2 che bitzane ex cynimsaꞌn jawe tbi; tcyakil kꞌij cykꞌonxe tkanil colbil tuꞌn.

3 Che yoline tiꞌj tajwalil ex tiꞌj tbinchben maꞌ t-xilen cye cycyakil xjal ex cye cycyakil nasyon,

4 porque maꞌ t-xilen Kman ex baꞌn tuꞌn tjaw nimset tbi; mas tuꞌn kxob twitz cywitz ke mastl cydios xjal.

5 Ke cydios mastl tnam mintiꞌ cyajben, atzunte Kman o bant cyaꞌj tuꞌn.

6 Txolin tiꞌj tuꞌn tajwalil ex tuꞌn t-spicꞌumal. At nim tipumal tuj tja ex puro tbanil.

7 Cycyakile akeye xjal najl twitz txꞌotxꞌ cynimsaꞌn jawe tbi Kman, cynimsaꞌn jawe tbi tuꞌnju at tipumal ex tajwalil.

8 Cykꞌonxe nimbil te Kman tuꞌnju maꞌ t-xilen, cyiꞌntze oyaj ex cyocxe tuj tja.

9 Che cꞌulune twitz Kman tuꞌnju tbanilxix ex xjante. Cycyakile akeye xjal najl twitz txꞌotxꞌ che luꞌlune tuꞌn cyxobile twitz.

10 Cymanxe cye mastl nasyon cyjaꞌ: Ate Kman in cawin. Tuꞌn cub tkꞌoꞌn t-simyentil txꞌotxꞌ tuꞌn mi tyucch; parej in cawin Dios cyibaj cycyakil tnam.

11 E ttzalaj cyaꞌj tucꞌix txꞌotxꞌ; e tjulin mar tucꞌix tcyakilju at tuj.

12 Baꞌn tuꞌn cytzalaj ke cojbil tucꞌix tcyakilju at cywitz, ex e cyjaw schꞌin ke tzeꞌ tuj cꞌul tuꞌn tzalajbil

13 twitz Kman aju tzul. Ax toc, tzul tuꞌn tcawin twitz txꞌotxꞌ; aju tcawbil cyibaj ke tnam twitz txꞌotxꞌ tzꞌaklxix te ex axix toc.