2 Ke tcyꞌajal Tola, atzun ke jlu: Uzi, Rafaías, Jeriel, Jahmai, Jibsam ex Semuel; teylex te junjun nejenel ke te junjun cꞌloj tiyjil Tola. Tuj tkꞌijlalil tej tten David japun tajlal tiyjil Tola 22 mil tucꞌil kak syent xinak cyuw cycꞌuꞌj tuj kꞌoj.

3 Aju tcyꞌajal Uzi, atzun Israhías. Ke tcyꞌajal Israhías, atzun ke jlu: Micael, Obadías, Joel ex Isías. Akeju jweꞌ lu nejenel ke. 4 Tuꞌnju o ten elaꞌ cyxuꞌjil ex elaꞌ cycyꞌajal, cyjaꞌtzun chmet nim cyajlal. Cyuꞌn ke cyiyjil e ul itzꞌj te tibajxi, japun 36 mil cyajlal xinak otok bant tuꞌn cyxiꞌ tuj kꞌoj.

5 Ke tiyjil Isacar tuꞌn tcyakilx, ic tzaꞌn tajlal cybi tzꞌiban, japun 87 mil xinak. Cycyakil ke jlu cyuw cycꞌuꞌj tuj kꞌoj.

6 Ox cybaj ke tcyꞌajal Benjamín ex atzun ke jlu: Bela, Bequer ex Jediael. 7 Ke tcyꞌajal Bela jweꞌ cybaj ex atzun ke jlu: Ezbón, Uzi, Uziel, Jeremot ex Iri. Cycyakil ke jlu nejenel ke cye junjun cꞌloj cyiyjil ex cyuw cycꞌuꞌj tuj kꞌoj. Ic tzaꞌnx tajlal cybi tzꞌiban, japun 22 mil 34 xinak.

8 Ke tcyꞌajal Bequer, atzun ke jlu: Zemira, Joás, Eliezer, Elioenai, Omri, Jerimot, Abías, Anatot ex Alamet. Cycyakil ke jlu tcyꞌajal Bequer ke, 9 ex ic tzaꞌnx cyajlal junjun cꞌloj cyiyjil tzꞌiban ex ke nejenel cye, japun 20 mil tucꞌil cab syent xinak cyuw cycꞌuꞌj tuj kꞌoj.

10 Aju tcyꞌajal Jediael, atzun Bilhán. Ke tcyꞌajal Bilhán, atzun ke jlu: Jeús, Benjamín, Aod, Quenaana, Zetán, Tarsis ex Ahisahar. 11 Cycyakil ke jlu tiyjil Jediael ke, nejenel ke te junjun cꞌloj cyiyjil, cyuw cycꞌuꞌj tuj kꞌoj ex otok bant tuꞌn cyxiꞌ tuj kꞌoj. Japun jun cyajlal te wuklaj mil tucꞌil cab syent xinak.

12 Ke tcyꞌajal Hir, atzun ke jlu: Supim ex Hupim. Aju tcyꞌajal Aher, atzun Husim.

13 Ke tcyꞌajal Neftalí, atzun ke jlu: Jahzeel, Guni, Jezer ex Salum. Atzun ke jlu tal tchman Bilha.

14 Ke tcyꞌajal Manasés e tzaj tiꞌj juntl t-xuꞌjil aju aj Siria, atzun ke jlu: Asriel ex Maquir, ate Maquir tman Galaad. 15 Ate Maquir o mojeꞌ tucꞌil jun xuꞌj cyxol cyiyjil Hupim ex Supim. Ex aju tanb Maquir Maaca tbi. Aju tcab tcyꞌajal Maquir, Zelofehad tbi; a jlu nok oꞌcx ke tmeꞌjel e tzaj. 16 Ate Maaca aju t-xuꞌjil Maquir tzaj jun tal kꞌa, ex oc tkꞌoꞌn tbi Peres. Aju titzꞌin Peres, Seres tbi, ex ke tcyꞌajal Seres, atzun cybi jlu: Ulam ex Requem. 17 Ate Ulam tman Bedán. Atzun ke jlu tiyjil Galaad ke, aju tcyꞌajal Maquir, ex ate Maquir tcyꞌajal Manasés.

