19
Cyjaꞌtzun tten xi kꞌiꞌn Jesús tuꞌn Pilat ex xi tmaꞌn cye tuꞌn tbaj asyalin.
2 Atzun cye soldad baj cybinchaꞌn jun coron chꞌiꞌx,
jax cykꞌoꞌn tuj twiꞌ Jesús ex oc cykꞌoꞌn jun t-xbalun ẍjulin queꞌyin.
Jesús condenado a muerte (Juan 19.1-16)
—In xi kkꞌolbene,
aya Rey cye xjal judiy.
Cucxwit tel tkꞌija,
che chi.
Ex oc cytzꞌajan twitz.
4 Etztzun juntl maj Pilat,
xi tmaꞌn cye xjal:
—Cꞌeletz wiꞌne tuꞌn tel cynicꞌe tiꞌj mintiꞌ jun til ma cnet wuꞌne.
5 Etztzun Jesús tjax coron chꞌiꞌx tuj twiꞌ ex toc t-xbalun ẍjulin queꞌyin.
Xitzun tmaꞌn Pilat cye xjal:
—Lu ju xinak lu.
6 Tejtzun cyqueꞌyinte ke nejenel cye pal cyucꞌix ke polisiy,
jaw tkꞌajkꞌajel cywiꞌ:
—E tjaw twitz crus.
E tjaw twitz crus,
che chi.
Xitzun tmaꞌn Pilat cye:
—Cyiꞌnxe,
ex cykꞌoꞌn jawe twitz crus;
porque mintiꞌ jun til in cnet wuꞌne.
7 Xitzun cytzakꞌweꞌn xjal judiy:
—At jun keye kley,
ex ic tzaꞌn in tmaꞌn tuj kleye il tiꞌj tuꞌn tcyim porque ma tzꞌoc tkꞌon tib te Tcꞌwaꞌl Dios,
che chi.
—¿Jatum tzajniya?
Atzunte Jesús mintiꞌ xi ttzakꞌweꞌn.
10 Xitzun tmaꞌn Pilat te:
—¿Maj mintiꞌ in chin tzaj ttzakꞌweꞌna?
¿Mintiꞌpetzun baꞌn tuꞌna at woclene tuꞌn tjaw nkꞌoꞌne twitz crus,
ax at woclene tuꞌn t-xi ntzokpiꞌne?
Chi Pilat.
11 Xi tmaꞌn Jesús te:
—Nokwit mya tuꞌn Dios ma tzaj kꞌoꞌn toclena,
mintiꞌwtlo toclena wiꞌje;
cyjaꞌtzun,
aju ma tzaj kꞌonte weye tuj tkꞌaba,
mas at til,
chi Jesús te.
12 Tuꞌntzunju oc tilil tuꞌn Pilat tuꞌn t-xi tzokpiꞌn Jesús tuꞌn;
atzun cye xjal judiy jaw tkꞌajkꞌajel cywiꞌ:
—Ka ma txi ttzokpiꞌna jlu,
mlay tzꞌoca te tamiw gobierni.
Alcye jun xjal nnoꞌc tkꞌon tib te rey in jaw tiꞌn tib tiꞌj gobierni,
che chi xjal.
13 Tejtzun tbinte Pilat jlu,
etz kꞌiꞌn Jesús tuꞌn,
cubtzun keꞌ tuj kꞌukbil te cawbil tuj jun lugar Gabata tbi tuj yol ebrey;
atzun t-xilen ju yol lu,
lugar binchamaj tuj tuꞌn abj.
14 Atzun kꞌij tuꞌn tbant cyten xjal tuꞌn ticꞌset Xjan Kꞌij tuj juntl kꞌij,
ex chilcukꞌijlo.
Xitzun tmaꞌn Pilat cye xjal judiy:
—Lu cyreye lu.
15 Atzun cye xjal judiy e jaw schꞌin:
—E tcub byet.
E tcub byet.
E tjaw twitz crus,
che chi.
Xitzun tmaꞌn Pilat cye:
—¿Maj cjawil nkꞌoꞌne cyreye twitz crus?
Xitzun cytzakꞌweꞌn ke nejenel cye pal:
—Mintiꞌ juntl kreye,
oꞌcxte gobierni kreye.
