2 Tuꞌn t-xi kꞌmet te prim ex te konicꞌan aju tcꞌujlalila maꞌxix ex aju ttena tzꞌaklxix,

3 tucꞌil tkꞌajkꞌajel cywi chnab arpa ex quitar.

4 Nman Dios, in chin tzalaje cyuꞌn ke tbinchbena. Cyuꞌn ke takꞌunbena ma chin noje tuꞌn tzalajbil.

5 Nman Dios, maꞌxix ke takꞌunbena, ex ke t-ximbetza jalo poninbaj.

6 Oꞌcx keju mintiꞌ cynabl mlay tzꞌel cynicꞌ tiꞌj.

7 Ke xjal mya baꞌn, masque che chꞌiy ic tzaꞌn cꞌul, ex masque che oc kꞌinun, pero a jlu oꞌcx cꞌajbel tuꞌn cynaj te jumajx.

8 Atzun teya Nman, cucx ctela maꞌxix toclena.

9 Ax toc Nman, oc che najel ke aj kꞌoj tiꞌja; ex cycyakil ke binchal mya baꞌn oc che bajel sputj.

10 Tuꞌna nnoꞌc mastl wipune ic tzaꞌn tipun jun tor, ex in jax tkꞌoꞌna perjum tuj nwiꞌye.

11 Oc wilaꞌye oc cynaj ke aj kꞌoj wiꞌje; ex oc nbiꞌye oc tcub cycastiw ke xjal mya baꞌn, akeju ma jaw cyiꞌn cyib wiꞌje.

12 Ke xjal tzꞌaklxix che tel tuj txubtxaj, ic che oquel ic tzaꞌn ke palma tbanilxix, ex che chꞌiyil ic tzaꞌn ke wiꞌten twi witz Líbano.

13 Ic cyten ic tzaꞌn ke tzeꞌ awaꞌn ke jatum taꞌ tja Kman. Nnoꞌc cyxmacal ttxaꞌn peꞌn twitz tja Dios.

14 Ex cucx nnoꞌc cywitz masque otok che tijin; cucx ctel cyipun ex puro chaꞌx ke;

15 ex oc cxel cymaꞌn cyjaꞌ: Tzꞌaklxixte Kman aju clol weye, ex mintiꞌ jun mya baꞌn tucꞌil.