Tucꞌila in pon nclon wibe
Tnaꞌj Dios David tej tten tuj toyꞌ pic
142
Tucꞌil tkꞌajkꞌajel nwiꞌye cyuwxix in chin jaw schꞌine tiꞌj Kman, tucꞌil tkꞌajkꞌajel nwiꞌye cyuwxix in xi nkanine tuꞌn ttzaj kꞌakꞌan tcꞌuꞌj wiꞌje.2 In xi nmaꞌne nbise te, in xi nmaꞌne ju yajbil weye te,
3 oc in tzaj baj ncꞌuꞌje tuj bis.
Nman, ojtzkiꞌn tuꞌna aju in bant wuꞌne. Ma cub cykꞌon jun cꞌobil tuj be jatum in chin bete.
4 Queꞌyintza tuj nbankꞌabe, mi jun in tzaj onil weye. Mi aꞌl jun in colin wiꞌje. Mi aꞌl jun in ximan wiꞌje.
5 Nman, in chin cubsane twitza ex in xi nmaꞌne teya cyjaꞌ: Tucꞌila in pon nclon wibe; ex ic ttena te weye tzalu twitz txꞌotxꞌ ic tzaꞌn wetzbile.
6 Bintza oc njaw schꞌine porque mintiꞌ wipune. Chin tcloma cywitz keju in che yajlan weye, porque at mas cyipun nwitze.
7 Chin tiꞌmexa tuj presbil weye tuꞌntzun tjaw nnimsaꞌne. Keju tzꞌaklxix cbajel cytxolban cyib wiꞌjele oc tbinchanteya baꞌn weye.