16 Cyjaꞌtzun tten xi tkꞌoꞌn Pilat Jesús tuj cykꞌab tuꞌn tjaw kꞌoꞌn twitz crus.
Tzyettzun Jesús cyuꞌn,
ex xi cyiꞌn.
Jaw kꞌoꞌn Jesús twitz crus
17 Xitzun kꞌiꞌn Jesús cyuꞌn.
Jawtzun tikan Jesús tcrus ex xiꞌ tuj lugar Tbakil Wibaj tbi,
atzun tuj yol ebrey,
Gólgota tbi.
La crucifixión (Juan 19.17-37)
18 Ex atzun jaw kꞌoꞌn Jesús twitz crus cyuꞌn,
ex at cabetl xjal e jaw kꞌoꞌn twitz crus tucꞌil,
jun tuj jun ttxlaj ex jun tuj juntl ttxlaj,
atzunte Jesús tuj tmijil.
19 Ex cub ttzꞌiban Pilat jun yol ex jax tkꞌoꞌn twitz crus,
in tmaꞌn cyjaꞌ:
Jesús aj Nazaret,
Rey cye xjal judiy.
20 Ex nimcu xjal judiy jaw cyschꞌiꞌn ju yol lu,
porque aju lugar jatum otok jaw kꞌoꞌn Jesús twitz crus nikayintok taꞌ ttxaꞌn tnam,
ex aju yol lu tzꞌibantok tuj yol ebrey,
tuj yol grieg,
ex tuj yol latín.
21 Atzun ke nejenel cye pal cye xjal judiy xi cymaꞌn te Pilat:
—Miꞌn cub ttzꞌibana icju:
Rey cye xjal judiy;
nok oꞌcx tzꞌibancuya cyjaꞌ:
Ax o kꞌmante:
Akine Rey cye xjal judiy.
22 Pero xi ttzakꞌweꞌn Pilat:
—Aju ma cub ntzꞌibane mlay chꞌexpet.
23 Tejtzun tjaw kꞌoꞌn Jesús twitz crus cyuꞌn soldad,
tzaj cyiꞌn t-xbalun,
cyaje paꞌn el cyuꞌn,
jun te junjun soldad.
Ax icx tzaj cyiꞌn ju tcamiẍ,
mintiꞌ slapbil te,
junx chemben te tcyakil.
24 Cymatzun cyxolx:
—Miꞌn cub ksbitꞌun,
nok oꞌcx e tjaw kin swert tiꞌj tuꞌntzun tel knicꞌ tiꞌj alcye cxel kꞌinte.
O cybincha jlu tuꞌntzun tjapun aju tzꞌiban tuj Tuꞌjil chi in tmaꞌn:
E oc ten kꞌil swert tiꞌj nxbalune ex baj cysipan ke nxbalune cyxolx,
chi tuj Tuꞌjil.
Atzun jlu cybincha ke soldad.
25 Ex waꞌltok ttxuꞌ Jesús t-xe crus jatum jaw kꞌoꞌn Jesús,
tucꞌix titzꞌin ttxuꞌ Jesús,
tucꞌix Mariy aju t-xuꞌjil Cleofas,
tucꞌix Mariy aj Magdala.
26 Tej tlonte Jesús ttxuꞌ ex tucꞌix ju xnakꞌtzben aju cꞌujlaꞌnxix tuꞌn ax waꞌltok,
xi tmaꞌn Jesús te ttxuꞌ:
—Nan,
atzun tala jlu.
27 Ax icx xi tmaꞌn teju xnakꞌtzben:
—Atzun ttxuꞌya jlu.
Ex biꞌx xi tiꞌn ju xnakꞌtzben ttxuꞌ Jesús tuꞌn tten tuj tja.
Cyim Jesús
28 Tbajlenxitzun jlu,
tma Jesús:
—In chin txkete.
O tma jlu tuꞌntzun tjapun aju tzꞌiban tuj Tuꞌjil,
porque baꞌntok tuꞌn otok japun tcyakil.
29 Ex tcubtok jun xar nojni tuꞌn vinagre;
cuꞌxtzun cykꞌoꞌn xjal jun esponja tuj vinagre,
oc cycꞌaloꞌn twiꞌ jun tal tzeꞌ hisopo tbi,
ex jax cykꞌoꞌn tuj ttziꞌ.
