2 Ma cub tnajsaꞌna aju mya baꞌn o cybincha ke xjal etzan tuꞌna ex tcyakilju cyil;

3 te jumajx ma chewix tkꞌoja ex ttxꞌuꞌjila.

4 Dios aya clol keye, ax icx ko tcloma jaꞌlo ex miꞌn cucx tkꞌojina kiꞌje.

5 ¿Cucxpetzun ctel tkꞌoja kiꞌje? ¿Te jumajxpetzun ctzajel ttxꞌuꞌjila kiꞌje?

6 ¿Miꞌnpetzun tzaj tkꞌoꞌntla kchwinklale tuꞌntzun ktzalaje tiꞌja, akoꞌye etzan tuꞌna?

7 Nman Dios, yecꞌuntza keye aju tcꞌujlalila ex ko tcloma.

8 Cbel nbiꞌne aju ctzajel tmaꞌn Kman, porque ctzajel tmaꞌn tuꞌn cyten tuj txubtxaj ke xjal etzan tuꞌn, cyucꞌix keju in che niman te, tuꞌntzun miꞌn cybinchante juntl maj aju mya tuj tumel.

9 Ax toc nikaꞌ taꞌ te Dios tuꞌn cyclet keju in che niman te; ctel tajwalil tuj ktanmi.

10 Aju tcꞌujlalil Dios ex aju tyol axix toc ma cycꞌulba cyib, aju ttxubtxajal ex ju tzꞌaklxix ma baj cytzꞌuban cytziꞌ,

11 aju yol axix toc cjawil pokꞌl twitz txꞌotxꞌ ex aju Dios tzꞌaklxix ctzajel tqueꞌyin max tuj cyaꞌj.

12 Tuꞌnx te Kman ctzajel tkꞌoꞌn jbal, ex ctzajel tkꞌoꞌn ktxꞌotxꞌ twitz kawal.

13 Aju tzꞌaklxix cbel nej twitz Kman, ex tuꞌn cbajel tbinchaꞌn ju tbe.