2 Aju xjal baꞌn tmod in tcꞌmoꞌn t-xtalbil Kman, atzunju xjal mya baꞌn t-ximbetz, tcub t-sentens tuꞌn.

3 Mintiꞌ cyuwsabl te xjal tuꞌnju mya baꞌn in bant tuꞌn, atzun ke xjal tzꞌaklxix cyuw cyten ic tzaꞌn jun tzeꞌ nim tlocꞌ.

4 Aju xuꞌj baꞌn tmod, jun tzalajbil jlu te tchmil, atzunju xuꞌj mya baꞌn, biꞌx in naj tchmil tuꞌn.

5 Ke xjal tzꞌaklxix oꞌcx toc cyximbetz tiꞌj ju tzꞌaklxix; atzun ke xjal binchal mya baꞌn oꞌcx in che ximan tuꞌn cysbun.

6 Ke cyyol xjal binchal mya baꞌn, jun cꞌobil jlu tuꞌn cynaj xjal tuꞌn; atzun cyyol ke xjal tzꞌaklxix, in che clet xjal tuꞌn.

7 Ke xjal binchal mya baꞌn che bel tzꞌak ex biꞌx che najel, atzun ke cyiyjil xjal tzꞌaklxix cucx che cyjel ten te jumajx.

8 In jaw nimsaꞌn xjal ic tzaꞌnxju tojtzkibl at, atzun teju mintiꞌ tnabl nok oꞌcx nneꞌl icꞌun.

9 Mas baꞌn tuꞌn koc kꞌoꞌn te chꞌin koclen pero at jun ajbel ke, twitzju tuꞌn kjaw nimsaꞌn ex mintiꞌ kwa.

10 Aju xjal tzꞌaklxix in che oc tcwentin ke talun, atzunju xjal binchal mya baꞌn mintiꞌ in tzꞌeꞌy tcꞌuꞌj cyiꞌj talun.

11 Aju xjal in akꞌnan twitz txꞌotxꞌ at nim twa; atzunju mintiꞌ tnabl oꞌcx in xi tkꞌon tib tuꞌn tbinchante aju mintiꞌ tajben.

12 Aju xjal binchal mya baꞌn in tzyet tuꞌnx ju mya baꞌn in pon tcꞌuꞌj tiꞌj; ex atzun ke xjal tzꞌaklxix cyuw cyten ic tzaꞌn jun tzeꞌ nim tlocꞌ.

13 Aju xjal binchal mya baꞌn in baj t-sacun tib tujx ju yol in xi tnicꞌan, atzunju xjal tzꞌaklxix baꞌn nneꞌx tuj ju yajbil te.

14 Tuꞌnju yol baꞌn in yolin xjal tiꞌj in tcꞌmoꞌn nim baꞌn, ex in tcꞌmoꞌn chojbil tiꞌj tbinchben.

15 Aju xjal mintiꞌ tnabl, tuj twitz ka baꞌn tcyakilju in tbinchaꞌn, atzunju xjal at tnabl in xi tniman ke consej.

16 Aju xjal mintiꞌ tnabl jurat in tzaj tkꞌoj; atzunju xjal at tnabl mintiꞌ nnoꞌc tkꞌoꞌn tcwent tiꞌj ju mya baꞌn in binchanjtz tiꞌj.

17 Aju testiw axix toc tyol in tchicꞌbaꞌn ju ax toc; atzunju testiw nicꞌal yol in tcyuwsaꞌn aju mya ax toc.

18 At xjal in cꞌixbisan tiꞌj juntl cyuꞌn ke tyol, atzun cyyol ke xjal at cynabl nnoꞌc te kꞌanbil cye mastl.

19 Aju xjal in yolin ax toc cucx ctel te jumajx, atzunju xjal nicꞌal yol mya nim kꞌij ctel.

20 At sbubl tuj tanmi xjal in ximan tiꞌj tuꞌn tbinchante mya baꞌn tiꞌj juntl, ex at tzalajbil cye xjal nnoꞌc tilil cyuꞌn tuꞌn cyten xjal tuj tzalajbil.

21 Aju xjal tzꞌaklxix mlay tzaj jun mya baꞌn tiꞌj, atzunte xjal binchal mya baꞌn ctzajel nim mya baꞌn tiꞌj.

22 Icꞌun tuꞌn Kman ke xjal nicꞌal yol, pero in tzalaj cyiꞌj keju in che yolin axix toc.

23 Aju xjal at tnabl mintiꞌ in baj tyolin ka at tojtzkibl, atzunju xjal mintiꞌ tnabl, tuꞌnx tyol in tyecꞌun ka mintiꞌ baꞌn tuꞌn.

24 Aju xjal puro secꞌ tiꞌj takꞌun cꞌoquel te nejenel cye mastl; atzunju xjal cyꞌaj cucx cyjel tjakꞌ tcawbil juntl.

25 Tuꞌn tlaj bis, biꞌx in tzaj baj tcꞌuꞌj xjal; pero tuꞌnju yol baꞌnxix, in jaw tzalaj.

26 Aju xjal tzꞌaklxix in ajben tuꞌn t-xi t-ẍaklun tucꞌil, atzun ke xjal binchal mya baꞌn in che el tzpet tiꞌj be.

27 Aju xjal baꞌn camban pero ka cyꞌaj, mlay tzyet tcanb, atzunju xjal secꞌ tnabl, cnetel nim tkꞌinumabl.

28 Aju cybe ke xjal tzꞌaklxix atzun in pon tuj chwinklal, ex mintiꞌ camic tuj cybe.