30 Tejtzun t-xi ttzꞌuban Jesús chꞌin vinagre,
tma:
—Ma japun tcyakil.
Cubtzun mocꞌeꞌ twiꞌ ex cyimtzun.
Oc xayuꞌn ttxlaj t-xuꞌc Jesús tuꞌn lans tuꞌn jun soldad
31 Atzun cye xjal judiy e cubsan twitz Pilat tuꞌn tcub tokin cykan keju otok che jaw kꞌoꞌn twitz crus ex tuꞌn tcuꞌtz kꞌiꞌn cyximlal,
porque atzun kꞌij tuꞌn tbant cyten xjal judiy tuꞌn ticꞌset Xjan Kꞌij;
cyjaꞌtzun miꞌn cyaj tuꞌn tcyaj ten cyximlal twitz crus tuj kꞌij te ojlabl,
porque aju kꞌij te ojlabl lu maꞌxix toclen.
32 E pontzun ke soldad,
ex cub cytokin tkan ju tnejel;
ax icx cub cytokin tkan ju tcabin,
akeju e jaw kꞌoꞌn twitz crus tucꞌil Jesús.
33 Tejtzun cypon tiꞌj Jesús,
mintiꞌ cub cytokin tkan,
porque o cyil otok cyim.
34 Pero at jun soldad oc t-xayuꞌn ttxlaj t-xuꞌc Jesús tuꞌn lans,
ex etz naj chicꞌ tucꞌix aꞌ.
35 Ex aju o queꞌyinte jlu in xi tchicꞌbaꞌn ax toc tiꞌj,
ex aju tyol in xi tchicꞌbaꞌn axix toc;
porque baꞌn tuꞌn aju yol in tmaꞌn ax toc,
tuꞌntzun icx cyeye tuꞌn t-xi cyocslaꞌne.
36 Porque tcyakil jlu o baj tiꞌj Jesús tuꞌntzun tjapun aju tzꞌiban tuj Tuꞌjil chi in tmaꞌn:
Mlay cub tokin tbakil,
chi tuj Tuꞌjil.
37 Ax icx in tmaꞌntl tuj Tuꞌjil:
Cꞌoquel cyqueꞌyin aju xjal baj cyxayuꞌn.
Cuꞌx makuꞌn Jesús
38 Tbajlenxitzun tcyakil jlu,
at jun xjal José tbi,
aj Arimatey,
t-xnakꞌtzben Jesús jlu,
pero mintiꞌ xi tmaꞌn cye xjal judiy ka t-xnakꞌtzben Jesús te tuꞌnju in xob cywitz;
xiꞌtzun José cubsal twitz Pilat tuꞌn ttzaj kꞌoꞌn permis te tuꞌn tcuꞌtz tiꞌn t-ximlal Jesús;
ex tzajtzun kꞌoꞌn permis te tuꞌn Pilat.
Ultzun José ex xi tiꞌn t-ximlal Jesús.
La resurrección (Juan 19.38–20.18)
39 Ax icx te Nicodemo ul,
aju ul aj tucꞌil Jesús te konicꞌan,
ul tiꞌn tkꞌolil tzeꞌ mirra tbi t-sem tib tucꞌil tkꞌolil tzeꞌ áloes tbi,
atlo jun syent libr.
40 Tzajtzun cyiꞌn t-ximlal Jesús,
ex ocx cybalkꞌiꞌn tuj xbalun tucꞌix tcꞌocꞌjal t-sem tib,
ic tzaꞌnx cymod xjal judiy oc in cuꞌx makut jun xjal.
41 Ex tuj ju lugar jatum jaw kꞌoꞌn Jesús twitz crus at jun tkan awal,
ex at jun pantyón acꞌaj cyxol tkan awal,
naꞌnxtok tocx kꞌoꞌn jun cyimni tuj.
42 Atzun ocx cykꞌoꞌn t-ximlal Jesús tuj pantyón lu tuꞌn tlaj matok in bant cyten xjal judiy tuꞌn ticꞌset Xjan Kꞌij,
porque aju pantyón lu nikayintok taꞌ.