Pa̱ire Cua̱ñeñe Pa̱nita'a Maija'quë Pa'iji Cuasaye
3
I̱na,
Gálatas pa̱i airepa huesëohua'i a'ë,
mësaru.
¿Nepi mësarute co'a de'huare'ni,
nuñerepa cocare sehuoma'pë pa'ija̱'cohua'ire?
Mësaru ña hue̱'ñana de'oye i̱ñojë quëahuë,
Jesús que̱ cua̱ñosiquë ayere.
2 Ja̱je pa'ina,
iyere se̱ina,
quëajë̱'ë:
¿Maija'quë joyo mësarute i̱si,
Moisés cua̱ñese'ere yo'o do'ire,
pa̱nita'a,
Jesure i̱re pare cuasa do'ire i̱sipi?
3 ¿Airepa huesëohua'ini mësaru,
Maija'quë joyopi yo'oquëna,
ne huëosicohua'ipi,
yure cato pa̱i tutupi nuñerepa pa'iyere ne ti̱'añu'u cuasacohua'i?
4 ¿Mësaru jaiye ai yo'oyepi coa pa'iye?
Ja̱ ai yo'oyepi a'ri maña ye'yaja̱jë caquë oiyë.
5 Maija'quëpi i̱ joyore mësaruna i̱sini,
pa̱i yo'o ti̱'a ma'ñere mësaru ja̱'re yo'oni,
¿i̱que do'ire yo'oquë'ni?
¿Mësarupi cua̱ñese'e cayere sehuo ti̱'a do'ire yo'oquë?
Pa̱ni,
mësarupi Maija'quë coca nuñere pa'ë cuasa do'ire yo'oji.
6 Abrahampi Maija'quë pa'iji cuasa do'ire Maija'quëpi i̱te capi,
nuñe pa'iquë api.
7 Ja̱je pa'ina,
Abraham cuasase'eje̱ pa'ye cuasaye pacohua'ipi Abraham tsëcapë acohua'i a'ë.
8 Judío pa̱i peocohua'ire necaiquëre pare cuasayeja̱'a nuñe pa'icohua'ire neñe pa'iji cuasa nëopi,
Maija'quë.
Ja̱ yë'ta'a i̱ toya pëpëna toyama'në Maija'quëpi Abrahamre ja̱ de'o cocare quëapi:
“Si'a pa̱i sihuaja̱'cohua'ire de'oye necaija̱'quë a'ë,
më'ëja'a.”
9 Abraham ja̱re sihuacohua'ire nesicohua'ipi pa'iyë,
i̱ cuasase'eje̱ necaiquëre pare cuasacohua'ije̱.
10 Si'aohua'i cua̱ñese'ena quëco pacohua'i cato nejo cua̱ñoñere pa'iyë.
Ja̱je pa'ina,
toyase'e caji:
“Cua̱ñe toya pëpë cayeje̱ si'anë yo'o ti̱'ama'cohua'i cato nejosicohua'i a'ë.”
11 Ti̱ñarepa quëaji.
Ja̱je pa'iye sëte te'ije̱ cua̱ñese'e cayere yo'osi do'ipi,
nuñe pa'i pa'iye ti̱'añe peoji.
Ja̱je pa'ina,
toyase'e caji:
“Nuñe pa'i cato Maija'quëre necaiquëre pare asa do'ipi pa'ija̱'quë api.”
12 Ja̱je pa'iquëta'are Moisés cua̱ñese'e cato caji:
“Si'aye cua̱ñese'e cayeje̱ yo'o ti̱'aquëpi,
i̱ti yo'o ti̱'a do'ija̱'a pa'ija̱'quë api.”
Ja̱je pa'ina,
Moisés cua̱ñese'e cato necaiquëre papi asaye peoye a'ë.
13 Cua̱ñese'e cayere si'a yë'quë maca yo'oma'cohua'ipi nejosicohua'i pa'ijëna,
Cristopi maire huasopi.
Ja̱ do'ire co'aquëje̱ pa'i de'opi,
mai do'ire.
Ja̱je pa'ina,
toyase'e caji:
“So̱quë sarahuana sëa deosiquë cato co'aquë api.”
14 Si'aye Abrahamre Maija'quë ca nëose'ere judío peocohua'ije̱ paja̱'cohua'i a'ë caquë Jesupi so̱quë sarahuana ju̱cacaji'i.
Ja̱je pa'ina,
i̱ ca nëose'ere i̱ joyore i̱siye pa'iji,
si'aohua'ire Jesucristore de'hue neja'quë api,
asajë pa'icohua'ire.
Cua̱ñese'e Pa̱nita'a Ca Nëose'e
15 Maija'quë do'ijë,
mësarute pa̱i ca nëoni yo'oyena quëaquë i̱ñosi'i:
Ñajë'ë,
pa̱ipi yëni yequëna co'amañare i̱sisi'i ca nëoni toya nëo huesose'e,
yecohua'ipi nejocaiye peoji,
cajë.
