Bitz te akꞌbil chjonte
12
Tuj tkꞌijlalil tzul cxeꞌl tmaꞌna cyjaꞌ:In xi nkꞌoꞌne chjonte teya Nman; masque o tzaj tkꞌoja wiꞌje, pero ma baj tkꞌoja ex ma tzaj tkꞌukbaꞌna ncꞌuꞌje juntl maj.
2 Ate Dios in colin wiꞌje; kꞌukl ncꞌuꞌje tiꞌj, mlay chin xobe. Tiꞌj Kman nnoꞌc nclon wibe ex chin bitzale te; ma chin clete tuꞌn.
3 Ax icx cyeye, baꞌn tuꞌn cyxiꞌye cꞌal tucꞌil tzalajbil tiꞌj twi aꞌ te colbil.
4 Tuj tkꞌijlalil tzul oc cymaꞌye:
Cykꞌonxe chjonte te Kman ex che cubsane twitz, cytxꞌolbanxe cye ke nasyon aju ma tbincha, cymanxe cye tiꞌj nim toclen tbi.
5 Che bitzane te Kman porque maꞌxix aju ma tbincha, a jlu baꞌn tuꞌn tojtzkinjtz tuj tcyakil twitz txꞌotxꞌ.
6 Che schꞌine tuꞌn tzalajbil ex che bitzane, akeye najl tuj tnam Sión, porque maꞌxix toclen aju Dios Xjan cye aj Israel, aju at cyxole.