Tuj tcyajin abkꞌi ttzyetlen tcawin Joacim aju rey te Judá ex tcyꞌajal Josías, ex tej lutok Baruc aju tcyꞌajal Nerías in tzꞌibantok tiꞌj ju in tzaj tmaꞌn Jeremías te, aju t-sanjel Dios, xi tmaꞌn Jeremías te Baruc cyjaꞌ: 2 Chi Kman aju Cydios aj Israel teya: 3 Aya Baruc in tmaꞌna cyjaꞌ: Becꞌbil nwitze, cucx in tzaj tkꞌoꞌn Kman bis ex cꞌixcꞌoj wiꞌje. Ma chin sicte tuꞌn okꞌel ex mintiꞌ in chin banixe, chitzuna. 4 Ex ma tzaj tmaꞌn Kman weye tuꞌn t-xi nmaꞌne teya cyjaꞌ: Chi Kman: Cbel nxitune aju jaw nbinchaꞌne, cjawitz nbakoꞌne aju cuꞌx wawaꞌne, ex cyjaꞌxtzun cbantel wuꞌne tuj tcyakil twitz txꞌotxꞌ. 5 ¿Maj taja tuꞌn ttzaj kꞌoꞌn jun toclena maꞌxix? Miꞌn ximana tiꞌj jlu, porque cxel nsamaꞌne cꞌixbisabl cyibaj cycyakil xjal, atzun teya cletela wuꞌne nok jatum ma txiꞌya. Akine Dios in chin kꞌmante jlu, chi Jeremías te Baruc.