2 Ke tcyꞌajal Coat, atzun ke jlu: Amram, Izhar, Hebrón ex Uziel. 3 Ke tcꞌwaꞌl Amram, atzun ke jlu: Aarón, Moisés ex María. Ke tcyꞌajal Aarón, atzun ke jlu: Nadab, Abiú, Eleazar ex Itamar. 4 Ate Eleazar tman Finees, atzunte Finees tman Abisúa, 5 atzunte Abisúa tman Buqui, atzunte Buqui tman Uzi, 6 atzunte Uzi tman Zeraías, atzunte Zeraías tman Meraiot, 7 atzunte Meraiot tman Amarías, atzunte Amarías tman Ahitob, 8 atzunte Ahitob tman Sadoc, atzunte Sadoc tman Ahimaas, 9 atzunte Ahimaas tman Azarías, atzunte Azarías tman Johanán, 10 atzunte Johanán tman Azarías, aju oc te pal tuj tja Dios o bant tuꞌn Salomón tuj Jerusalén. 11 Atzunte Azarías tman Amarías, atzunte Amarías tman Ahitob, 12 atzunte Ahitob tman Sadoc, atzunte Sadoc tman Salum, 13 atzunte Salum tman Hilcías, atzunte Hilcías tman Azarías, 14 atzunte Azarías tman Seraías, ex atzunte Seraías tman Josadac. 15 Tucꞌix te Josadac xi kꞌiꞌn tej cyxi tkꞌoꞌn Kman ke aj Judá ex ke aj Jerusalén tuj tkꞌab Nabucodonosor, tuꞌn cyxi kꞌiꞌn tuj juntl txꞌotxꞌ najchak.

16 Ke tcyꞌajal Leví, atzun ke jlu: Gersón, Coat ex Merari.

17 Ke tcyꞌajal Gersón atzun ke jlu: Libni ex Simei.

18 Ke tcyꞌajal Coat atzun ke jlu: Amram, Ishar, Hebrón ex Uziel.

19 Ke tcyꞌajal Merari atzun ke jlu: Mahli ex Musi.

Atzun ke jlu tiyjil Leví ic tzaꞌnx junjun cꞌloj tiyjil:

20 Ke tiyjil Gersón atzun ke jlu: Ate Gersón tman Libni, atzunte Libni tman Jahat, atzunte Jahat tman Zima, 21 atzunte Zima tman Joa, atzunte Joa tman Iddo, atzunte Iddo tman Zera, ex atzunte Zera tman Jeatrai.

22 Ke tiyjil Coat atzun ke jlu: Ate Coat tman Aminadab, atzunte Aminadab tman Coré, atzunte Coré tman Asir, 23 atzunte Asir tman Elcana, atzunte Elcana tman Ebiasaf, atzunte Ebiasaf tman Asir, 24 atzunte Asir tman Tahat, atzunte Tahat tman Uriel, atzunte Uriel tman Uzías ex atzunte Uzías tman Saúl.

25 Ke tcyꞌajal Elcana atzun ke jlu: Amasai ex Ahimot, 26 ex ke tiyjil Ahimot atzun ke jlu: Ate Ahimot tman Elcana, atzunte Elcana tman Zofai, atzunte Zofai tman Nahat, 27 atzunte Nahat tman Eliab, atzunte Eliab tman Jeroham, atzunte Jeroham tman Elcana.

28 Ke tcyꞌajal Samuel atzun ke jlu: Joel aju nej tcyꞌajal, ex Abías.

29 Ke tiyjil Merari, atzun ke jlu: Ate Merari tman Mahli, atzunte Mahli tman Libni, atzunte Libni tman Simei, atzunte Simei tman Uza, 30 atzunte Uza tman Simea, atzunte Simea tman Haguía, atzunte Haguía tman Asaías.

31 Atzun ke bitzal jlu e oc tkꞌoꞌn David tuꞌn cybitzan, atxix tej tocx tkꞌoꞌn ju cax cꞌubl tley Dios tuj tja Dios. 32 Atzun ke jlu e bitzan twitz ja xbalun te mojbabl tibil tucꞌil Dios nej, ax icx tej tbant tja Dios tuꞌn Salomón tuj Jerusalén, ax ke e ajben ma chixin ic tzaꞌnx otok tzaj kꞌmaꞌn cye.

33 Akeju ateꞌtok ma chixin ex ax e bitzan cyucꞌix ke cycyꞌajal, atzun ke jlu: Hemán, aju tzajni tiꞌj tiyjil Coat, ex atzun nejenel te tnejel cꞌloj bitzal. Ate Hemán tcyꞌajal Joel, atzunte Joel tcyꞌajal Samuel, 34 atzunte Samuel tcyꞌajal Elcana, atzunte Elcana tcyꞌajal Jeroham, atzunte Jeroham tcyꞌajal Eliel, atzunte Eliel tcyꞌajal Toa, 35 atzunte Toa tcyꞌajal Zuf, atzunte Zuf tcyꞌajal Elcana, atzunte Elcana tcyꞌajal Mahat, atzunte Mahat tcyꞌajal Amasai, 36 atzunte Amasai tcyꞌajal Elcana, atzunte Elcana tcyꞌajal Joel, atzunte Joel tcyꞌajal Azarías, atzunte Azarías tcyꞌajal Sofonías, 37 atzunte Sofonías tcyꞌajal Tahat, atzunte Tahat tcyꞌajal Asir, atzunte Asir tcyꞌajal Ebiasaf, atzunte Ebiasaf tcyꞌajal Coré,

38 atzunte Coré tcyꞌajal Izhar, atzunte Izhar tcyꞌajal Coat, atzunte Coat tcyꞌajal Leví, atzunte Leví tcyꞌajal Israel.

