2 ex ateꞌctok Anás ex Caipás te nejenel cye pal cyxol xjal judiy,

tzaj yolin Dios tucꞌil Juan aju tcyꞌajal Zacarías,

tuj lugar mintiꞌ cynajbil xjal tuj.

3 Ultzun Juan,

icꞌ cyuj cycyakil lugar ttziꞌyile nima Jordán in pacban ex in tmaꞌn tuꞌn tajtz tiꞌj cyanmi xjal ex tuꞌn cybyan tuꞌntzun tnajset cyil.

4 Ex Juan pacbal tuꞌntzun tjapun aju yol tzꞌiban tuj tuꞌjil Isaías aju t-sanjel Dios,

chi cyjaꞌ:

7 Tej cyul xjal tucꞌil Juan tuꞌn cybyan tuꞌn tuj aꞌ,

xi tmaꞌn Juan cye:

—Tiyjil kꞌantiꞌ keye.

¿Alcye ma kꞌmante cyeye tuꞌn cyel oke twitz ju castiw maꞌxix tzul tuꞌn Dios?

8 Cybinchame baꞌn,

tuꞌntzun tqueꞌyinjtz ka otok tzꞌajtz tiꞌj cyanmiye,

ex miꞌn che oc tene kꞌmalte tuj cyanmiye cyjaꞌ:

Tiyjil Abraham koꞌye;

porque cxel nmaꞌne cyeye,

jacu bant tuꞌn Dios tuꞌn cyoc ke abj lu te tiyjil Abraham.

9 Aju siꞌwbil cꞌuxbil ya ma canun t-xe tlocꞌ tzeꞌ;

cyjaꞌtzun tcyakil tzeꞌ mintiꞌ in tkꞌoꞌn twitz baꞌn,

cjawil txꞌemit,

ex cꞌoquex kꞌot tuj kꞌakꞌ,

chi Juan cye.

10 Xitzun cykanin xjal te:

—¿Titzun oc kbinchaꞌye?

11 Xi ttzakꞌweꞌn Juan:

—Alcye at cabe tcamiẍ,

kꞌonx jun teju mintiꞌ tcamiẍ ex alcye at twa,

kꞌonx chꞌin teju mintiꞌ twa.

12 Ax icx e ul junjun peyil pwak tuꞌn cybyan tuꞌn Juan,

ex xi cykanin te:

—Xnakꞌtzal,

¿yajtzun keye,

ti oc kbinchaꞌye?

13 Atzunte Juan xi tmaꞌn cye:

—Miꞌn tzꞌel cypeyine mastl tiꞌj ju kꞌmaꞌmaj cyeye tuꞌn ley.

14 Ax icx ke soldad xi cykanin te:

—Yajtzun keye,

¿ti oc kbinchaꞌye?

Ex xi tmaꞌn Juan cye:

—Miꞌn tzꞌel cyxcꞌayine jun tiꞌxti te juntl,

ex miꞌn che siꞌmine yol cyiꞌj xjal;

ex cycyaje conporm tiꞌj ju twi cycꞌuꞌje.

15 Ex in che ayontok xjal,

ex cycyakil in che ximantok tiꞌj tuj cyanmi,

kapelo a Juan ju Crist aju at toclen tuꞌn Dios.

16 Pero xi tmaꞌn Juan cye cycyakil xjal:

—Axix toc akine in che byane wuꞌne tuj aꞌ;

pero tzul juntl mas nim tipumal nwitze,

aju mintiꞌ woclene tuꞌn tel npajuꞌne takꞌal t-xajab;

octzun che byale tuꞌn tuꞌn Xewbaj Xjan ex tuꞌn kꞌakꞌ.

17 Tzyuꞌn xupbil triw tuꞌn,

ex cꞌelel t-xupin ttzꞌisil triw tuj tpeꞌn;

atzun twitz triw cꞌoquel tchmoꞌn tuj ttxꞌutxꞌ,

atzun ttzꞌisil triw cbel tpatun tuꞌn kꞌakꞌ aju mlay yupj,

chi Juan cye.

18 Cyjaꞌtzun in tkꞌoꞌntok Juan cynabl xjal tuꞌn tyol ex tuj nimcu tumel,

ex in tpacbaꞌn tkanil baꞌn cye.

19 Atzunte Herodes aju gobernador,

baj ilin tuꞌn Juan tuꞌn tlaj otok tzꞌoc Herodías te t-xuꞌjil;

ate Herodías t-xuꞌjil Pelip aju ttzic Herodes;

ex baj ilin Herodes tuꞌn Juan tuꞌn tlaj tcyakilju mya baꞌn tbincha.

20 Mya oꞌcx jlu tbincha Herodes,

at juntl mya baꞌn tbincha,

ocx lamoꞌn Juan tuꞌn tuj pres.

