Ke titzꞌin Jesús mintiꞌ e ocslan tiꞌj
7
Tbajlenxitzun jlu o bet Jesús tuj txꞌotxꞌ Galiley;
mintiꞌ o tajbe tuꞌn tbet tuj Judey porque nnoꞌc tilil cyuꞌn xjal judiy tuꞌn tcub cybyoꞌn.
2 Chꞌixtok tul canun ju ninkꞌij cye xjal judiy,
aju ninkꞌij tuꞌn cyjaw binchet ke tal ja t-xak tzeꞌyin cywiꞌ.
Los líderes judíos quieren matar a Jesús (Juan 7.1-24)
—Ticꞌa tzalu,
ex txiꞌya tuj Judey,
tuꞌntzun cyqueꞌyinte ke t-xnakꞌtzbena aju in tbinchaꞌna.
4 Porque ka at jun xjal taj tuꞌn tel nicꞌbaj tiꞌj cyuꞌn cycyakil xjal,
mlay tzꞌakꞌnan tuj ewaj.
Ka taja tuꞌn tbinchanteya tcyakil jlu,
yecꞌunx tiba cye xjal,
che chi.
—Naꞌnx tpon tkꞌijlalil tuꞌn t-xi nyecꞌun wibe cye xjal alcye kine,
atzun cyeye baꞌn tuꞌn cyxiꞌye nok alcye kꞌij cyaje.
7 Mlay che el icꞌune cyuꞌn xjal;
atzun weye in chin el icꞌune cyuꞌn,
porque in xi nchicꞌbaꞌne cybinchben mya baꞌn.
8 Akeye baꞌn tuꞌn cyxiꞌye tuj ninkꞌij;
atzun weye mlay chinxe jaꞌlo,
porque naꞌnx tpon tkꞌijlalil tuꞌn t-xi nyecꞌun wibe cye xjal,
chi Jesús cye.
9 Tej tbaj tmaꞌn Jesús jlu,
ax cyaj ten tuj Galiley.
Pon Jesús tuj ninkꞌij cykꞌijlalil ke tal ja t-xak tzeꞌyin cywiꞌ
10 Pero cyxilenxitzun ke terman,
ax icx te Jesús xiꞌ tuj ninkꞌij,
pero mintiꞌ xi tyecꞌun tib,
tuj ewaj o ten.
11 Atzun cye xjal judiy e jyon tiꞌj Jesús tuj ninkꞌij,
in cymaꞌn:
—¿Jatum taꞌ xjal lu?
12 Ex cycyakil xjal in che wululun tiꞌj.
At junjun in cymaꞌn:
Baꞌn te xjal;
atzun junjuntl in cymaꞌn:
Mya baꞌn,
nok in sbun cye xjal,
che chi.
13 Pero mintiꞌ xi cychicꞌbaꞌnxix tiꞌj,
porque in che xob cywitz xjal judiy.
14 Otok mijin ninkꞌij,
ocx Jesús tuj tja Dios ex xi tkꞌoꞌn xnakꞌtzbil cye xjal.
15 Ex e labin xjal judiy tiꞌj:
—¿Tzaꞌn tten nimcu baꞌn tuꞌn jlu,
ex mintiꞌ o ten tuj jun xnakꞌtzbil?
Che chi.
16 Xi ttzakꞌweꞌn Jesús:
—Aju xnakꞌtzbil in xi nkꞌoꞌne mya weye,
nok oꞌcx teju tzaj samante weye.
17 Alcye tajbil tuꞌn tbinchante tajbil Dios,
cꞌelel tnicꞌ tiꞌj ka te Dios ju xnakꞌtzbil lu,
ex ka wexwe nyol in xi nmaꞌne.
18 Ka at jun xjal texte tyol in xi tmaꞌn,
atzun taj tuꞌn tjaw nimsaꞌn cyuꞌn xjal;
pero ka at jun xjal taj tuꞌn tjaw nimsaꞌn aju tzaj samante te,
atzun teju axix toc tyol ex mintiꞌ in nicꞌan yol.
19 ¿Myapetzun a Moisés tzaj kꞌonte ley cyeye?
Pero mi jun cyeye in japun ley tuꞌn.
