2 Ko lakꞌex twitz tucꞌil akꞌbil chjonte, ex ko bitzan bitz te nimbil te.

3 Porque ate Kman Dios maꞌxix toclen, ex a rey mas maꞌ toclen cywitz mastl cydios xjal.

4 Tuj tkꞌab ateꞌ ke lugar tjakꞌxi txꞌotxꞌ, ex te keju witz maꞌ cywaꞌl.

5 Te Dios aju mar, porque tuꞌn o binchet; ex tuꞌn tkꞌab binchet aju txꞌotxꞌ.

6 Cytzaje, ko ẍmejec tuꞌn kcꞌulun te; ko ẍmejec twitz Kman, porque a binchante ke.

7 Ate Kdios, atzun ke etzan koꞌ tuꞌn; ic koꞌ ic tzaꞌn t-ẍneꞌl, porque cwentin koꞌ tuꞌn.

8 Cybinxe jaꞌlo aju in tmaꞌn cyeye: Miꞌn cub cycyuwsaꞌne cyanmiye ic tzaꞌn o cybincha ke cyxeꞌchele tuj lugar Meriba, ex ka ic tzaꞌn o cybincha tuj lugar Masah tuj tzkij txꞌotxꞌ,

9 tej woque tuj joybil wiꞌje cyuꞌn ex tej nprobarinjtze cyuꞌn, masque otok cyil ke nbinchbene.

10 O tzaj nkꞌoje cyiꞌj ke cyxeꞌchele 40 abkꞌi ex o nmaye: Ke xjal lu cucx in txalpujeꞌ cyanmi, ex mi cyaj tuꞌn t-xi cyniman nyole.

11 Cyjaꞌtzun o tzaj nkꞌoje cyiꞌj ex xi nmaꞌne jun nyole axix toc cye, tuꞌn miꞌn cyocx tuj txꞌotxꞌ jatum tuꞌn cyojlan wuꞌne, chi Dios.