3 De'oquëre pa'ni Diusu mai Ëjaë Jesucristo pëca ja'quëre cañu'u.

Ja̱ëpi mai teaye pa'iohua'ire ñaquë oi co̱cai ja'quërepa,

cui'ne ja̱ë api,

mai ai yo'ojë oiyere ne yë'huaquë Diusure.

4 Ja̱je pa'ina,

Maija'quëpi si'aye mai ai yo'ojë oiye ne yë'huaji,

maipi i̱ maire ne yë'huayeje̱ pa'ye yecohua'ire ne yë'huaja̱jë caquë.

5 Ja̱je pa'ina,

Cristo ai yo'ose'e maini ai pa'iji.

Pa'ina,

i̱ ja̱'re co̱ni mai ai yo'oyë.

Ja̱ ai yo'oyeje̱ pa'ye cui'ne Cristo do'ija̱'a jaiye payë,

ne yë'hua cua̱ñoñeje.

6 Ja̱je pa'ina,

yëquëpi ai yo'oni,

mësarupi ne yë'hua cua̱ñoñere paja̱jë cui'ne huaso cua̱ñoñere paja̱jë cajë yo'oyë.

Ja̱je pa'ina,

Maija'quëpi yëquëre ne yë'huani,

mësaruje̱ ne yë'hua cua̱ñoñe paja̱jë caquë yo'oji.

Ja̱je pajë tutu hue'ejë yëquë ai yo'oyeje̱ pa'ye ai yo'oye pa'itoje̱ quëcoja̱jë caquë.

7 Ja̱je pa'ina,

nuñerepa mësarute cuasayë.

Yëquë ai yo'oyeje̱ pa'ye ai yo'ocohua'i cato cui'ne Maija'quë i̱siye ne yë'hua cua̱ñoñeje yëquë ja̱'re payë,

cuasayë.

8 Maija'quë do'ijë,

yëquë Asia yeja pa'i maca ai yo'ose'ere cui'nare cuasaja̱jë cajë quëaye yëyë.

Yëquë ja̱ro pa'i maca jëayerepa neñañe pa'ina,

quëco tutu mañaje caraja̱ni cui'ne ñeje huajëcohua'i maña etayeque cuasama'pë ai yo'ohuë.

9 Huani je̱oja'cohua'ini nejose'eje̱ pa'iohua'ire nëji'i.

Ja̱je pa'iquëta'are iye yo'ose'e cato ju̱'isicohua'ire huëoquëna,

Maija'quëna quëcoyere ye'yaye paji'i.

Co'ye yëquëja̱'a ne ti̱'acohua'i a'ë cuasaye pa̱ ja̱'ñere ye'yaye paji'i.

10 Maija'quëpi yëquëre huasopi.

Ja̱je huasosiquëpi ja̱ yë'ta'api huasoja̱'quë api,

ju̱ti'ñe pa'yere paje̱.

Ja̱je pa'ina,

yëquë i̱na quëco pajë pa'iyë,

ai yo'oye pa'itoje̱ co̱caija̱'quë api cajë.

Mësaru se̱cacai do'ire ja̱je yo'oja̱'quë api.

11 Ja̱je pa'ina,

mësarupi Maija'quëre yëquëni cuasajë se̱cacaijëna,

cui'ne jai pa̱i yëquëni cuasajë se̱cacaisicohua'i pa'ito,

jai pa̱i mësaru a'ë de'oji caja̱'cohua'i a'ë,

Maija'quëre,

i̱ yëquëre de'oye ñacai do'ire.

12 Iye yeja pa̱ire cui'ne mësarute de'oyerepa si'si peoyepi pa'ijë cui'ne nuñere papi yo'ohuë,

caye nëiji,

yëquëre.

Ja̱ de'oye yo'ohuë cuasayepi yëquëre sihuaye pa'iji.

Iye yëquë de'oye pa'iye yëquë iye yeja ta̱'ñe asayepi pa'iye pa̱huë.

Coa Maija'quë oi i̱siye co̱caiyepi ja̱je paë'ë.

13 Yëquë mësarute se toya saoye toyama'pë paë'ë,

ti̱ñe pa'ye.

Coa ai jerepa ñajë asa ti̱'añe toyahuë.

Ja̱je pa'ina,

ñani mësarupi si'aye asa ti̱'aja'cohua'i a'ë,

cuasayë.

14 Ja̱je pa'ina,

mësaru de'hue ari te̱'te maca asasicohua'ipi,

mai Ëjaë Jesucristo dai maca yëquëre sihuaja̱'cohua'i a'ë.

Sihuajëna,

yëquëpi mësarute sihuaja̱'cohua'i a'ë.

15 Iyere cuasaquë du'ru macarepa mësarute sani ñasi'i cuasahuë.

Ja̱je yo'oquë cayaye mësarute do'i ña huasosi'i cuasahuë.

16 Ja̱je pa'ina,

cuasahuë,

du'ru macarepa Macedoniana sai sa do'i ñaquë.

Saisiquëpi cui'ne co'iquë ti̱jupë ñasi'i cuasahuë.

Ja̱ maca yureta'a mësarupi yë'ë Judea saija̱'a co̱caija̱jë cuasahuë.

17 ¿Ja̱je yë'ë yo'osi'i cuasani coa noni cuasa nëore?

¿Caye mësaru yë'ëpi ja̱je yo'osi'i cuasa nëoni te'epi cayaye “pa̱si'i cui'ne nesi'i” cuasaquë caji?

18 Ja̱je pa'ina,

Maija'quë api,

yëquë mësarute te'epi “nesi'i” cui'ne “pa̱si'i” cuasajë caye pa̱ñe ñaquë.

19 Yëquë Silvano ja̱'re Timoteo ja̱'re cui'ne yë'ë mësarute quëaquë Cristo Jesús Maija'quë mamaquë cato ti te'epi cayayese'e “nesi'i” cui'ne “pa̱si'i” cama'quë api.

Ja̱je pa'ina,

Cristo Jesús cato nuñerepa yo'oquë api,

i̱ case'ere.

20 Ja̱je pa'ina,

si'aye Maija'quë nesi'i ca nëose'e i̱na ti̱'api.

Ja̱je pa'ina,

Maija'quëre sihuani cayë:

“Ja̱je pa'ija̱quë Cristo Jesús do'ija̱'a.”

21 Ja̱je pa'ina,

Maija'quëpi jo'ya neni yëquëre cui'ne mësarute Cristo ja̱'re jëayerepa tsioni pa'iye neji'i.

22 I̱ tse̱cohua'ire pa'ë asaja̱jë caquë Maija'quëpi i̱ de'o joyore i̱sipi,

mai joñoana.

I̱siquëna,

i̱ joyopi pa do'ire asayë,

si'aye Maija'quë i̱sisi'i ca nëose'ere paja̱'cohua'i a'ë,

mai.

23 Ja̱je pa'iquëta'are Corintona ti̱jupë saiye pa̱huë,

mësaru oima'cohua'ini caquë.

Ja̱re sani pa'ito mësaru yo'oyere sa̱ñope yo'oye nëiji.

Maija'quë asaji,

ja̱ yo'oyere coequë.

Ja̱ do'ire saiye pa̱huë.

24 Yëquë mësaru asase'ena nuñerepa cuasajë pa'icohua'ini,

Mësaru i̱tire pa'ë cajë asaye yëyere ta̱'ñeñu'u cajë yo'oye pa̱ñë.

Yëquë cato yëyë,

mësaru ja̱'re co̱ neñere mësarupi sihuaja̱jë cajë.