2 ex cywitz keju oꞌcx in che ximan tiꞌj tuꞌn cybinchante mya baꞌn ex tcyakil kꞌij in tzaj kꞌoj cyuꞌn.

3 Puro tzꞌuꞌp twiꞌ cyakꞌ ic tzaꞌn takꞌ jun lobaj; ic tten cyyol ic tzaꞌn tvenen kꞌantiꞌ.

4 Nman, colina wiꞌje tuj cykꞌab ke xjal mya baꞌn, colina wiꞌje cywitz ke xjal jawni cywitz tuꞌn cykꞌojin ex cywitz keju in che ximan tiꞌj tuꞌn ncub tzꞌake.

5 Akeju in jaw cyniman cyib ma cub cykꞌoꞌn jun cꞌobil wiꞌje; ma cub cylicꞌun ke xyub ex ke sakbak tuj be te cꞌobil weye.

6 O txi nmaꞌne teya cyjaꞌ Nman Dios: Aya Ndiose, nchiye. Nman, bintza nkanbetze oc nkanine onbil teya.

7 Nman Dios, aya colol weye maꞌxix tipumal, aya in colin tiꞌj nwiꞌye tuj kꞌoj.

8 Nman, miꞌn txi tkꞌoꞌna cye ke xjal mya baꞌn aju in pon cycꞌuꞌj tiꞌj; miꞌn takꞌa ambil tuꞌn tjapun aju in cub cyximan, tuꞌntzun miꞌn tjaw cyniman cyib.

9 Keju txolin cyten wiꞌjele e tcub tzꞌak cyibajx aju mya baꞌn in tzaj cykanin tibaj juntl.

10 E tcub tzꞌak xkꞌaꞌl in cꞌant tuꞌn kꞌakꞌ cyibaj; e cyxi xoꞌn tuj jul jalo ponin t-xeꞌ jatum mlay che jatztl.

11 Miꞌnwt cucx tten twitz txꞌotxꞌ aju xjal siꞌmil yol; bajwit yajlaꞌn tuꞌn mya baꞌn aju xjal jawni twitz tuꞌn tkꞌojin, ex najxwit tuꞌn.

12 Baꞌn wuꞌne in xi tbinchaꞌn Kman cyiꞌj ke meba ex in colin cyiꞌj ke xjal atx taj cye.

13 Ke xjal tzꞌaklxix cjawil cynimsaꞌn tbiya; ke xjal in che bet tuj tumel che najal twitza.