Ate Dios kcolbil kib
91
Aju xjal nnoꞌcx tewan tib tucꞌil Dios tuꞌn tclet, cꞌankꞌil tjakꞌ t-xmuꞌjil Dios aju Tajaw Tcyakil ex at tipumal tuꞌn tbant tcyakil tuꞌn.2 Cxel nmaꞌne te Kman cyjaꞌ: Aya jun ja cyuw binchben te jatum tuꞌn tocx nclon wibe, aya Ndiose kꞌukl ncꞌuꞌje tiꞌja, nchiloye te.
3 Oꞌcx a Dios jacu clonte teya te cꞌobil tcubsaꞌn tuj ewaj ex jacu cleta tuꞌn te txꞌuꞌj yabil,
4 porque cyjel tena tjakꞌ t-xicꞌ tuꞌn tkeꞌ tcꞌuꞌja. Aju tyol axix toc cꞌajbel te colbil teya ic tzaꞌn jun makbil.
5 Mlay xoba twitz ju xobtzal in bet konicꞌan, ex mlay xoba cywitz ke plech in che tzaj xoꞌn tiꞌja kꞌijl.
6 Mlay xoba te txꞌuꞌj yabil in bet tuj klolj, ex mlay xoba te cꞌixbisabl in che naj xjal tuꞌn te kꞌijl.
7 Che bel byoꞌn jun mil xjal ateꞌ tuj tnayaja ex laj mil tuj tbankꞌaba, atzun teya mintiꞌ cbajel tiꞌja.
8 Oc tilaꞌya jlu tuꞌn twitza ex oc tilaꞌya oc tcub cycastiw ke binchal mya baꞌn.
9 Tuꞌnju ma tzꞌoc Kman te tcolbil tiba ex ma tzꞌoc tclon tiba tiꞌj Dios aju maꞌxix toclen,
10 mlay tcꞌulbaya jun mya baꞌn ex mlay canun txꞌuꞌj yabil tuj tjaya.
11 Che tzajel t-samaꞌn ke anjel tuꞌn toc cwentina cyuꞌn nok jatum ma txiꞌya.
12 Cxel kꞌiꞌna cyuꞌn tuꞌn cykꞌab tuꞌn miꞌn toc tacpaj tkana tiꞌj abj.
13 Che bel twabana ke balun cyucꞌix ke kꞌantiꞌ, icx ke balun kꞌiꞌn cyipun ex ke lobaj.
14 Chi Dios in tmaꞌn: Oc cletel ju ocslal wuꞌne, ex cjawix nkꞌoꞌne tuj lugar segurxix, tuꞌnju ma tzꞌel tnicꞌ wiꞌje ex at tcꞌujlalil wiꞌje.
15 Oc tcubsan nwitze ctzajel nkꞌoꞌne te aju in tkanin; ex akine chin tel tucꞌil. Oc cletel wuꞌne oc ttzaj joybil tiꞌj ex cjawil nnimsaꞌne.
16 Nim ctzalajel tuꞌnju nim tuj tankꞌibl, ex ctzalajel tiꞌj ju colbilte wuꞌne.