2 Icwit tzꞌeꞌla nnaꞌj Diose ic tzaꞌn storac in cub patit twitza, ex oc cyjaw nyecꞌune ke nkꞌabe twitz cyaꞌj tuꞌn nnaꞌne Dios, icwit tzꞌeꞌla ic tzaꞌn jun oyaj in xi kꞌoꞌn teya te kale.

3 Nman, kꞌonca jun xkꞌukil te ntziꞌye tuꞌntzun miꞌn tetz jun yol mya baꞌn tuj ntziꞌye.

4 Miꞌn takꞌa ambil tuꞌn nximane tiꞌj mya baꞌn, mi tuꞌn nbinchanteye mya baꞌn junx cyucꞌil ke binchal mya baꞌn, ex tuꞌn miꞌn ntene tuj nin waꞌn in bant cyuꞌn.

5 Ka ma cub tkꞌoꞌn xjal tzꞌaklxix ncastiwoye jun xtalbil oc tbinchaꞌ weye, ex mer ic tzaꞌn perjum te weye ka ma chin oc tmayoꞌn. Mlay tzꞌel wicꞌune jlu; tuꞌn cylaj keju yajbil lu cucx oc chin naꞌle Dios.

6 Ke nejenel cye ke xjal mya baꞌn che elex xoꞌn ttxaꞌn xak, ex cꞌelel cynicꞌ tiꞌj axix toc nyole.

7 Cbajel sputj cybakil tuj cynajbil cyimni, ic tzaꞌn in baj chꞌoquit txꞌotxꞌ.

8 Nman Dios, oꞌcx tiꞌja kꞌukl ncꞌuꞌje. Tiꞌja nnoꞌc nclon wibe; miꞌn chin cyaj tcolina.

9 Chin tcloma tuj cꞌobil ma cub cykꞌoꞌn wiꞌje; chin tcloma tuj cꞌobil cyuꞌn ke xjal binchal mya baꞌn.

10 E cycub tzꞌak ke xjal mya baꞌn tuj cyex cycꞌobil, atzun weye tuꞌn nclete.