3 Junx tal masxix cub tchꞌisan tejxi tchꞌiy wen. Aju tal lu bant tuꞌn tuꞌn tbaj ttzakin tcanb, ex baꞌntok chyoꞌn xjal.

4 O cybi ke nasyon tkanil tiꞌj tal balun lu; tzyet cyuꞌn tuj jun cꞌobil, ex tuꞌn jun ganch xi cyjawoꞌn tejxi tpon cyuꞌn tuj Ejipt.

5 Tejtzun tlonte ttxu balun mintzꞌinintok tul meltzꞌaj tal, ex otok tzꞌayon nim kꞌij, tzaj tiꞌn juntl tal, cub tchꞌisan ex o chꞌiyxix tuꞌn.

6 Tej toc te jun balun matijxix, o bet cyxol ke mastl balun, ex bant tuꞌn tuꞌn tbaj ttzakin tcanb, ex baꞌntok chyoꞌn xjal.

7 Baj t-xitun cyja rey ex e baj xitj ke tnam tuꞌn; e tzaj luꞌlun cycyakil xjal tuꞌn tkꞌajkꞌajel twiꞌ tej ttzanun.

8 E tzajtzun ke xjal cyuj ke nasyon ateꞌ tiꞌjele, e oc ten kꞌojlel tiꞌj; cub cykꞌoꞌn cꞌobil tiꞌj ex tzyettzun cyuꞌn tuj jun jul.

9 Ocx cykꞌoꞌn jun ganch twi ttxaꞌn ex ocx cylamoꞌn tuj jun tja ex xi cyiꞌn twitz rey te Babilonia; atzun ocx presin, tuꞌntzun mi jun tuꞌn tbinte juntl maj tkꞌajkꞌajel twiꞌ cywiꞌ ke witz te tnam Israel.

10 Ic tten cytxuꞌye ic tzaꞌn jun tkan uva awaꞌn nikayin ttxlaj jun aꞌ, oc nim twitz ex tzaj nim t-xak tuꞌnju nim aꞌ t-xeꞌ.

11 E oc ke tkꞌab cyuwxix wen ex e ajben te cyvar rey, chꞌiy nimxix wen ex icꞌ nej twaꞌl cywitz mastl tzeꞌ. Tuꞌnju maꞌ twaꞌl ex nimxix t-xak, o ilwaj cyuꞌn cycyakil xjal.

12 Pero jatz cybakoꞌn xjal tuꞌn cykꞌoj ex cub cyxoꞌn twitz txꞌotxꞌ. Biꞌx o tzkij tuꞌn cykꞌikꞌ in tzaj tuj tjawitz kꞌij, e el tzꞌak ke twitz; e tzkij ke tkꞌab cyuwxix ex ocx cykꞌoꞌn tuj kꞌakꞌ.

13 Atzun jaꞌlo awaꞌn tuj tzkij txꞌotxꞌ, tuj jun txꞌotxꞌ tzkij ex mintiꞌ aꞌ tuj.

14 Nneꞌl jun kꞌakꞌ cyiꞌj ke tkꞌab ex in che baj tzꞌeꞌy ke t-xul ex ke twitz tuꞌn. Ex mintiꞌ tkꞌab cyuwxix ma cyaj ten tuꞌn toc te cyvar rey.