2 Txolin tiꞌjele tuꞌn kꞌek muj; in cawin tuj tumel ex tzꞌaklxix tcyakilju in bant tuꞌn;

3 nejni kꞌakꞌ twitz ex tuꞌn in che tzꞌeꞌy ke aj kꞌoj tiꞌj, akeju txolin cyten tiꞌjele.

4 Aju xleꞌlaj cyaꞌj in tzaj t-samaꞌn in t-spicꞌbaꞌn twitz txꞌotxꞌ, ex in jaw luꞌlun txꞌotxꞌ oc tqueꞌyinte jlu.

5 Twitz Kman aju tajwil tcyakil twitz txꞌotxꞌ in che cub ulj ke witz ic tzaꞌn xcab.

6 Aju cyaꞌj nnoꞌc ten yolil tiꞌj, tzꞌaklxix te Dios; cycyakil tnam in cyil aju tajwalil.

7 E ttzaj cychꞌixwi keju in che cꞌulun cywitz ke tilbilal, akeju in che tzalaj cyiꞌj. Cycyakil keju nnoꞌc cydiosin xjal oc che bel mocꞌeꞌ twitz Kman.

8 Nman Dios, aju tnam Jerusalén cyucꞌix ke tnam ateꞌ tuj txꞌotxꞌ Judá in che tzalaj tuꞌnju in cawina tuj tumelxix;

9 porque maꞌxix toclena Nman, tcubsaꞌna tibaj tcyakil twitz txꞌotxꞌ, ex maꞌxix toclena cywitz cycyakil keju nnoꞌc cydiosin xjal.

10 Akeye at cycꞌujlalile tiꞌj Kman, cyicꞌun ele aju mya baꞌn. Tuꞌn Kman in che clet keju in che niman te; in che clet tuꞌn tuꞌn miꞌn cycub tzꞌak tuj cykꞌab ke xjal mya baꞌn.

11 In koptzꞌaj spicꞌun cywitz keju tzꞌaklxix; at tzalajbil cye xjal baꞌn cymod.

12 Che tzalajxe tiꞌj Kman akeye xjal tzꞌaklxix, ex cynimsaꞌn jawe aju tbi xjan.