajxaklaj xjal e cyim,
akeju cub tzꞌak cwartel cyibaj tuj Siloé.
¿Chi toc cyuꞌne?
¿Maspe nimxix cyil cywitz txkantl xjal najl tuj Jerusalén?
5 Cxel nmaꞌne cyeye:
Miꞌn;
icx cyeye,
ka mintiꞌ ma tzꞌajtz tiꞌj cyanmiye,
che najele cycyakile.
Aju techal tiꞌj jun wiꞌ higo mintiꞌ twitz
6 Ax icx xi tmaꞌn Jesús aju techal lu:
—At jun xjal at jun wiꞌ higo awaꞌn tuꞌn tuj ttxꞌotxꞌ,
ex tzaj jyol twitz,
pero mintiꞌ cnet tuꞌn.
7 Xitzun tmaꞌn te cwentil awal:
Jaꞌlo toxin abkꞌi cucx in chin ule jyol jun twitz higo lu,
ex mintiꞌ jun twitz in cnet wuꞌne.
Txꞌeminctza;
nokx gan xmuꞌjin txꞌotxꞌ tuꞌn.
8 Atzunte cwentil awal xi ttzakꞌweꞌn:
Tat,
kꞌoncja juntl abkꞌi;
cbajel wakꞌnane txꞌotxꞌ t-xeꞌ;
ex cꞌoquel nkꞌoꞌne abon t-xeꞌ.
9 Ka ma tzꞌoc twitz,
mlay jaw txꞌemit;
katzun mintiꞌ,
baꞌn tuꞌn tjaw txꞌemit.
Jun xuꞌj tzeꞌj tiꞌj, banix tuꞌn Jesús tuj kꞌij te ojlabl
10 Tuj jun kꞌij te ojlabl in kꞌoꞌntok Jesús xnakꞌtzbil tuj jun ja te cꞌulbil;
11 ex attok jun xuꞌj otok bant-xi wajxaklaj abkꞌi toclen tyabil;
otok cyaj tzeꞌjix tiꞌj tuꞌn juꞌẍ,
ex mintiꞌ tumel tuꞌn tjaw weꞌ tiꞌj.
12 Tej tlonte Jesús,
tzaj ttxcoꞌn ex xi tmaꞌn te:
—Aya xuꞌj,
ma tzokpeta,
ma tzꞌel tyabila.
13 Cubtzun tkꞌoꞌn Jesús tkꞌab tibaj;
ex jurat jikumax tiꞌj xuꞌj,
ex jaw tnimsaꞌn tbi Dios.
14 Atzunte nejenel tuj ja te cꞌulbil tzaj nim tkꞌoj tuꞌn tlaj banix jun xjal tuꞌn Jesús tuj kꞌij te ojlabl,
ex xi tmaꞌn nejenel cye xjal:
—Oꞌcx tuj kak kꞌij baꞌn tuꞌn kakꞌnan;
atzun kꞌij baꞌn tuꞌn cyule tuꞌn cybanixe,
ex mya tuj kꞌij te ojlabl.
15 Atzunte Kajaw xi ttzakꞌweꞌn:
—Xmletzꞌ keye,
teyle junjun cyeye ¿maj mintiꞌ nneꞌl tpajuꞌn twacẍ ex ka tchej tuj kꞌij te ojlabl ex in xi tiꞌn cꞌal aꞌ?
16 Yajtzun ju xuꞌj lu,
ax tiyjil Abraham,
ex wajxaklaj abkꞌi mer ic tzaꞌn cꞌaloꞌntok tuꞌn Satanás tuꞌn yabil,
¿myapelo baꞌn tuꞌn ttzokpet ex tuꞌn tel tyabil tuj kꞌij te ojlabl?
17 Tej tmante Jesús tcyakil jlu,
tzaj cychꞌixwi keju in che kꞌojin tiꞌj;
atzun cye cycyakil xjal e jaw tzalaj tiꞌj tcyakil tbinchben Jesús tbanilxix ke.
Aju techal tiꞌj twitz mostaza
18 Tmatzun Jesús:
—¿Chi toc cyuꞌne tiꞌj tcawbil Dios?
¿Tzaꞌn tten?
Ex ¿alcye jun techal ctzajel kiꞌn tiꞌj?
19 Ic tten ic tzaꞌn jun twitz mostaza xi tiꞌn jun xjal ex cuꞌx tawaꞌn tuj tpeꞌn;
ex chꞌiy,
ex oc maꞌxix ic tzaꞌn jun tzeꞌ,
ex ke chyuꞌj cybincha cykꞌuꞌ cyxol tkꞌab.