16 De'oji ja̱je cui'ne yure Maija'quëpi Abrahamre cui'ne i̱ tsëcapë aquëna ca nëopi.
Ja̱je pa'ina,
toyase'e më'ë tsëcapë cama'ë pa'iji,
jai pa̱ire cayeje̱,
coa te'ire caji më tsëcapë aquëna.
I̱ ca nëosiquë cato Cristo api.
17 Ja̱je cani cayë:
Maija'quëpi Abrahamre ca nëoni ti ja̱je yo'o ja̱'ñere ca huesopi,
caquë.
Ja̱je pa'i do'ire Moisés cua̱ñese'e jeteyo'je cuatro ciento treinta o̱metëca pa'i maca huëose'epi Maija'quë ca nëose'ere do'i peoye neni nejoñe peoji.
18 Ja̱je pa'ina,
Maija'quëpi coa i̱sisi'i Abrahamre ca nëopi.
Ja̱je pa'iquëta'are Moisés cua̱ñese'ere yo'ojë ti̱'añe pani Maija'quë coa i̱sisi'i ca nëose'e peora'pi.
19 Ja̱je pa'ito,
¿i̱quere co̱cai Moisés cua̱ñese'e pa'iquë'ni?
Ja̱ cato Maija'quë yëyere pa̱i tayose'ere i̱ño ja̱'ñepi pa'iji.
Ja̱je pa'ina,
Abraham tsëcapë aquë,
i̱ ca nëosiquë Cristo dai macaja̱'a ja̱ cua̱ñese'e yo'oye paji'i.
Cua̱ñese'e cato Maija'quëpi hui̱ñaohua'ina caëna,
ja̱ohua'ipi Moisésre i̱sihuë,
pa̱ina i̱sicaija̱'quë.
I̱sirena,
Moiséspi i̱ti yo'o ja̱'ñe pa̱ire quëapi.
20 Ja̱je pa'iquëta'are yure cato coa Maija'quëse'e te'i pa'iji i̱ti yo'oquë peoji,
i̱ti se quëacaiquëje̱.
I̱ti Cua̱ñeñe Do'i Quë'ye
21 ¿Ja̱je pa'ito Moisés cua̱ñese'epi Maija'quë ca nëose'ere sa̱ñope caye pa'iquë?
Pa̱ni.
Ja̱je pa'ina,
cua̱ñese'e yo'oyepi Maija'quë cajeohua'i pa'iye ti̱'añe pa'ito,
ja̱ cua̱ñeñere sehuojë yo'o do'i ti̱'ara'huë,
nuñe pa'icohua'i pa'iye.
22 Ja̱je pa'iquëta'are yure cato Maija'quë toya pëpë caji:
cua̱ñese'e tayo yo'o do'ire co'ayepi si'a pa̱i tse̱asicohua'ipi pa'iyë.
Ja̱je pa'ina,
ja̱re Jesucristoni necaiquë api cuasasicohua'ipi de'hue Maija'quë ca nëose'e paye pa'iji.
23 Ja̱ yë'ta'a Cristore necaiquëre pare cuasaye ti̱'ama'në cua̱ñese'epi maire co'aye yo'oma'cohua'ini caquë cose'eje̱ pa'ye ñacaiye paji'i.
Ja̱je pa'ina,
cosicohua'ipi utejë paë'ë,
iye cuasayere i̱ñoñe pa'i macana.
24 Tsi̱re ñacaiyeje̱ maire cua̱ñese'epi ñacai ye'yaquë paji'i,
Cristona saja̱'quë.
Saëna,
Cristoni i̱re pare cuasani nuñe pa'icohua'i pa'iye ti̱'ajajë caquë,
yo'opi.
25 Ja̱ pa'ina,
yure necaiquëre cuasaye daisi maca cua̱ñese'epi maire necaiye peoji.
26 Ja̱je pa'ina,
mësaru si'aohua'i Maija'quë mamajë a'ë,
Cristore necaiquëre pare cuasa do'ipi.
27 Cristo do'ire oco do cua̱ñosicohua'i cato,
Cristo ayere su̱ñasicohua'ipi pa'iyë,
i̱je pa'iohua'i de'ojëna.
28 Ja̱je pa'ina,
peoyë,
judío pa̱i.
Peoyë,
griego pa̱i.
Peoyë,
jo'ya nesicohua'i.
Peoyë,
coa pa'icohua'i.
Peoyë,
ë̱më.
Peoyë,
nomio.
Ja̱je pa'ina,
Cristo Jesuna tsioni pa'icohua'ipi te'ije̱ pa'iohua'i pa'iyë.
29 Ja̱je pa'ina,
mësarupi Cristo tse̱cohua'i pani Abraham tsëcapë acohua'i pa'iyë,
Maija'quë i̱te i̱sisi'i ca nëose'ere paja̱'cohua'ipi.