2 Chin bel ẍmejeꞌye tumlal tjaya xjan tuꞌn t-xi nkꞌoꞌne chjonte tiꞌj tcꞌujlalila ex tiꞌj tyola axix toc, porque o tzꞌoc tkꞌoꞌna mas maꞌ toclen tbiya ex tyola twitz tcyakil tiꞌxti.

3 Tej ncubsane twitza in tzaj ttzakꞌweꞌna, ex oc mastl wipune tuꞌna.

4 Cycyakil ke rey te twitz txꞌotxꞌ che jawil nimsante teya oc cybinte aju yol tzaj ttziyana.

5 Cjawil cynimsaꞌn tbi Kman tiꞌj tcyakilju in bant tuꞌn, porque maꞌ tajwalil Kman.

6 Masque maꞌxix toclen Kman, pero in che tzaj tqueꞌyin ke xjal mans, atzun ke xjal in jaw cyniman cyib, najchak in che tzaj tqueꞌyin.

7 Ka ma chin tene tuj xobajil in chin clete tuꞌna tuꞌn miꞌn ncyime; in tzaj tyecꞌuna tipumala ex in chin clete tuꞌna oc in tzaj cytxꞌuꞌjil aj kꞌoj wiꞌje.

8 Cjapunel tuꞌn Kman aju t-ximbetz wiꞌje. Nman, ctel tcꞌujlalila te jumajx; miꞌn cyaj tcolina aju akꞌuntl o tzyet tuꞌna.