2 Cucx in xi kkꞌoꞌne chjonte te Dios cyiꞌje cycyakile,

in che tzaj knaꞌne tuj knaꞌj Diose.

3 Cucx in che tzaj knaꞌne twitz Kman Dios,

in che tzaj knaꞌne tzaꞌn tten in che akꞌnane tuꞌnju at cyocslable ex tuꞌnju at cycꞌujlalile,

ex at cypasense tuꞌn ticꞌx cyuꞌne,

porque kꞌukl cycꞌuꞌje tiꞌj Kajaw Jesucrist.

4 Akeye erman,

cꞌujlaꞌn keye tuꞌn Dios,

baꞌn kuꞌne tzaꞌn tten ma che jaw scꞌoꞌne tuꞌn.

5 Porque aju tkanil colbil in xi kpacbaꞌne,

mya nok oꞌcx tuꞌn yol ma pon cyucꞌile,

ax icx tuꞌn tipumal Xewbaj Xjan,

cyjaꞌtzun keꞌxix cycꞌuꞌje tiꞌj ka axix toc.

Porque baꞌn cyuꞌne tzaꞌn tten kchwinklale tej ktene cyxole,

o bete tuj tumelxix tuꞌntzun tajben te baꞌn cyeye.

6 Ex ma tzꞌel cycanoꞌne kiꞌje ex tiꞌj Kajaw,

masque nim e yajlanjtze,

tej cycꞌmonteye tyol Dios,

pero nim e tzalaje tuꞌnju tzaj tkꞌoꞌn Xewbaj Xjan tzalajbil cyeye.

7 Cyjaꞌtzun tten ma che oque te jun yecꞌbil cye cycyakil keju ma che ocslan tuj txꞌotxꞌ Macedonia ex tuj txꞌotxꞌ Acaya.

8 Porque cyuꞌne ma tzꞌel lakꞌeꞌ tkanil tuꞌn tpacbanjtz tyol Kajaw;

mya nok oꞌcx tuj Macedonia ex tuj Acaya,

ax icx tuj tcyakil lugar ma tzꞌel lakꞌeꞌ tkanil cyocslable tiꞌj Dios;

cyjaꞌtzun mya il tiꞌj tuꞌn t-xi kmaꞌne mastl yol cyiꞌje.

9 Porque ax ke xjal in xi cytxꞌolbaꞌn kiꞌje in cymaꞌn tzaꞌn tten o cꞌmonjtze cyuꞌne ex tzaꞌn tten cyaj cykꞌoꞌne ke tilbilal e ajtz meltzꞌaje tucꞌil Dios,

tuꞌn cyajbene teju Dios itzꞌ ex axix toc.

10 Ex tuꞌn cyayone tiꞌj Tcꞌwaꞌl Dios ctzajel tuj cyaꞌj,

aju jatz ankꞌin tuꞌn cyxol cyimni,

atzun Jesús,

aju clol ke te tkꞌoj Dios tzul,

porque maꞌxix jun castiw tzul cyiꞌj xjal.