3 Aju tkan mintiꞌ chꞌin tajben, misicyer jun ẍoc jacu tzꞌel tiꞌj tuꞌn toc yobit jun tiꞌxti tiꞌj.

4 Mintiꞌ mas tajben, nok oꞌcx tuꞌn toc te siꞌ. Octzun cybaj tzꞌeꞌy ke ttxaꞌn ex atzun tuj tmij otok tzꞌoc te xkꞌaꞌl, ¿titzun jacu tzꞌajben?

5 Tej naꞌnxtok tocx tuj kꞌakꞌ, mintiꞌtok tajben, pyortzunlo jaꞌlo ma baj tzꞌeꞌy ¿jacupelo tzꞌajben? Mlay.

6 Cyjaꞌtzun akine Dios in xi nmaꞌne jlu: Ic tzaꞌn jun wiꞌ uva nnoꞌcx kꞌoꞌn tuj kꞌakꞌ tuꞌn tcꞌant, cyjaꞌxtzun che oquex nkꞌoꞌne tuj kꞌakꞌ ke xjal najl tuj tnam Jerusalén.

7 Chin oquele aj kꞌoj cyiꞌj. Che tzokpajel tuj jun kꞌakꞌ, pero tuj juntl kꞌakꞌ che bajel tzꞌeꞌy. Oc woque aj kꞌoj cyiꞌj, cꞌeleltzun cynicꞌ tiꞌj, akine Dios.

8 Cꞌoquel cytanmi wuꞌne te jun txꞌotxꞌ mintiꞌ xjal najl tuj, tuꞌn tlaj el cypaꞌn cyib wiꞌje. Akine dios in chin kꞌmante jlu.