39 Tuj tbankꞌab Hemán, atzun in cub ten Asaf aju at t-xilen tucꞌil. Ate Asaf tcyꞌajal Berequías, atzunte Berequías tcyꞌajal Simea, 40 atzunte Simea tcyꞌajal Micael, atzunte Micael tcyꞌajal Baasías, atzunte Baasías tcyꞌajal Malquías, 41 atzunte Malquías tcyꞌajal Etni, atzunte Etni tcyꞌajal Zera, atzunte Zera tcyꞌajal Adaía, 42 atzunte Adaía tcyꞌajal Etán, atzunte Etán tcyꞌajal Zima, atzunte Zima tcyꞌajal Simei, 43 atzunte Simei tcyꞌajal Jahat, atzunte Jahat tcyꞌajal Gersón, atzunte Gersón tcyꞌajal Leví.

44 Tuj tnayaj Hemán, atzun in cub ten Etán aju at t-xilen tucꞌil, aju tiyjil Merari. Ate Etán tcyꞌajal Quisi, atzunte Quisi tcyꞌajal Abdi, atzunte Abdi tcyꞌajal Maluc, 45 atzunte Maluc tcyꞌajal Hasabías, atzunte Hasabías tcyꞌajal Amasías, atzunte Amasías tcyꞌajal Hilcías, 46 atzunte Hilcías tcyꞌajal Amsi, atzunte Amsi tcyꞌajal Bani, atzunte Bani tcyꞌajal Semer, 47 atzunte Semer tcyꞌajal Mahli, atzunte Mahli tcyꞌajal Musi, atzunte Musi tcyꞌajal Merari, ex atzunte Merari tcyꞌajal Leví.

48 Ke mastl xjal at cyxilen cyucꞌil, akeju tiyjil Leví, tuj cycwent cyaj tcyakil akꞌuntl at tuj tja Dios. 49 Atzunte Aarón cyucꞌix ke tiyjil in che cub patunte oyaj tibaj altar te patbil chojbil ex tibaj altar te patbil storac. Ax icx in che ajbentok tuj tcyakil akꞌuntl tuj Lugar Mas Xjanxix ex tuꞌn cykanin tuꞌn tnajset cyil aj Israel, ic tzaꞌnx tcyakilju otok tma Moisés aju tmajen Dios.

50 Ke tiyjil Aarón atzun ke jlu: Ate Aarón tman Eleazar, atzunte Eleazar tman Finees, atzunte Finees tman Abisúa, 51 atzunte Abisúa tman Buqui, atzunte Buqui tman Uzi, atzunte Uzi tman Zeraías, 52 atzunte Zeraías tman Meraiot, atzunte Meraiot tman Amarías, atzunte Amarías tman Ahitob, 53 atzunte Ahitob tman Sadoc, ex atzunte Sadoc tman Ahimaas.

54-55 Atzun ke lugar lu jatum e najan ke tiyjil Aarón ex ke tmojonil cytxꞌotxꞌ. Atzunju tnam Hebrón aju at tuj txꞌotxꞌ te Judá, cyucꞌix ke cywabl alumaj at cyuj, oc te cye ke tiyjil Coat, ic tzaꞌnx ju swert jaw. 56 Atzunte Caleb aju tcyꞌajal Jefone, xi kꞌoꞌn te aju cojbil at tiꞌjele tnam lu cyucꞌix ke t-aldey. 57 Atzun cybi ke tnam jlu, aju xi kꞌoꞌn cye tiyjil Aarón: Hebrón aju tnam te cycolbil cyib ke xjal, tucꞌix tnam Libna, Jatir, Estemoa, 58 Hilén, Debir, 59 Asán, ex Bet-semes, cyucꞌix ke cojbil te cywabl alumaj ateꞌ cyiꞌjele. 60 Ax icx xi kꞌoꞌntl cye tiyjil Aarón ke tnam Geba, Alemet ex Anatot, cyucꞌix ke cojbil te cywabl alumaj ateꞌ cyiꞌjele; akeju tnam lu ateꞌ tuj cytxꞌotxꞌ aj Benjamín. Cyjaꞌtzun, akeju tnam e oc te cye tiyjil Aarón, oxlaj tuꞌn tcyakilx.