18 Aju tanb Maquir Hamolequet tbi, atzun ttxuꞌ Isod, Abiezer ex Mahala.

19 Ke tcyꞌajal Semida, atzun ke jlu: Ahián, Siquem, Likhi ex Aniam.

20 Ke tiyjil Efraín, atzun ke jlu: Ate Efraín tman Sutela, atzunte Sutela tman Bered, atzunte Bered tman Tahat, atzunte Tahat tman Elada, atzunte Elada tman Tahat, 21 atzunte Tahat tman Zabad, atzunte Zabad tman Sutela. Ex at cabetl tcyꞌajal Efraín, Ezer ex Elad cybi, pero e cub byoꞌn cyuꞌn keju najl tuj txꞌotxꞌ Gat, porque e jeꞌx elkꞌalte cywacẍ ke xjal lu. 22 Ate Efraín aju cyman nim kꞌij o bisun cyiꞌj, ex e ul ke terman kꞌukbalte tcꞌuꞌj. 23 Te tibajxi cub tmojban tib tucꞌil t-xuꞌjil, atzunte t-xuꞌjil oc ten tal ex ul itzꞌj jun tal kꞌa, ex Bería tbi oc tkꞌoꞌn porque otok tzaj bis tuj tja.

24 Ate Seera aju tmeꞌjel Bería jaw binchante ke tnam lu: Bet-horón te cubni ex Bet-horón te jawni, ax icx ju tnam Uzen-seera.

25 Ke tiyjil Bería, atzun ke jlu: Ate Bería tman Refa, atzunte Refa tman Resef, atzunte Resef tman Telah, atzunte Telah tman Tahán, 26 atzunte Tahán tman Laadán, atzunte Laadán tman Amiud, atzunte Amiud tman Elisama, 27 atzunte Elisama tman Nun, ex atzunte Nun tman Josué. 28 Ke cytxꞌotxꞌ ex ke tnam jatum e najan cyucꞌix ke aldey ateꞌ cyiꞌjele, atzun ke jlu: Betel, Naarán aju tcubsaꞌn tuj tumlal tjawitz kꞌij, Gezer aju tcubsaꞌn tuj tumlal telex kꞌij, tucꞌix tnam Siquem, ex pon baj max tuj tnam Ayah. 29 Tuj cycwent tiyjil Manasés attok ke tnam lu: Bet-seán, Taanac, Meguido ex Dor cyucꞌix ke aldey ateꞌ cyiꞌjele. Cyujtzun ke lugar lu e najan ke tiyjil José aju tcyꞌajal Israel.

30 Ke tcyꞌajal Aser, atzun ke jlu: Imna, Isúa, Isúi, Bería, ex Sera tbi cyanb.

31 Ke tcyꞌajal Bería, atzun ke jlu: Heber ex Malquiel; ate Malquiel tman Birzavit. 32 Ate Heber tman Jaflet, Semer, ex Hotam, ex Súa tbi cyanb.

33 Ke tcyꞌajal Jaflet, atzun ke jlu: Pasac, Bimhal ex Asvat. Atzun ke jlu tcyꞌajal Jaflet.

34 Ke tcyꞌajal Semer, atzun ke jlu: Ahí, Rohga, Jehúba ex Aram.

35 Ke tcyꞌajal Hotam aju terman Semer, atzun ke jlu: Zofa, Imna, Seles ex Amal. 36 Ke tcyꞌajal Zofa, atzun ke jlu: Súa, Harnefer, Súal, Beri, Imra, 37 Beser, Hod, Sama, Silsa, Itrán ex Beera.

38 Ke tcyꞌajal Jeter, atzun ke jlu: Jefone, Pispa ex Ara. 39 Ke tcyꞌajal Ula, atzun ke jlu: Ara, Haniel ex Rezia.

40 Cycyakil ke jlu tiyjil Aser ke. Nejenel ke cye junjun cꞌloj tiyjil Aser, scꞌoꞌmaj ke ex cyuw cycꞌuꞌj tuj kꞌoj, ex nejenel ke cye ke xinak maꞌ cyoclen. Ic tzaꞌnx tajlal cybi tzꞌiban, japun 26 mil xinak otok bant tuꞌn cyxiꞌ tuj kꞌoj.