SALMOS
LIBRO I
SALMOS 1-41
Aju tzalajbil axix toc
1
At tzalajbil teju xjal mintiꞌ in xi tbiꞌn cyconsej ke binchal mya baꞌn, mintiꞌ in bet tuj cybe aj il, ex mintiꞌ in cub keꞌ cyxol ke xjal in che xmayin tiꞌj Dios,2 nok oꞌcx in tzalaj tiꞌj tley Kman Dios, ex cucx in ximan tiꞌj kꞌijl ex konicꞌan.
3 Aju xjal lu ic tten ic tzaꞌn jun wiꞌ tzeꞌ awaꞌn ttzi nima, in tkꞌoꞌn twitz tujxix tkꞌijlalil ex mintiꞌ in tzkij t-xak. Tcyakilju in tbinchaꞌn baꞌn nneꞌla.
4 Atzun ke binchal mya baꞌn, mya ic cyten, cyjaꞌ in che oc ic tzaꞌn muꞌp in xi ikan tuꞌn cykꞌikꞌ.
5 Cyjaꞌtzun mlayx che clet ke binchal mya baꞌn tuj tkꞌijlalil jwisi; ex mlay che ten ke aj il cyxol ke xjal tzꞌaklxix.
6 Porque cwentin keju tzꞌaklxix tuj cybe tuꞌn Kman; atzun cye ke mya baꞌn, atzun in xiꞌ cybe tuj najen.