At tzalajbil teju xjal in niman te Kman ex in tzalaj cyiꞌj ke tmandamyent.

2 Ke tiyjil ju xjal tzꞌaklxix che bel cyꞌiwlaꞌn ex ctel cyipumal twitz txꞌotxꞌ.

3 Ctel nim tkꞌinumabl tuj tja, ex aju tten tzꞌaklxix cucx ctel te jumajx.

4 Ic tten ic tzaꞌn jun spicꞌun tuj klolj in koptzꞌaj cye ke xjal tzꞌaklxix. At tkꞌakꞌbil tcꞌuꞌj, at-xix tcꞌujlalil ex tzꞌaklxix.

5 Baꞌn nneꞌla teju xjal in binchan xtalbil ex in xi tkꞌoꞌn cychꞌex xjal, ex tuj tumelxix in tbinchaꞌn tcyakil;

6 cyjaꞌtzun mlay cub tzꞌak. Aju xjal tzꞌaklxix cucx ctzajel naꞌn.

7 Mlay xob oc tbinte tkanil mya baꞌn, tuꞌnju kꞌukl tcꞌuꞌj tiꞌj Kman, cyjaꞌtzun cyuw tten.

8 Kꞌukl tcꞌuꞌj tiꞌj Dios, cyjaꞌtzun mintiꞌ in xob, cꞌoquel tqueꞌyin oc tcub cyiꞌj ke aj kꞌoj tiꞌj.

9 Xi t-sipan cycotz ke meba; aju tten tzꞌaklxix cucx ctel te jumajx, cycyakil xjal cjawil nimsante te.

10 Atzunte xjal mya baꞌn ctzajel ttxꞌuꞌjil oc tqueꞌyinte jlu; oc ckitxꞌitxꞌil t-xe teꞌ xjal; cheba cbajel tipun ocxi tnaj. In pon cycꞌuꞌj xjal mya baꞌn tiꞌj nimcu, pero mlay cycamba.