11
Kꞌoncuya tcꞌaꞌẍa tuj elaꞌ tnam; ex octzun tel kꞌij at cambabl teya tuꞌn.2 Kꞌoncuya elaꞌ txcaj tcꞌaꞌẍa, porque mintiꞌ baꞌn tuꞌna mya yaj tzaj jun mya baꞌn twitz txꞌotxꞌ.
3 Ka nojni tuj muj tuꞌn aꞌ, in tzaj jbal tibaj txꞌotxꞌ. Ka ma cub tzꞌak jun tzeꞌ te jawni ex ka cyjaꞌ ma txi tzꞌak te cubni, ax in cyaj ten.
4 Ka at cykꞌikꞌ in xi tqueꞌyin jun xjal, mintiꞌ in xiꞌ awal, ex ka at muj in xi tqueꞌyin, mintiꞌ in xiꞌ chmol twitz tawal.
5 Ic tzaꞌn mintiꞌ baꞌn tuꞌna tzaꞌn in xiꞌ cykꞌikꞌ ex mintiꞌ baꞌn tuꞌna tzaꞌn tten in chꞌiy jun tal neꞌ tuj talbil ttxuꞌ, icxtzun mintiꞌ baꞌn tuꞌna alcye in tbinchaꞌn Dios, aju binchalte tcyakil.
6 Awan cuꞌxa tiyaja te prim, ax icx te kale, porque mintiꞌ baꞌn tuꞌna alcye jacu tzꞌel mas baꞌn, ka aju in cuꞌx awet naj ex ka aju in cuꞌx awet yajxi, ex ka cycabil jacu che el baꞌn.
7 Baꞌnxix te spicꞌun, ex baꞌn tuꞌn cyqueꞌyin ke tbakꞌ witzbaj aju kꞌij; 8 masque nim abkꞌi tzꞌankꞌin jun xjal ex otok tzalaj cyiꞌj ke jlu, pero baꞌn tuꞌn ttzaj tnaꞌn ka ake kꞌij te klolj nimxix ke; ex tcyakilju tzul te tibajxi nokx gan ke jlu.
Jun consej cye cuꞌxun
9 Aya cuꞌxun, tzalajxa tuj tcuꞌxumala; achina jaꞌlo tiꞌj ju baꞌn tuj twitza. Binchama tcyakilju in pon tcꞌuꞌja tiꞌj ex achina tiꞌj tcyakil, pero naꞌntza, cꞌoquela tuj xjel tuꞌn Dios tiꞌj tcyakilju in tbinchaꞌna. 10 Kꞌin ela bis tuj tanmiya, ex kꞌin ela cꞌixcꞌoj tiꞌja, porque ke kꞌij tuj tcuꞌxumala nicꞌxi in che ten.