4 Tnejel jaw swert cyiꞌj teyle junjun cꞌloj tiyjil Coat aju tcyꞌajal Leví. O cycꞌam aj Coat, akeju tiyjil pal Aarón, oxlaj tnam, akeju cyetok ke tiyjil Judá, tiyjil Simeón ex tiyjil Benjamín. 5 Atzun cye txkantl tiyjil Coat o cycꞌam lajtl tnam, akeju cyetok ke tiyjil Efraín, tiyjil Dan ex mij tiyjil Manasés. 6 Xi kꞌoꞌn oxlaj tnam te cye ke tiyjil Gersón, ic tzaꞌnx swert jaw cyiꞌj. Akeju tnam lu cyetok ke tiyjil Isacar, tiyjil Aser, tiyjil Neftalí ex mijtl tiyjil Manasés aju at tuj Basán. 7 Atzun cye cycyakil tiyjil Merari xi kꞌoꞌn cablaj tnam, akeju cyetok ke tiyjil Rubén, tiyjil Gad ex tiyjil Zabulón.

8 Tuꞌn swert cub cysipan aj Israel ke tnam cyxol aj Leví, cyucꞌix ke cojbil te cywabl wacẍ, ic tzaꞌnx otok tma Kman te Moisés. 9 Atzun ke tnam lu xi cykꞌoꞌn tiyjil Judá ex tiyjil Simeón 10 te cye aj Leví akeju tiyjil Coat, ex elni ke tiꞌj Aarón, porque ake e camban tiꞌj swert jaw nej: 11 Tuj lugar tiwitz txꞌotxꞌ cye aj Judá xi cykꞌoꞌn tnam Quiriat-arba cye, aju ax juntl tbi Hebrón, cyucꞌix ke cojbil te cywabl wacẍ ateꞌ cyiꞌjele. (Ate Arba tman ju nintz xjal Anac.) 12 Pero aju txꞌotxꞌ ex ke aldey teju tnam lu xi cykꞌoꞌn te tetzbil Caleb aju tcyꞌajal Jefone.

13 Otok tzꞌoc tnam Hebrón te cycolbil cyib xjal, akeju otok cub jun xjal cyuꞌn, ex xi kꞌoꞌn te cye ke tiyjil Aarón, cyucꞌix ke tnam lu: Libna, 14 Jatir, Estemoa, 15 Holón, Debir, 16 Aín, Juta ex Bet-semes; belaj tnam tuꞌn tcyakilx xi cykꞌoꞌn ke tiyjil Judá ex ke tiyjil Simeón cye, cyucꞌix ke cojbil te cywabl wacẍ ateꞌ cyiꞌjele. 17 Ex ke tiyjil Benjamín xi cykꞌoꞌn ke tnam lu: Gabaón, Geba, 18 Anatot ex Almón; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 19 Cyjaꞌtzun, akeju tnam e oc te cye ke pal akeju tiyjil Aarón, japun oxlaj tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele.

20 Atzun cye txkantl tiyjil Leví, akeju tiyjil Coat, cub sipan junjun tnam cyxol, akeju tnam cye tiyjil Efraín. 21 Tuj tiwitz txꞌotxꞌ cye aj Efraín xi kꞌoꞌn tnam Siquem, aju tnam te cycolbil cyib xjal akeju otok cub jun xjal cyuꞌn, ex xi kꞌoꞌntl tnam Gezer, 22 tucꞌix Kibsaim ex Bet-horón; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 23 Ax icx ke tiyjil Dan xi cykꞌoꞌn ke tnam lu cye: Elteque, Gibetón, 24 Ajalón ex Gat-rimón; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 25 Ex ke mij tiyjil Manasés xi cykꞌoꞌn tnam Taanac cye, tucꞌix tnam Gat-rimón, cyucꞌix ke cojbil te cywabl wacẍ ateꞌ cyiꞌjele. 26 Cyjaꞌtzun, akeju tnam oc te cye txkantl cꞌloj tiyjil Coat, bant laj tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele.

27 Xi kꞌoꞌn cabe tnam cye aj Leví, akeju tiyjil Gersón, cyuꞌn mij tiyjil Manasés, cyucꞌix ke cojbil te cywabl wacẍ ateꞌ cyiꞌjele, ex atzun ke jlu: Tnam Golán aju at tuj Basán, aju tnam te cycolbil cyib xjal akeju otok cub jun xjal cyuꞌn, tucꞌix tnam Beestera. 28 Ke tiyjil Isacar xi cykꞌoꞌn ke tnam lu cye: Cisón, Daberat, 29 Jarmut ex En-ganim; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 30 Ke tiyjil Aser xi cykꞌoꞌn ke tnam lu cye: Miseal, Abdón, 31 Helcat ex Rehob; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 32 Ke tiyjil Neftalí xi cykꞌoꞌn ox tnam cye, cyucꞌix ke cojbil te cywabl wacẍ ateꞌ cyiꞌjele, ex atzun ke jlu: Tnam Cedes aju at tuj Galiley, aju tnam te cycolbil cyib xjal akeju otok cub jun xjal cyuꞌn, tucꞌix tnam Hamot-dor ex tnam Cartán. 33 Cyjaꞌtzun, akeju tnam oc te cye ke tiyjil Gersón, japun oxlaj tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele.

34 Atzun ke tiyjil Zabulón xi cykꞌoꞌn cye txkantl tiyjil Leví, akeju tiyjil Merari, ke tnam lu: Jocneam, Carta, 35 Dimna ex Naalal; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 36 Ax icx ke tiyjil Rubén xi cykꞌoꞌn ke tnam lu cye: Beser, Jahaza, 37 Cademot ex Mefaat; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 38 Ex ke tiyjil Gad xi cykꞌoꞌn tnam Ramot cye, aju at tuj Galaad, aju tnam te cycolbil cyib xjal akeju otok cub jun xjal cyuꞌn, cyucꞌix ke tnam Mahanaim, 39 Hesbón ex Jazer; cyaje tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 40 Cyjaꞌtzun, akeju tnam e oc te cye txkantl tiyjil Leví, akeju tiyjil Merari, japun cablaj tuꞌn tcyakilx.

41 Akeju tnam e oc te cye aj Leví, ax cyxol aj Israel, bant 48 tnam tuꞌn tcyakilx, cyucꞌix ke cojbil te cywabl wacẍ ateꞌ cyiꞌjele. 42 Aju cojbil te cywabl wacẍ ax ateꞌ cyiꞌjele tnam, ex iclex tten junjun tnam lu.

43 Cyjaꞌtzun tten xi tkꞌoꞌn Kman cye aj Israel tcyakil txꞌotxꞌ otok txi ttziyan cye ke cyxeꞌchel, atzun e cub ten ex axtzun e najan tuj. 44 O japun tuꞌn Kman aju yol otok txi ttziyan, ex o che ten tuj txubtxaj tuꞌn tuj tcyakil txꞌotxꞌ. Mi jun aj kꞌoj cyiꞌj bant tuꞌn cyweꞌ cywitz, porque tuꞌn Kman e tzaj tkꞌoꞌn tcyakil aj kꞌoj cyiꞌj tuj cykꞌab. 45 Mintiꞌ jun yol mintiꞌwt o japun tiꞌj tcyakilju tzaj ttziyan Kman tuꞌn tbinchante cye aj Israel; tcyakil o japun tuꞌn.