¿Tikuꞌntzun cyajbile tuꞌn ncub cybyoꞌne?
Chi Jesús cye.
20 Xitzun cytzakꞌweꞌn xjal:
—At juꞌẍ tuj tanmiya;
¿alcye nnoꞌc tilil tuꞌn tuꞌn tcub byoꞌna?
Che chi.
21 Xi ttzakꞌweꞌn Jesús:
—At jun akꞌuntl o bant wuꞌne tuj kꞌij te ojlabl,
ex cycyakile in che labine tiꞌj.
22 Ate Moisés cyaj kꞌmante cyeye tuꞌn cysircunsidarinjtze,
(pero mya atzun tiꞌj Moisés tzaj xeꞌt nej,
atzun tzaj xeꞌt cyiꞌj ke kxeꞌchel);
cyjaꞌtzun at maj in che sircunsidarinjtz xjal cyuꞌne tuj kꞌij te ojlabl.
23 Katzun at maj in che sircunsidarinjtz xjal cyuꞌne tuj kꞌij te ojlabl tuꞌntzun tjapun tley Moisés,
¿tikuꞌntzun in che kꞌojine wiꞌje tuꞌnju banix jun xjal wuꞌne tuj kꞌij te ojlabl?
24 Miꞌn che yoline mya baꞌn tiꞌj juntl nok tuꞌnju nnoꞌc cyqueꞌyine,
pero che ximane tiꞌj tcyakil tuj tumelxix,
chi Jesús cye.
In yolin Jesús tiꞌj jatum tzaj
25 Cymatzun junjun xjal ax najl ke tuj Jerusalén:
—¿Myapetzun a jlu in che jyon xjal tiꞌj tuꞌn tcub byoꞌn?
Los líderes tratan de arrestar a Jesús (Juan 7.25-53)
26 Lu in yolin cywitz cycyakil,
ex mintiꞌ in che kꞌajt xjal tiꞌj.
¿Mapelo tzꞌel cynicꞌ aj sanjelal tiꞌj ka ax toc a Crist jlu,
aju at toclen tuꞌn Dios?
27 Baꞌn kuꞌn jatum tzajni xjal lu;
pero oc tul ju Crist aju at toclen tuꞌn Dios,
mi aꞌl jun bilte jatum ctzajel,
che chi xjal.
28 Cyjaꞌtzun,
tej t-xi tkꞌoꞌn Jesús xnakꞌtzbil tuj tja Dios,
jaw tkꞌajkꞌajel twiꞌ ex tma:
—¿Axpe toc ojtzkiꞌn nwitze cyuꞌne,
ex baꞌn cyuꞌne jatum ẍin tzaje?
Pero mya wuꞌnxe ma chin tzaje,
nok oꞌcx ma chin tzaj samaꞌne tuꞌn juntl,
aju axix toc tyol,
aju mintiꞌ ojtzkiꞌn twitz cyuꞌne.
29 Atzun weye ojtzkiꞌn twitz wuꞌne,
porque tucꞌil ẍin tzaje ex ate tzaj samante weye,
chi Jesús.
30 O cyajbetzun xjal tuꞌn ttzyet Jesús cyuꞌn;
pero mi jun xjal tzaj tzyunte porque naꞌnxtok tpon tkꞌijlalil tuꞌn t-xi tkꞌon tib.
31 Pero nimcu xjal e ocslan tiꞌj,
ex in cymaꞌn:
—Oc tul ju Crist aju at toclen tuꞌn Dios,
¿ocpelo tbinchaꞌ nim señ twitzju in tbinchaꞌn xjal lu?
E jeꞌx samaꞌn polisiy cyuꞌn parisey tuꞌn ttzyet Jesús
32 O cybi ke parisey in che yolin xjal tiꞌj Jesús,
ex in che wululun tiꞌj;
ex ke nejenel cye pal cyucꞌix ke parisey xi cysamaꞌn polisiy tuꞌn ttzyet Jesús cyuꞌn.
33 Xitzun tmaꞌn Jesús cye:
—Nok chꞌintl chin tele cyucꞌile,
chin xeꞌltzune tucꞌilju tzaj samante weye.
