Ke tiyjil Benjamín
8
Ke tcyꞌajal Benjamín, atzun ke jlu: Bela tbi tnejel, Asbel tbi tcabin, Ahara tbi toxin, 2 Noha tbi tcyajin, ex Rafa tbi tjweꞌyin. 3 Ke tcyꞌajal Bela, atzun ke jlu: Adar, Gera, Abiud, 4 Abisúa, Naamán, Ahoa, 5 Gera, Sefufán ex Hiram.6 Ke tcyꞌajal Aod, akeju nejenel cye junjun cꞌloj cyiyjil najlketok tuj tnam Geba e jeꞌx kꞌiꞌn tuꞌn cypon tuj tnam Manahat, atzun ke jlu: 7 Naamán, Ahías ex Gera. Ate Gera xi kꞌinte cye, ex ax Gera tman Uza ex Ahiud.
8 Ate Saharaim o tzaj mastl tcyꞌajal tuj txꞌotxꞌ cye aj Moab, tcublenxi tpaꞌn tib cyucꞌil ke te t-xuꞌjil Husim ex Baara cybi. 9 Ke tcyꞌajal e tzaj tiꞌj Hodes, aju juntl t-xuꞌjil o cnet, atzun ke jlu: Jobab, Sibia, Mesa, Malcam, 10 Jeúz, Saquías ex Mirma. Atzun ke tcyꞌajal jlu, nejenel ke cye junjun cꞌloj cyiyjil.
11 Ex ke tcyꞌajal otok che tzaj tiꞌj t-xuꞌjilben Husim tbi, atzun ke jlu: Abitob ex Elpaal. 12 Ke tcyꞌajal Elpaal, atzun ke jlu: Heber, Misam, ex Semed. Ate Semed jaw binchante ke tnam Ono ex Lod cyucꞌix ke cy-aldey. 13 Ax icx Bería ex Sema tcyꞌajal Elpaal ke, nejenel ke cye ke cyiyjil najlke tuj tnam Ajalón. Atzun ke e bjeꞌx lajonte cye ke xjal najlketok tuj tnam Gat. 14 Ke tcyꞌajal Bería, atzun ke jlu: Ahío, Sasac, Jeremot, 15 Zebadías, Arad, Ader, 16 Micael, Ispa ex Joha. 17 Ke tcyꞌajal Elpaal, atzun ke jlu: Zebadías, Mesulam, Hizqui, Heber, 18 Ismerai, Jezlías ex Jobab. 19 Ke tcyꞌajal Simei, atzun ke jlu: Jaquim, Zicri, Zabdi, 20 Elienai, Ziletai, Eliel, 21 Adaías, Beraías ex Simrat. 22 Ke tcyꞌajal Sasac, atzun ke jlu: Ispán, Heber, Eliel, 23 Abdón, Zicri, Hanán, 24 Hananías, Elam, Anatotías, 25 Ifdaías ex Peniel. 26 Ke tcyꞌajal Jeroham, atzun ke jlu: Samserai, Seharías, Atalías, 27 Jaresías, Elías, ex Zicri. 28 Atzun ke jlu nejenel ke, mas maꞌ cyoclen cyxol junjun cꞌloj cyiyjil ic tzaꞌnx cybi tzꞌiban, ex atzun ke jlu e najan tuj Jerusalén.
Ke tiyjil Saúl
29 Tuj tnam Gabaón najltok Jehiel, aju nejenel tuj Gabaón. Aju t-xuꞌjil Jehiel, Maaca tbi. 30 Ex atzun cybi ke tcyꞌajal jlu: Abdón tbi tnejel, tucꞌix Zur, Cis, Baal, Ner, Nadab, 31 Gedor, Ahío, Zequer 32 ex Miclot aju tman Simea. Ax icx ke jlu e najan nikayin cytxlaj cyerman tuj Jerusalén. 33 Ate Ner tman Cis, atzunte Cis tman Saúl, ex ate Saúl cyman Jonatán, Malquisúa, Abinadab ex Es-baal. 34 Ate Jonatán tman Merib-baal, atzunte Merib-baal tman Micaía. 35 Ke tcyꞌajal Micaía, atzun ke jlu: Pitón, Melec, Tarea, ex Acaz. 36 Ate Acaz tman Joada, ex atzunte Joada cyman Alemet, Azmavet ex Zimri; ate Zimri tman Mosa, 37 atzunte Mosa tman Bina, atzunte Bina tman Rafa, atzunte Rafa tman Elasa, atzunte Elasa tman Azel.
38 Ke tcyꞌajal Azel kak cybaj, ex atzun ke jlu: Azricam, Bocru, Ismael, Searías, Obadías ex Hanán. Atzun ke jlu tcyꞌajal Azel.
39 Ke tcyꞌajal Esec aju terman Azel, atzun ke jlu: Ulam tbi tnejel, Jeús tbi tcabin ex Elifelet tbi toxin.
40 Ke tcyꞌajal Ulam, atzun ke soldad cyuw cycꞌuꞌj tuj kꞌoj, mejor che xoꞌn tuꞌn xobl plech. Nimxix cycyꞌajal e ten ax icx ke tal cychman, jun syent tucꞌil 50 cybet tuꞌn tcyakilx. Cycyakil ke jlu tiyjil Benjamín ke.