In che bisuntok keju otok che pon kꞌiꞌn tuj Babilonia
137
Tej kcub keꞌye ttzi nima tuj Babilonia, o oc tene okꞌel tej ttzaj knaꞌne aju ktanmiye Sión,2 jaw kyobane ke quitar cywiꞌ ke tzeꞌ chjaj ateꞌ tuj tnam Babilonia.
3 Keju e jeꞌx kꞌinte keye ex otok che yajlan keye, tzaj cymaꞌn tuꞌn koc tene bitzal ex tuꞌn t-xi kbitzane jun bitz te tzalajbil: cybitzanxe jun cybitz aj Sión, che chi keye.
4 ¿Baka jacu bant tuꞌn kbitzane tiꞌj jun bitz te Kman tuj cytanmi txkantl xjal mya kxjalile?
5 Ka ma tzicꞌ tnaꞌla wuꞌne aya tnam Jerusalén, baꞌn tuꞌn toc tzkij nbankꞌabe.
6 Ka mi ma tzula tiꞌj ncꞌuꞌje ex ka mya mas nim ma chin tzalaje tiꞌja cywitz mastl tiꞌxti in chin tzalaje tiꞌj, baꞌn tuꞌn toc tlacꞌon tib wakꞌe twitz ncꞌoꞌne.
7 Kman Dios, naꞌntza aju o cybincha aj Edom tej tcub tiꞌj tnam Jerusalén cyuꞌn aj kꞌoj, cyma: E tcub xitj, e tcub xitj tcyakil tucꞌix t-simyentil, che chi aj Edom.
8 Aya tnam Babilonia jumajx cnajela. At tzalajbil teju xjal ckꞌolte t-xel teya tiꞌj ju mya baꞌn ma tbinchaya kiꞌje.
9 At tzalajbil teju xjal ctzajel tzyunte ke tal cꞌwaꞌl ateꞌ tuja tuꞌn cyoc t-xoꞌn tiꞌj abj ex tuꞌn cybaj puchꞌj.