2 Max twi witz Sión tzul tkꞌoꞌn Kman aju tvara te jun techal tipumala, ex baꞌn tuꞌn tcub cyiꞌj ke aj kꞌoj tuꞌna.

3 Oc tcub cyiꞌj ke aj kꞌoj tuꞌna, ke xjal etzan tuꞌna cyuꞌnx cxel cykꞌon cyib tuj tcwenta. Tcyakil kꞌij cꞌoquel tipuna ic tzaꞌn jun cuꞌxun, ex ic tzaꞌn ttxa cheꞌw in cub twi witz xjan oc tcub spicꞌeꞌ.

4 At jun yol axix toc tzaj ttziyan Kman ex mlay chꞌexpet tuꞌn: Aya cꞌoquel te pal te jumajx, ax toclena cꞌoquel ic tzaꞌn te Melquisedec, chi tma.

5 Atzun tcub Kman tuj tbankꞌaba; ex oc ttzaj tkꞌoj, che najel ke rey tuꞌn.

6 Cbel cysentens ke nasyon tuꞌn; ex nim cyximlal cyimni cbel ten tuꞌn twitz txꞌotxꞌ oc cycub tbyoꞌn, ex cbel tpaꞌn cywiꞌ ke nejenel tuj tcyakil twitz txꞌotxꞌ.

7 Ccꞌal aꞌ tuj tkꞌab xak tuj be, ex cꞌoquel mas tipun tuꞌn aꞌ lu.