2 Cykꞌonxe chjonte te Dios aju maꞌxix toclen cywitz keju nnoꞌc cydiosin xjal, tuꞌnju cucx cꞌujlaꞌn koꞌ tuꞌn te jumajx.

3 Cykꞌonxe chjonte te Kman, aju cyajaw cycyakil keju at cyoclen, tuꞌnju cucx cꞌujlaꞌn koꞌ tuꞌn te jumajx.

4 Cykꞌonxe chjonte teju in binchante ke binchben nim cyipumal, tuꞌnju cucx cꞌujlaꞌn koꞌ tuꞌn te jumajx.

5 Cykꞌonxe chjonte teju binchante cyaꞌj tucꞌil nabl, tuꞌnju cucx cꞌujlaꞌn koꞌ tuꞌn te jumajx.

6 Cykꞌonxe chjonte teju cub kꞌonte txꞌotxꞌ tibaj aꞌ, tuꞌnju cucx cꞌujlaꞌn koꞌ tuꞌn te jumajx.

7 Cykꞌonxe chjonte teju cub binchante kꞌij ex xjaw, tuꞌnju cucx cꞌujlaꞌn koꞌ tuꞌn te jumajx.

8 Tbincha kꞌij tuꞌn tten t-spicꞌumal te kꞌijtl, tuꞌnju cucx cꞌujlaꞌn koꞌ tuꞌn te jumajx;

9 tbincha xjaw ex ke cheꞌw tuꞌn tten cyspicꞌumal te konicꞌan, tuꞌnju cucx cꞌujlaꞌn koꞌ tuꞌn te jumajx.

10 Cykꞌonxe chjonte teju cub byonte cycyakil nej cycꞌwaꞌl aj Ejipt, tuꞌnju cucx cꞌujlaꞌn koꞌ tuꞌn te jumajx.

11 Cykꞌonxe chjonte teju etz kꞌinte cye aj Israel tuj Ejipt, tuꞌnju cucx cꞌujlaꞌn koꞌ tuꞌn te jumajx.

12 E jeꞌtz tiꞌn tuꞌn nim tipumal, tuꞌnju cucx cꞌujlaꞌn koꞌ tuꞌn te jumajx.

13 Cykꞌonxe chjonte teju cub paꞌnte Mar Cyak Queꞌyin, tuꞌnju cucx cꞌujlaꞌn koꞌ tuꞌn te jumajx.

14 Cykꞌonxe chjonte teju icꞌx kꞌinte cye aj Israel tuj tmij mar, tuꞌnju cucx cꞌujlaꞌn koꞌ tuꞌn te jumajx.

15 Cykꞌonxe chjonte teju aj mulkꞌinte Faraón tuj Mar Cyak Queꞌyin cyucꞌix ke t-soldad, tuꞌnju cucx cꞌujlaꞌn koꞌ tuꞌn te jumajx.

16 Cykꞌonxe chjonte teju xi ẍaklunte cye ke xjal etzan tuꞌn tuꞌn cybet tuj tzkij txꞌotxꞌ, tuꞌnju cucx cꞌujlaꞌn koꞌ tuꞌn te jumajx.

17 Cykꞌonxe chjonte teju cub byonte cye ke rey maꞌxix cyoclen, tuꞌnju cucx cꞌujlaꞌn koꞌ tuꞌn te jumajx.

18 Cykꞌonxe chjonte teju cub byonte cye ke rey nimxix cyipumal, tuꞌnju cucx cꞌujlaꞌn koꞌ tuꞌn te jumajx;

19 cub byoꞌn Sehón tuꞌn, aju rey cye aj Amorrey, tuꞌnju cucx cꞌujlaꞌn koꞌ tuꞌn te jumajx;

20 ex tucꞌix Og aju rey tuj txꞌotxꞌ Basán, tuꞌnju cucx cꞌujlaꞌn koꞌ tuꞌn te jumajx.

21 Cykꞌonxe chjonte teju xi sipante cytxꞌotxꞌ ke rey lu, tuꞌnju cucx cꞌujlaꞌn koꞌ tuꞌn te jumajx,

22 ex xi tkꞌoꞌn te cyetzbil aj Israel akeju tmajen, tuꞌnju cucx cꞌujlaꞌn koꞌ tuꞌn te jumajx.

23 Cykꞌonxe chjonte teju in tzaj naꞌnte ke oc koc tuj yajbil kiꞌj, tuꞌnju cucx cꞌujlaꞌn koꞌ tuꞌn te jumajx.

24 Cykꞌonxe chjonte teju in clon ke tuj cykꞌab aj kꞌoj kiꞌj, tuꞌnju cucx cꞌujlaꞌn koꞌ tuꞌn te jumajx.

25 Cykꞌonxe chjonte teju in xi kꞌonte cywa xjal ex cywa cycyakil txcaj txcup, tuꞌnju cucx cꞌujlaꞌn koꞌ tuꞌn te jumajx.

26 Cykꞌonxe chjonte te Dios at tuj cyaꞌj, tuꞌnju cucx cꞌujlaꞌn koꞌ tuꞌn te jumajx.