61 Atzun ke mastl cꞌloj tiyjil Coat, xi kꞌoꞌn laj tnam cye, akeju ateꞌ tuj cytxꞌotxꞌ mij tiyjil Manasés, ic tzaꞌnx swert jaw. 62 Atzun cye tiyjil Gersón xi kꞌoꞌn oxlaj tnam cye, ic tzaꞌnx tajlal junjun cꞌloj cyiyjil. Akeju tnam lu ateꞌ tuj cytxꞌotxꞌ tiyjil Isacar, Aser, Neftalí ex tuj cytxꞌotxꞌ mijtl tiyjil Manasés, akeju otok che ten tuj txꞌotxꞌ Basán.

63 Atzun cye tiyjil Merari xi kꞌoꞌn cablaj tnam cye, ic tzaꞌnx cyajlal junjun cꞌloj cyiyjil ex ic tzaꞌnx swert jaw. Akeju tnam lu ateꞌ tuj cytxꞌotxꞌ tiyjil Rubén, Gad ex Zabulón.

64 Atzun ke tnam jlu cyucꞌix ke cywabl alumaj ateꞌ cyiꞌjele, xi cykꞌoꞌn aj Israel te cye tiyjil Leví. 65 Xi cykꞌoꞌn aj Israel ke tnam lu cye, akeju ateꞌ tuj cytxꞌotxꞌ tiyjil Judá, tiyjil Simeón ex tiyjil Benjamín, ic tzaꞌn cybi ma jaw ex ic tzaꞌn swert jaw. 66 At junjun cꞌloj tiyjil Coat xi kꞌoꞌn junjun tnam cye tuj cytxꞌotxꞌ tiyjil Efraín, ic tzaꞌnx swert jaw. 67 Ax icx xi kꞌoꞌn cye aju tnam Siquem, aju tnam te cycolbil cyib xjal tcubsaꞌn tuj tiwitz txꞌotxꞌ cye tiyjil Efraín, cyucꞌix ke cojbil te cywabl alumaj ateꞌ tiꞌjele; ax icx xi kꞌoꞌn cye ke tnam lu: Gezer, 68 Jocmeam, Bet-horón, 69 Ajalón ex Gat-rimón, cyucꞌix ke cojbil te cywabl alumaj ateꞌ cyiꞌjele.

70 Atzun cye mastl cꞌloj tiyjil Coat xi kꞌoꞌn ke tnam lu cye: Aner tucꞌix Bileam, cyucꞌix ke cojbil te cywabl alumaj ateꞌ cyiꞌjele. Akeju tnam lu ateꞌ tuj cytxꞌotxꞌ mij tiyjil Manasés.

71 Atzun cye tiyjil Gersón, ic tzaꞌnx tajlal junjun cꞌloj cyiyjil, xi kꞌoꞌn cye aju tnam Golán tbi, aju at tuj Basán, tucꞌix tnam Astarot, cyucꞌix ke cojbil te cywabl alumaj ateꞌ cyiꞌjele. Akeju tnam lu ateꞌ tuj cytxꞌotxꞌ mij tiyjil Manasés. 72-73 Ax icx xi kꞌoꞌn ke tnam lu cye: Cedes, Daberat, Ramot ex Anem, teylex te junjun cyucꞌix ke cojbil te cywabl alumaj ateꞌ cyiꞌjele. Ke tnam lu atzun ateꞌ tuj cytxꞌotxꞌ tiyjil Isacar. 74-75 Ax icx xi kꞌoꞌn ke tnam lu cye: Masal, Abdón, Hucoc ex Rehob, cyucꞌix ke cojbil te cywabl alumaj ateꞌ cyiꞌjele. Akeju tnam lu ateꞌ tuj cytxꞌotxꞌ tiyjil Aser. 76 Ax icx xi kꞌoꞌn ke tnam lu cye: Cedes aju at tuj Galiley, tucꞌix Amón ex Quiriataim, cyucꞌix ke cojbil te cywabl alumaj ateꞌ cyiꞌjele. Akeju tnam lu atzun ateꞌ tuj cytxꞌotxꞌ tiyjil Neftalí.

77 Atzun cye mastl cꞌloj tiyjil Merari xi kꞌoꞌn ke tnam lu cye: Rimón ex Tabor, cyucꞌix ke cojbil te cywabl alumaj ateꞌ cyiꞌjele. Akeju tnam lu atzun ateꞌ tuj cytxꞌotxꞌ tiyjil Zabulón. 78-79 Ax icx xi kꞌoꞌn ke tnam lu cye: Beser aju tcub tuj tzkij txꞌotxꞌ, tucꞌix Jaza, Cademot ex Mefaat, cyucꞌix ke cojbil te cywabl alumaj ateꞌ cyiꞌjele. Akeju tnam lu atzun ateꞌ tuj cytxꞌotxꞌ tiyjil Rubén, tuj tumlal tjawitz kꞌij te nima Jordán ex ax tuj tumlal tjawitz kꞌij te tnam Jericó. 80-81 Ax icx xi kꞌoꞌn ke tnam lu cye: Ramot aju at tuj Galaad, tucꞌix Mahanaim, Hesbón ex Hazer, cyucꞌix ke cojbil te cywabl alumaj ateꞌ cyiꞌjele. Akeju tnam lu atzun ateꞌ tuj cytxꞌotxꞌ tiyjil Gad.