34 Che jyole wiꞌje,
pero mlay chin cnete cyuꞌne,
porque jatum chin tele mlayx che pone.
35 Cymatzun ke xjal judiy cyxolx:
—¿Jatumtzun cxeꞌl jlu tuꞌn miꞌn tcnet kuꞌn?
¿Cxeꞌlpetzun cyucꞌil xjal judiy akeju o che pon sputj cyxol xjal grieg ex tuꞌn t-xi tkꞌoꞌn xnakꞌtzbil cye xjal grieg?
36 ¿Ti t-xilen ju yol lu,
aju ma tma:
Che jyole wiꞌje,
pero mlay chin cnete cyuꞌne,
porque jatum chin tele mlay che pone chi in tmaꞌn?
Ke nima kꞌol chwinklal
37 Tujtzunju mancbil kꞌij te ninkꞌij,
aju kꞌij maꞌ t-xilen,
cub weꞌ Jesús ex jaw tkꞌajkꞌajel twiꞌ,
tma:
—Ka at jun xjal at txketleꞌn tiꞌj,
e ttzaj wucꞌile tuꞌn tcꞌan.
38 Aju ma tzꞌocslan wiꞌje,
che eletz tilj tuj tanmi ke nima kꞌol chwinklal,
ic tzaꞌn in tmaꞌn tuj Tuꞌjil.
39 Tma Jesús jlu tiꞌj Xewbaj Xjan aju attok tuꞌn cycꞌmonte keju in che ocslan tiꞌj Jesús;
porque naꞌnxtok tul Xewbaj Xjan,
tuꞌnju naꞌnxtok tjaw nimsaꞌn Jesús.
Mya mojl cyyol xjal
40 Tejtzun cybinte xjal ju yol lu,
at junjun cyma:
—Ax toc t-sanjel Dios te jlu aju in ko ayon tiꞌj.
41 Atzun junjuntl cyma:
—Ate Crist jlu aju at toclen tuꞌn Dios.
Pero at junjuntl cyma:
—¿Maj tuj Galiley ctzajel ju Crist?
42 ¿Myapetzun in tmaꞌn tuj Tuꞌjil ka tiꞌj tiyjil David tzul itzꞌj ju Crist tuj Belén aju ttanmi David?
Che chi.
43 Jawtzun jun yol cyuw cyxol xjal tuꞌn tlaj Jesús.
44 Ex at junjun o cyajbe tuꞌn ttzaj cytzyuꞌn,
pero mi jun tzaj tzyunte te.
Ke aj sanjelal mintiꞌ e ocslan tiꞌj Jesús
45 E ultzun meltzꞌaj ke polisiy cyucꞌil ke nejenel cye pal ex cyucꞌil ke parisey;
atzun cye jlu xi cymaꞌn cye polisiy:
—¿Tikuꞌn mintiꞌ saj cyiꞌne?
46 Atzun cye polisiy xi cytzakꞌweꞌn:
—Bajx kile jun xjal in yolin ic tzaꞌn ju xjal lu.
47 Xitzun cytzakꞌweꞌn ke parisey:
—¿Maj icx cyeye ma che cub sbuꞌne tuꞌn?
48 Baka at jun keye ma tzꞌocslan tiꞌj,
aj sanjelal koꞌye,
ex parisey koꞌye.
49 Akeju xjal lu mintiꞌ baꞌn ley cyuꞌn.
Baꞌn tuꞌn cynaj,
che chi.
50 Atzunte Nicodemo xi tmaꞌn cye,
aju otok tzul aj tucꞌil Jesús te konicꞌan,
aju ax parisey:
51 Baka in tmaꞌn tuj kley tuꞌn tcub t-sentens jun xjal kuꞌn ka naꞌnxtok kbinte tyol,
ex ka naꞌnxtok kbinte alcye tbinchben,
chi Nicodemo.
52 Xitzun cymaꞌn te Nicodemo:
—¿Maj icx teya nnoꞌc tkꞌon tiba te aj Galiley?
Queꞌyinxa tuj Tuꞌjil,
cꞌeleltzun tnicꞌa tiꞌj mintiꞌ jun t-sanjel Dios in tzaj tuj Galiley,
che chi.