Aju techal tiꞌj t-samel pan
20 Ex tma Jesús juntl maj:
—At jun techal cxel nmaꞌne tzaꞌn tten tcawbil Dios.
21 Ic tten ic tzaꞌn chꞌin t-samel pan xi tiꞌn jun xuꞌj ex cuꞌx t-smoꞌn tuj ox malbil arin,
ex tcyakil tkꞌotjil pan jaw mal tcꞌuꞌj.
Aju ttzi ja chꞌin
22 Icꞌtzun Jesús cyuj ke tnam ex ke aldey,
in tkꞌoꞌn xnakꞌtzbil cye xjal,
ex cyjaꞌ t-xiꞌ tuj Jerusalén.
Lucas 13.22-35
—Tat,
¿maj nicꞌxi keju in che clet?
Xitzun tmaꞌn Jesús cye:
24 —Cykꞌoꞌnc cyipune tuꞌn cyocxe ttzi ja chꞌin;
porque cxel nmaꞌne cyeye,
nimcu xjal cꞌoquel tilil cyuꞌn tuꞌn cyocx ex mlay che ocx.
25 Porque tzul kꞌij cjawil weꞌ ju tajaw ja lamol ttzi ja;
atzun cyeye ka otok che cyaj tene ttxaꞌn peꞌn,
che oquel tene kꞌajtzal ttzi ja,
ex oc cymaꞌye cyjaꞌ:
Tat,
Tat,
jakoꞌncxa ttzi ja kwitze.
Atzun te tajaw ja cꞌeletz ttzakꞌweꞌn:
Mintiꞌ baꞌn wuꞌne jatum tzajni keye.
26 Atzun cyeye che oquel tene kꞌmalte te:
O ko waꞌne ex o ko cꞌane tucꞌila,
ex tzaj tkꞌoꞌna xnakꞌtzbil tuj ktanmiye.
27 Atzunte tajaw ja ctzajel tmaꞌn cyeye:
Cxel nmaꞌntle cyeye:
Mintiꞌ baꞌn wuꞌne jatum tzajni keye;
cypaꞌmil cyibe wiꞌje cycyakile akeye binchal mya baꞌn.
28 Octzun che jawil okꞌe,
ex ckitxꞌitxꞌil t-xe cyeꞌye oc cylonteye Abraham tucꞌix Isaac,
tucꞌix Jacob ex cycyakil t-sanjel Dios ateꞌ tuj tcawbil Dios,
atzun cyeye otok che cyaj tene tiꞌjtze.
29 Porque che tzajel xjal te ocni,
te elni,
te jawni ex te cubni,
ex che bel keꞌ waꞌl tiꞌj mes tuj tcawbil Dios.
30 Ex akeju ateꞌ te mancbil jaꞌlo,
at junjun che oquel te tnejel;
ex keju ateꞌ te tnejel jaꞌlo,
at junjun che oquel te mancbil.
Jaw okꞌ Jesús tiꞌj tnam Jerusalén
31 Tujx ju kꞌij lu e pon junjun parisey ex xi cymaꞌn te Jesús:
—Texa tzalu ex txiꞌya,
porque taj Herodes tuꞌn tcub byoꞌna tuꞌn.
32 Pero xi tmaꞌn Jesús cye:
—Cyxiꞌye,
ex cykꞌmanxe te wech Herodes:
Akine in che etz juꞌẍ tuj cyanmi xjal wuꞌne,
ex che banixel xjal wuꞌne jaꞌlo tucꞌix nchiꞌj,
caꞌjxitzun cwebel wakꞌune,
che chicuye te.
33 Pero il tiꞌj tuꞌn nbete jaꞌlo tucꞌix nchiꞌj tucꞌix caꞌj;
porque mlay bant tuꞌn tcyim jun t-sanjel Dios tiꞌjxi tnam Jerusalén.
34 Aya tnam Jerusalén,
aya tnam Jerusalén,
in che cub tbyoꞌna ke t-sanjel Dios ex in che baj t-xoꞌna tuꞌn abj akeju in che tzaj t-samaꞌn Dios tucꞌila.
Nimcu maj o wajbeye tuꞌn cyoc nchmoꞌne ke tcꞌwaꞌla ic tzaꞌn jun ttxu ecꞌ in che oc tchmoꞌn ke tal tjakꞌ t-xicꞌ,
ex mintiꞌ o tajbeya.
35 Aju tja Dios at cyxole cyjel colin tuꞌn Dios,
ex cxel nmaꞌne cyeye mlay chin cyile juntl maj,
maxi chin oquel cyqueꞌyine oc tpon tkꞌijlalil oc cymanteye:
Cyꞌiwlaꞌn teju tzul,
aju ctzajel samaꞌn tuꞌn Kman.