Ke xjal najl tuj Jerusalén
11
Ke nejenel cye tnam xjal e najan tuj Jerusalén, atzun txkantl xjal jaw cyiꞌn swert cyxolx, tuꞌn tcyaj ten jun ja xjal cyxol lajchak najal tuj Jerusalén aju tnam xjan, ex atzun belajtl ja xjal ax tuꞌn cycyaj ten najal cyuj cytanmi. 2 E tzalaj tnam xjal cyiꞌj keju cyuꞌnx xi cykꞌon cyib tuꞌn cyxiꞌ najal tuj Jerusalén. 3 Atzun cyuj ke tnam ateꞌ tuj Judá e najan ke aj Israel, ke pal, ke aj Leví, ke ajbel tuj tja Dios ex ke cyiyjil tmajen Salomón; teyle junjun najan tuj tex ttanmi ex tuj tex ttxꞌotxꞌ, aju etzan tuꞌn. Atzun ke nejenel jlu te junjun tnam ateꞌ tuj tcwent Judá, e pon najal tuj Jerusalén.4 At junjun aj Judá ex aj Benjamín e najan tuj Jerusalén, ex ke tiyjil Judá e najan tuj Jerusalén atzun ke jlu: Ataías aju tcyꞌajal Uzías, atzunte Uzías tcyꞌajal Zacarías, atzunte Zacarías tcyꞌajal Amarías, atzunte Amarías tcyꞌajal Sefatías, atzunte Sefatías tcyꞌajal Mahalaleel aju tiyjil Fares; 5 ex Maasías aju tcyꞌajal Baruc, atzunte Baruc tcyꞌajal Colhoze, atzunte Colhoze tcyꞌajal Hazaías, atzunte Hazaías tcyꞌajal Adaías, atzunte Adaías tcyꞌajal Joiarib, atzunte Joiarib tcyꞌajal Zacarías, atzunte Zacarías tcyꞌajal Siloni. 6 Aju cyajlal tiyjil Fares e cyaj ten najal tuj Jerusalén, cyaje syent tucꞌ 68 cybet, ex cycyakil ke xinak lu cyuw cycꞌuꞌj tuj kꞌoj. 7 Atzun ke tiyjil Benjamín atzun ke jlu: Salú aju tcyꞌajal Mesulam, atzunte Mesulam tcyꞌajal Joed, atzunte Joed tcyꞌajal Pedaías, atzunte Pedaías tcyꞌajal Colaías, atzunte Colaías tcyꞌajal Maasías, atzunte Maasías tcyꞌajal Itiel, atzunte Itiel tcyꞌajal Jesaías; 8 ex cyucꞌix Gabai ex Salai. Aju cyajlal tuꞌn cycyakil, japun belaj syent tucꞌ 28 cybet. 9 Aju nejenel cye, atzun Joel aju tcyꞌajal Zicri, tucꞌix Judá aju tcyꞌajal Senúa, aju tcabin nejenel tuj tnam.
10 Cyxol cyiyjil ke pal, atzun ke jlu: Gedaías aju tcyꞌajal Joiarib, tucꞌix Jaquín 11 ex Seraías aju tcyꞌajal Hilcías; atzunte Hilcías tcyꞌajal Mesulam, atzunte Mesulam tcyꞌajal Sadoc, atzunte Sadoc tcyꞌajal Meraiot, atzunte Meraiot tcyꞌajal Ahitob, ex ate Ahitob nejenel maꞌxix toclen tuj tja Dios. 12 Ax icx ke tucꞌil, akeju in che akꞌnan tuj akꞌuntl tuj tja Dios, 822 cybet. Tucꞌix Adaías aju tcyꞌajal Jeroham, ate Jeroham tcyꞌajal Pelalías, atzunte Pelalías tcyꞌajal Amsi, atzunte Amsi tcyꞌajal Zacarías, atzunte Zacarías tcyꞌajal Pasur, atzunte Pasur tcyꞌajal Malquías. 13 Cyucꞌix keju at cyxilen cyucꞌil, akeju nejenel cye junjun cꞌloj xjal at cyxilen cyxolx, japun jun cyajlal te cab syent tucꞌ 42 cybet tucꞌix Amasai, aju tcyꞌajal Azareel; ate Azareel tcyꞌajal Azai, atzunte Azai tcyꞌajal Mesilemot, atzunte Mesilemot tcyꞌajal Imer. 14 Cyucꞌix keju at cyxilen cyucꞌil, akeju xinak cyuw cycꞌuꞌj tuj kꞌoj, japun jun cyajlal te 128 cybet, ex aju nejenel cye, atzun Zabdiel aju tcyꞌajal Gedolim.
