2 Miꞌn chin oc tkꞌoꞌna tuj xjel cyiꞌj ke npaltile akine tmajena, porque mi aꞌl jun mintiꞌwt til twitza.

3 In chin yajlanjtze cyuꞌn aj kꞌoj wiꞌje; mer ic tzaꞌn in chin baj pachꞌuꞌne cyuꞌn twitz txꞌotxꞌ; ma chin ocx cykꞌoꞌn tuj klolj ic tzaꞌn keju o che cyim.

4 Ma baj ncꞌuꞌje tuj bis; ma tzaj t-xobil wiꞌje.

5 In tzaj nnaꞌne ke tkꞌijlalil ojtxi ex in chin ximane tiꞌj tcyakilju o tbinchaya.

6 In che jaw nyecꞌune ke nkꞌabe twitz cyaꞌj tuꞌn ncubsane twitza, in txket wanmiye tiꞌja ic tzaꞌn tzkij txꞌotxꞌ tajbil aꞌ.

7 Nman, chin ttzakꞌwentz naja, porque chꞌix tjatz baj nxewe. Miꞌn tzꞌel tewan tiba nwitze tuꞌntzun miꞌn woque ic tzaꞌn ke cyimni.

8 Te prim yecꞌuntza tcꞌujlalila weye, porque tiꞌja ma tzꞌoc keꞌ ncꞌuꞌje. Yecꞌuntza weye alcye tuꞌn nbinchanteye, porque teya in chin cubsane.

9 Chin tcloma cywitz aj kꞌoj wiꞌje Nman, porque tucꞌila in pon nclon wibe.

10 Chin t-xnakꞌtzantza tuꞌn tbant tajbila wuꞌne, porque aya Ndiose. Kꞌinxa kine tuj be jikun tiꞌj porque aya puro baꞌna.

11 Nok tuꞌnju maꞌ toclen tbiya Nman, kꞌontza ambil tuꞌn cucx wankꞌine. Chin tiꞌmexa tuj yajbil weye porque tzꞌaklxix teya.

12 Che najxwit ke aj kꞌoj wiꞌje tuꞌna, tuꞌnju at tcꞌujlalila wiꞌje. Che najxwit cycyakil aj kꞌoj wiꞌje tuꞌna, porque akine tmajena.