Cjawil nnimsaꞌne Kman tuꞌn tcyakil wanmiye junx cyucꞌil ke xjal tzꞌaklxix, ex cyxol cycyakil keju cychmon cyib.

2 Ke takꞌunben Kman maꞌxix ke, keju in che tzalaj cyiꞌj in che xnakꞌtzan cyiꞌj.

3 Aju takꞌunben tbanilxix ex in koptzꞌaj wen, ex aju tten tzꞌaklxix cucx ctel te jumajx.

4 Cyaj tkꞌoꞌn junjun tumel tuꞌn miꞌn ticꞌ cynaꞌnjtz ke tbinchben maꞌxix cyxilen.

In tzaj tzꞌeꞌy tcꞌuꞌj Kman kiꞌj ex at tkꞌakꞌbil tcꞌuꞌj;

5 in xi tkꞌoꞌn cywa keju in che niman te; ex cucx in tzaj tnaꞌn aju yol o cyaj bant tiꞌj tuꞌn cyucꞌil.

6 Cyuꞌn ke takꞌunben xi tyecꞌun tipumal cye ke xjal etzan tuꞌn, ex xi tkꞌoꞌn cye aju cytxꞌotxꞌ ke nasyon.

7 Aju in tbinchaꞌn, tzꞌaklxixte ex axix toc; ex baꞌn tuꞌn tkeꞌ kcꞌuꞌj cyiꞌj ke tmandamyent,

8 porque cucx che tel te jumajx tuj tcyakil tabkꞌiyil; axix toc ke ex tzꞌaklxix binchben cye.

9 Tuꞌn e colpet ke xjal etzan tuꞌn, ex xi tcyuwsaꞌn aju yol cyaj bant tiꞌj tuꞌn cyucꞌil. Ate Dios xjante ex xobajilxix.

10 Aju tumel tuꞌn tten tnabl xjal atzun, tuꞌn t-xob twitz Kman ex tuꞌn tniman te; keju in che niman te in ten nim cynabl. Cucx cjawil nimsaꞌn tbi Dios te jumajx.