In xi tkanin David onbil te Kman tuj tnaꞌj Dios
Bitz tuꞌn David tej tel ok twitz Absalón aju tcyꞌajal
3
Nman Dios, ma che chmet-xix ke aj kꞌoj wiꞌje, nimxix ke xjal in jaw cyiꞌn cyib wiꞌje,2 nimcu xjal in che yolin wiꞌje ex in cymaꞌn: Mlay clet jlu tuꞌn Dios, che chi.
3 Atzun teya Nman, aya colol wiꞌje, aya in jaw nimsante weye ex aya in tzaj cyuwsante ncꞌuꞌje.
4 Tuꞌn tkꞌajkꞌajel nwiꞌye cyuw in xi nkanine onbil te Kman, ex in chin tzaj tzakꞌweꞌne tuꞌn max twi witz xjan aju etzan tuꞌn.
5 In chin cub coẍeꞌye ex in tzaj nwatle ex nneꞌl nwatle, nok tuꞌnju ate Kman tzyulte weye.
6 Mlay chin xobe cywitz nok jteꞌ mil xjal cytxolin cyib wiꞌjele banin cyten tuꞌn cyoc tzokpaj wiꞌje.
7 Weꞌctza Nman. Chin tcloma Nman Dios. Porque aya cbajel cꞌixbisante cykꞌoꞌtx cycyakil aj kꞌoj wiꞌje; cbajel tbuchina twitz cyeꞌ ke xjal mya baꞌn.
8 Tuꞌna at colbil Nman, cyꞌiwlama aju tnam etzan tuꞌna.