2 ¿Jtoj ban t-xi cycoline tuꞌn miꞌn cybinchanteye xtis mya tuj tumel, ex jtoj txi cycoline tuꞌn cycoline cyiꞌj ke xjal mya baꞌn?

3 Cybinchanxe cyiꞌj ke xjal mintiꞌ cyipun ex cyiꞌj ke cꞌwaꞌl mintiꞌ cyman ex cytxuꞌ. Cybinchanxe cyiꞌj ke meba ex cyiꞌj keju mintiꞌ at cye.

4 Cyclome keju mintiꞌ cyipun ex ke meba, ex cyclome ke cywitz ke xjal mya baꞌn.

5 Atzun cyeye mintiꞌ baꞌn cyuꞌne ex mintiꞌ nnoꞌcx tuj cywiꞌye; in che bete tuj klolj. Tuj tcyakil twitz txꞌotxꞌ mintiꞌtl in xi cybinchaꞌne cyiꞌj xjal tuj tumel.

6 Xi nmaꞌne cyjaꞌ: Akeye dios keye ex cycyakile tcꞌwaꞌl Dios maꞌxix toclen, nchiye.

7 Masque icju, pero che cymele ic tzaꞌnx cycyakil xjal, che najele ic tzaꞌn in che naj nok alcyexchak nejenel, chi Dios.

8 Nman Dios weꞌctza ex kꞌonca cycastiw ke xjal tuj tcyakil twitz txꞌotxꞌ, porque aya cyajwil cycyakil nasyon.