2 Ke rey ex ke cawil twitz txꞌotxꞌ miꞌn cyaj tuꞌn cyniman Dios, ex junx in che yolin tuꞌn cykꞌojin tiꞌj Kman ex tiꞌj ju rey scꞌoꞌmaj tuꞌn.

3 In cymaꞌn cyjaꞌ: Kcoꞌpin el kib tuj cycaden. Kcoꞌpin el aju cꞌalbil ke cyuꞌn, che chi.

4 Ate Kman aju in cawin tuj cyaꞌj in jaw tzeꞌn cyiꞌj;

5 in che oc t-xobtzaꞌn oc in tzaj tkꞌoj, ex in tmaꞌn cye tucꞌil ttxꞌuꞌjil:

6 Atzunju rey lu scꞌoꞌmaj wuꞌne. Ma tzꞌoc nkꞌoꞌne toclen tuj Sión aju witz ma tzꞌel npaꞌne tuꞌn tajben weye.

7 Cxel nmaꞌne aju o tma Kman tuꞌn tbant. O tma weye: Aya ncyꞌajal, ma chin oque te tmana jaꞌlo.

8 Kanintza ke nasyon weye tuꞌn cyoc te tetzbila ex jacu txi nkꞌoꞌne tcyakil twitz txꞌotxꞌ teya.

9 Ccawila cyibaj ke nasyon tucꞌil var cꞌuxbil; che najel tuꞌna ic tzaꞌn jun cꞌil in baj buchj.

10 Jaꞌlo, akeye rey ex akeye in che cawin cyiꞌj xjal twitz txꞌotxꞌ, tenx cynable ex tzꞌelx cynicꞌe tiꞌj xnakꞌtzbil lu.

11 Che ajbene te Kman tucꞌil tzalajbil ex nimbil,

12 che mocꞌecuye twitz tucꞌil tchiylal, porque mya yajcu tzaj tkꞌoj ex jacu che baj cyime tuꞌn ax tuj be, porque jurat naj in tzaj tkꞌoj.

At tzalajbil cye keju nnoꞌc keꞌ cycꞌuꞌj tiꞌj tuꞌn cyclet.