Aju tnaꞌj Dios Jonás
Tuj yajbil weye in cubsane twitza Nman ex in tzaj ttzakꞌweꞌna. Max t-xeꞌpun cynajbil cyimni in cubsane twitza ex in tzaj tbiꞌna.
3 In cuꞌx t-xoꞌna max t-xeꞌpun mar ex in cyaj mulkꞌaje tjakꞌ txkan aꞌ. O chin cyaje tjakꞌ nintz aꞌ in pulin wen aju tzaj t-samaꞌna, ex o tzꞌex wibaje.
4 O nnaꞌye ka otok chin el ticꞌuna; ex cub nximane ka mintiꞌtl tuꞌn twile aju tjaya xjan.
5 In cyaj mulkꞌaje tjakꞌ aꞌ ex inx mulkꞌaje max t-xeꞌpun mar; ke cꞌul in che chꞌiy tuj aꞌ baj cysacun cyib tiꞌj nwiꞌye.
6 In cuꞌpune max jatum tzajni jlet ke witz tuj mar; in cyaj lamoꞌne tjakꞌ txꞌotxꞌ te jumajx. Pero, Nman Dios, tuꞌna ma chin colpaje te camic.
7 Tej nnaꞌye chꞌixtok ncyime, ula tiꞌj ncꞌuꞌje Nman, ex aju nnaꞌj Diose pon max tucꞌila tuj tjaya xjan.
8 Akeju in che cꞌulun cywitz ke tilbilal mintiꞌ cyajben, in cyaj cycolin cyocslabl tiꞌja.
9 Atzun weye cxel nbitzane jun bitz te akꞌbil chjonte teya, ex cxel nkꞌoꞌne jun chojbil teya, ex cjapunel wuꞌne aju yol o txi ntziyane teya. Oꞌcx teya Nman jacu ko clete tuꞌna, chi Jonás.
10 Xiꞌtzun tmaꞌn Kman te cyiẍ tuꞌn tjatz xaꞌwin Jonás tuꞌn max ttzi mar.