Ke xjal aj Judá e jeꞌx kꞌiꞌn tuj Babilonia tuꞌn tlaj cybinchben mya baꞌn.

2 Ke xjal e ajtz meltzꞌaj tnejel tuꞌn cyul cyuj cyetzbil ex cyuj cytanmi; at ke aj Israel, at ke pal, at ke aj Leví ex at keju in che ajbentok tuj tja Dios. 3 At junjun tiyjil Judá, Benjamín, Efraín ex Manasés e ul najal tuj Jerusalén.

4 Cyxol tiyjil Judá ul Utai; ate Utai tcyꞌajal Amiud, atzunte Amiud tcyꞌajal Omri, atzunte Omri tcyꞌajal Imri, atzunte Imri tcyꞌajal Bani; tiyjil Fares ke jlu aju tcyꞌajal Judá. 5 Cyxol tiyjil Silón ul Asaías aju nej tcyꞌajal, cyucꞌix ke tcyꞌajal. 6 Cyxol tiyjil Zera ul Jeuel cyucꞌix ke terman; kak syent tucꞌil 90 xjal ul.

7 Cyxol tiyjil Benjamín ul Salú aju tcyꞌajal Mesulam, ate Mesulam tcyꞌajal Hodavías, atzunte Hodavías tcyꞌajal Asenúa. 8 Ax icx ul Ibneías aju tcyꞌajal Jeroham, tucꞌix Ela aju tcyꞌajal Uzi, atzunte Uzi tcyꞌajal Micri; ax icx ul Mesulam aju tcyꞌajal Sefatías, atzunte Sefatías tcyꞌajal Reuel, atzunte Reuel tcyꞌajal Ibnías. 9 Ke cyerman ke tiyjil Benjamín ic tzaꞌnx ke cyiyjil tzꞌiban, japun jun tajlal te belaj syent tucꞌil 56 cybet, ex cycyakil ke jlu nejenel cye junjun cꞌloj cyiyjil.

10 Ke pal e ul meltzꞌaj, atzun ke jlu: Jedaías, Joiarib, Jaquín 11 ex Azarías. Ate Azarías tcyꞌajal Hilcías, atzunte Hilcías tcyꞌajal Mesulam, atzunte Mesulam tcyꞌajal Sadoc, atzunte Sadoc tcyꞌajal Meraiot, atzunte Meraiot tcyꞌajal Ahitob. Ate Ahitob aju nejenel maꞌ toclen tuj tja Dios. 12 Ax icx ul Adaía aju tcyꞌajal Jeroham; atzunte Jeroham tcyꞌajal Pasur, atzunte Pasur tcyꞌajal Malquías; tucꞌix Masai ul, aju tcyꞌajal Adiel; ate Adiel tcyꞌajal Jazera, atzunte Jazera tcyꞌajal Mesulam, atzunte Mesulam tcyꞌajal Mesilemit, atzunte Mesilemit tcyꞌajal Imer. 13 Aju cyajlal ke pal tuꞌn tcyakilx, japun jun te jun mil tucꞌil wuk syent tucꞌil 60 cybet, nejenel ke cye junjun cꞌloj cyiyjil. Akeju pal lu nim cynabl tuꞌn cyajben tuj tja Dios.

14 Ke aj Leví e ul meltzꞌaj, atzun ke jlu: Semaías aju tcyꞌajal Hasub, ate Hasub tcyꞌajal Azricam, atzunte Azricam tcyꞌajal Hasabías; tiyjil Merari ke. 15 Tucꞌix Bacbacar ul, tucꞌix Heres, Galal ex Matanías. Ate Matanías tcyꞌajal Micaía, atzunte Micaía tcyꞌajal Zicri, atzunte Zicri tcyꞌajal Asaf. 16 Ex tucꞌix Obadías ul. Ate Obadías tcyꞌajal Semaías, atzunte Semaías tcyꞌajal Galal, atzunte Galal tcyꞌajal Jedutún. Ex tucꞌix Berequías ul. Ate Berequías tcyꞌajal Asa, atzunte Asa tcyꞌajal Elcana aju najan cyuj ke aldey cye aj Netofatit.

17 Ke xkꞌukil ttzi ja, atzun ke jlu: Salum, Acub, Talmón, Ahimán. Ate Salum aju cyerman, atzun nejenel cye. 18 Ax icx jaꞌlo, ax ke cyiyjil cyoc te xkꞌukil ttzi tja rey, aju tcubsaꞌn tuj tumlal tjawitz kꞌij. Atzun ke jlu xkꞌukil tuj lugar jatum cycubsaꞌn ke aj Leví.

19 Ex ke mastl cyerman ax tiyjil Coré, atzun ke at cyoclen tuꞌn cyxkꞌukin ttzi tja Dios ic tzaꞌnx ke cyxeꞌchel oc cycwentin tja Dios ojtxi jatum in che ocx ke xjal tuj, ex atzun ke jlu: Salum cyucꞌix ke mastl terman ax tiyjil Coré. Ate Salum tcyꞌajal Coré, atzunte Coré tcyꞌajal Ebiasaf, atzunte Ebiasaf tcyꞌajal juntl Coré. 20 Nej ate Finees aju tcyꞌajal Eleazar oc te nejenel cye. Ex o ten Kman tucꞌil.