21 Tej cybaj byan cycyakil xjal tuj aꞌ tuꞌn Juan,

ax icx te Jesús o byan tuꞌn Juan;

ex matok in naꞌn Jesús Dios,

jaket ttzi cyaꞌj,

22 ex cuꞌtz Xewbaj Xjan tuj cyaꞌj,

ul tibaj Jesús,

ic queꞌyin ic tzaꞌn paloma,

ex tzaj kꞌajt Dios tuj cyaꞌj ex tma:

—Aya Ncꞌwaꞌle cꞌujlaꞌnxixa wuꞌne;

in chin tzalaje tiꞌja.

23 Matok lajoꞌn 30 abkꞌi tuꞌn Jesús tej ttzyet takꞌun.

Tuj cynabl xjal ka tcyꞌajal José te Jesús;

atzunte José tcyꞌajal Elí;

24 atzunte Elí tcyꞌajal Matat;

atzunte Matat tcyꞌajal Leví;

atzunte Leví tcyꞌajal Melqui;

atzunte Melqui tcyꞌajal Jana;

atzunte Jana tcyꞌajal José;

25 atzunte José tcyꞌajal Matatías;

atzunte Matatías tcyꞌajal Amós;

atzunte Amós tcyꞌajal Nahúm;

atzunte Nahúm tcyꞌajal Esli;

atzunte Esli tcyꞌajal Nagai;

26 atzunte Nagai tcyꞌajal Maat;

atzunte Maat tcyꞌajal Matatías;

atzunte Matatías tcyꞌajal Semei;

atzunte Semei tcyꞌajal José;

atzunte José tcyꞌajal Judá;

27 atzunte Judá tcyꞌajal Joana;

atzunte Joana tcyꞌajal Resa;

atzunte Resa tcyꞌajal Zorobabel;

atzunte Zorobabel tcyꞌajal Salatiel;

atzunte Salatiel tcyꞌajal Neri;

28 atzunte Neri tcyꞌajal Melqui;

atzunte Melqui tcyꞌajal Adi;

atzunte Adi tcyꞌajal Cosam;

atzunte Cosam tcyꞌajal Elmodam;

atzunte Elmodam tcyꞌajal Er;

29 atzunte Er tcyꞌajal Josué;

atzunte Josué tcyꞌajal Eliezer;

atzunte Eliezer tcyꞌajal Jorim;

atzunte Jorim tcyꞌajal Matat;

30 atzunte Matat tcyꞌajal Leví;

atzunte Leví tcyꞌajal Simeón;

atzunte Simeón tcyꞌajal Judá;

atzunte Judá tcyꞌajal José;

atzunte José tcyꞌajal Jonán;

atzunte Jonán tcyꞌajal Eliaquim;

31 atzunte Eliaquim tcyꞌajal Melea;

atzunte Melea tcyꞌajal Mainán;

atzunte Mainán tcyꞌajal Matata;

atzunte Matata tcyꞌajal Natán;

32 atzunte Natán tcyꞌajal David;

atzunte David tcyꞌajal Isaí;

atzunte Isaí tcyꞌajal Obed;

atzunte Obed tcyꞌajal Booz;

atzunte Booz tcyꞌajal Salmón;

atzunte Salmón tcyꞌajal Naasón;

33 atzunte Naasón tcyꞌajal Aminadab;

atzunte Aminadab tcyꞌajal Aram;

atzunte Aram tcyꞌajal Esrom;

atzunte Esrom tcyꞌajal Fares;

atzunte Fares tcyꞌajal Judá;

34 atzunte Judá tcyꞌajal Jacob;

atzunte Jacob tcyꞌajal Isaac;

atzunte Isaac tcyꞌajal Abraham;

atzunte Abraham tcyꞌajal Taré;

atzunte Taré tcyꞌajal Nacor;

35 atzunte Nacor tcyꞌajal Serug;

atzunte Serug tcyꞌajal Ragau;

atzunte Ragau tcyꞌajal Peleg;

atzunte Peleg tcyꞌajal Heber;

atzunte Heber tcyꞌajal Sala;

36 atzunte Sala tcyꞌajal Cainán;

atzunte Cainán tcyꞌajal Arfaxad;

atzunte Arfaxad tcyꞌajal Sem;

atzunte Sem tcyꞌajal Noé;

atzunte Noé tcyꞌajal Lamec;

37 atzunte Lamec tcyꞌajal Matusalén,

atzunte Matusalén tcyꞌajal Enoc;

atzunte Enoc tcyꞌajal Jared;

atzunte Jared tcyꞌajal Mahalaleel;

atzunte Mahalaleel tcyꞌajal Cainán;

38 atzunte Cainán tcyꞌajal Enós;

atzunte Enós tcyꞌajal Set;

atzunte Set tcyꞌajal Adán;

atzunte Adán tcꞌwaꞌl Dios.