15 Atzun cyxol cyiyjil aj Leví, atzun ke jlu: Semaías aju tcyꞌajal Hasub, ate Hasub tcyꞌajal Azricam, atzunte Azricam tcyꞌajal Hasabías, atzunte Hasabías tcyꞌajal Buni; 16 ate Sabetai tucꞌix Jozabad, nejenel ke cye aj Leví ex tuj cycwent taꞌ akꞌuntl in bant tiꞌjxi tja Dios. 17 Ate Matanías tcyꞌajal Micaía, atzunte Micaía tcyꞌajal Zabdi, atzunte Zabdi tcyꞌajal Asaf aju nejenel cye ke bitzal, akeju in che nimsante tbi Dios ex in cykꞌoꞌn chjonte te Dios oc nnoꞌc naꞌj Dios; ate Bacbuquías nejenel cye tcabin cꞌloj, tucꞌix Abda aju tcyꞌajal Samúa, ate Samúa tcyꞌajal Galal, atzunte Galal tcyꞌajal Jedutún. 18 Aju cyajlal aj Leví e cyaj ten najal tuj tnam xjan, japun cab syent tucꞌ 84 cybet. 19 Cyxol cyiyjil ke xkꞌukil ttzi tja Dios, atzun ke jlu: Acub ex Talmón cyucꞌix keju at cyxilen cyucꞌil, xkꞌukil cytzi pwert ke; japun jun cyajlal te jun syent tucꞌ 72 cybet.
20 Atzun txkantl xjal aj Israel ex ke pal ex ke aj Leví, e jeꞌx najal cyuj txkantl tnam ateꞌ tuj Judá, teyle junjun tuj tex ttxꞌotxꞌ; 21 atzun ke ajbel tuj tja Dios e najan tuj Ofel, ex akeju nejenel cye atzun Ziha ex Gispa.
22 Atzunju nejenel cye aj Leví, akeju najlke tuj Jerusalén, atzun Uzi aju tcyꞌajal Bani, ate Bani tcyꞌajal Hasabías, atzunte Hasabías tcyꞌajal Matanías, atzunte Matanías tcyꞌajal Micaía; ake jlu tiyjil Asaf ke, ex atzun ke cyoc te nejenel cye ke bitzal, akeju in che ajben tuj tja Dios, 23 ex atzunte rey otok txi tkꞌoꞌn orden cye ke bitzal alcye tuꞌn tbant cyuꞌn tcyakil kꞌij.
24 Aju xjal yolil tuꞌn tbant tiꞌj nok alcyex jun tiꞌxti cye tnam xjal twitz rey, atzun Petaías aju tcyꞌajal Mesezabeel aju tiyjil Zera, aju tcyꞌajal Judá.
Txkantl lugar jatum e najan aj Israel
25 At junjun tiyjil Judá e najan cyuj ke tnam lu: Nsputine, Dibón, Jecabseel, 26 Jesúa, Molada, Bet-pelet, 27 Hazar-sual, Beerseba, 28 Siclag, Mecona, 29 En-rimón, Zora, Jarmut, 30 Zanoa, Adulam, Laquis ex Azeca, cyucꞌix ke aldey ex ke cojbil ateꞌ cyiꞌjele. Aju cylugar jatum e cub ten tuꞌn cynajan, xiꞌx keꞌ tuj Beerseba ex pon baj tuj chkꞌajlaj Hinom. 31 Atzun ke tiyjil Benjamín e najan cyuj ke tnam lu: Geba, Micmas, Aía ex Bet-el, cyucꞌix ke aldey ateꞌ cyiꞌjele; 32 ax icx at e najan cyuj ke tnam lu: Anatot, Nob, Ananías, 33 Hazor, Ramá, Gitaim, 34 Hadid, Seboim, Nebalat, 35 Lod, Ono, ex tuj chkꞌajlaj cye keju baꞌn che binchan tcyakil txcaj akꞌuntl tbanilxix. 36 Ax icx at junjun aj Leví najl ke tuj cytxꞌotxꞌ tiyjil Judá, e jeꞌx najal tuj cytxꞌotxꞌ tiyjil Benjamín.