2 O tzaj tmaꞌn Kman tkanil aju tcambabl, o tzaj tyecꞌun aju tten tzꞌaklxix cywitzcu ke nasyon;

3 ma tzaj tnaꞌn tcꞌujlalil cyiꞌj aj Israel, ex cucx tjapun tuꞌn aju o txi ttziyan cye. Tuj tcyakil twitz txꞌotxꞌ o ilwaj aju cambabl tuꞌn Kman Dios.

4 Che bitzane te Dios tucꞌil tzalajbil akeye najl tuj tcyakil twitz txꞌotxꞌ; che tzalajxe nim ex che bitzane ke bitz.

5 Che bitzane ke bitz te Kman tucꞌil tkꞌajkꞌajel twi chnab arpa, ex tucꞌil tkꞌajkꞌajel cywi quitar.

6 Che bitzane tucꞌil tzalajbil twitz Kman aju rey; che bitzane tucꞌil tkꞌajkꞌajel cywiꞌ chun.

7 E tjululun mar tucꞌix tcyakilju at tuj, tucꞌix txꞌotxꞌ ex cycyakil keju najl twitz;

8 e cyjaw tzalaj ke nima; e cyschꞌin ke witz junx tucꞌil tzalajbil,

9 twitz Kman aju tzul cawil twitz txꞌotxꞌ. Parej ccawil cyibaj ke tnam ateꞌ twitz txꞌotxꞌ, ex tuj tumelxix.