21 Ate Zacarías tcyꞌajal Meselemías toctok te xkꞌukil ttzi ja xbalun te mojbabl tibil tucꞌil Dios.

22 Ke xjal e jaw scꞌoꞌn te xkꞌukil ttzi ja, o japun cyajlal te cab syent tucꞌil cablaj tuꞌn tcyakil, ic tzaꞌnx cybi tzꞌiban cyuj ke tnam jatum najlke. Tuꞌn David tucꞌix Samuel aju baꞌn nabin tuꞌn Dios, oc kꞌoꞌn cyoclen tiꞌj akꞌuntl lu, tuꞌnju baꞌn cymod. 23 Tzaꞌnxix ake, ax icx ke cycyꞌajal, e cub ten xkꞌukil ttzi tja Kman aju ja te cꞌulbil. 24 Ateꞌtok ke xkꞌukil tuj tcyajil pacꞌ tja Dios, te ocni ex te elni, te jawni ex te cubni. 25 Ke cyerman, akeju najlketok cyuj ke aldey, in che ultok junjun maj tuꞌn cyten wuk kꞌij te onil cye. 26 Pero akeju cyaje xkꞌukil maꞌxix cyoclen aj Leví ke, ax ateꞌ ke tcyakil kꞌij, in che xkꞌukin ke cwart ex ke kꞌinumabl ateꞌ tuj tja Dios. 27 Ax nneꞌx akꞌbil cye tiꞌjele tja Dios, porque tuj cycwent taꞌ tuꞌn toc cycwentin ex tuꞌn cyjaket tpwertil ja tcyakil prim. 28 At junjun cye tuj cycwent ateꞌ ke macbil in che ajben tuj cꞌulbil; oc in che etz kꞌiꞌn, biꞌx in jaw jun tajlal cyiꞌj, ax icx oc in che ocx kꞌoꞌn juntl maj. 29 Ex at junjuntl tuj cycwent ateꞌ mastl macbil cyucꞌix ke macbil xjansaꞌmaj ke, tucꞌix arin, taꞌl twitz uva, aseyt, storac ex perjum. 30 At junjun pal tuj cycwent taꞌ tuꞌn tbinchet perjum; 31 ex at jun aj Leví Matatías tbi, aju nej tcyꞌajal Salum tiyjil Coré, atzun at toclen tiꞌj tuꞌn cybinchet ke tal wabj te oyaj. 32 At junjun cyerman tiyjil Coat tuj cycwent taꞌ tuꞌn cybaj cybinchaꞌn ke pan xjansaꞌmaj, akeju in che cub kꞌoꞌn tuj txolin cyten twi mes tuj tcyakil kꞌij te ojlabl. 33 Ax icx ateꞌ keju baꞌn che bitzan, aj Leví ke, nejenel ke te junjun cꞌloj cyiyjil, najlke cyuj ke cwart tiꞌjele tja Dios; mintiꞌ cyoclen tiꞌj txkantl akꞌuntl, porque kꞌijl ex konicꞌan in che ajben tuj cyakꞌun.

34 Atzun ke jlu aj Leví ke ex nejenel ke cye ke cyiyjil; tuj cꞌlojin cyten ic tzaꞌnx cybi tzꞌiban, ex ax najlke tuj Jerusalén.

35 Tuj tnam Gabaón najltok Jehiel, aju nejenel tuj Gabaón. Aju t-xuꞌjil Jehiel, Maaca tbi. 36 Ex atzun ke cycꞌwaꞌl jlu: Abdón tbi tnejel, tucꞌix Zur, Cis, Baal, Ner, Nadab, 37 Gedor, Ahío, Zacarías ex Miclot. 38 Ate Miclot tman Simeam. Ax icx ke jlu ax e najan tuj Jerusalén, nikayin cytxlaj ke cyerman.

39 Ate Ner tman Cis, atzunte Cis tman Saúl, ex ate Saúl tman Jonatán, Malquisúa, Abinadab ex Es-baal. 40 Aju tcyꞌajal Jonatán Merib-baal tbi, aju tman Micaía. 41 Ke tcyꞌajal Micaía atzun ke jlu: Pitón, Melec, Tarea ex Acaz. 42 Ate Acaz tman Jara, ex atzunte Jara tman Alemet, Azmavet ex Zimri; ate Zimri tman Mosa, 43 atzunte Mosa tman Bina, atzunte Bina tman Refaías, atzunte Refaías tman Elasa, ex atzunte Elasa tman Azel.

44 Ke tcyꞌajal Azel kak cybaj, ex atzun ke jlu: Azricam, Bocru, Ismael, Searías, Obadías ex Hanán. Ake jlu tcyꞌajal Azel ke.