2 Che bitzane tucꞌil tkꞌajkꞌajel twiꞌ tal tampor, tucꞌix chnab ex quitar.

3 Cykꞌajtzan oque chun oc ttzaj yecꞌun juntl acꞌaj xjaw, ax icx oc ttijin xjaw, atzun kꞌij lu tuꞌn tcub kicꞌsaꞌn aju nintz ninkꞌij.

4 Porque atzun mandamyent lu tzaj tkꞌoꞌn Tdios Jacob cye aj Israel;

5 atzun jun yol cyaj bant tiꞌj tuꞌn Dios cyucꞌil tiyjil José tej tpon kꞌojlel cyiꞌj aj Ejipt. O nbiye jun tkꞌajkꞌajel wibaj aju mintiꞌ ojtzkiꞌn wuꞌne, chi cyjaꞌ:

6 Ma tzꞌel wiꞌne iktz twi t-semila, ma cleta wuꞌne tuj akꞌuntl cyuwxix.

7 Tuj yajbil teya in txquete tuꞌna, ex cleta wuꞌne; tzaj ntzakꞌweꞌna max tuj muj in tininin wen; oc nkꞌoꞌne tuj malbil cytziꞌ ke aꞌ tuj Meriba.

8 Akeye xjal etzan keye wuꞌne, cybintze aju yol cxel nmaꞌne cyeye; baꞌnwt nxi cynimane, akeye aj Israel.

9 Miꞌn tzaj cyiꞌne jun cydiose tuj junxitl tnam; miꞌn che cꞌulune cywitz cydios ke xjal akeju mintiꞌ ojtzkiꞌn cyuꞌne.

10 Akine Cymane aju Cydiose, aju etz kꞌinte cyeye tuj Ejipt; cykanintze cywaye weye ex oc che nojele wuꞌne.

11 Atzun ke xjal etzan wuꞌne mintiꞌ inx biꞌne cyuꞌn; mintiꞌ inx nimane cyuꞌn aj Israel.

12 Cyjaꞌtzun e cyaj nkꞌoꞌne cucx tuꞌn cyten miban che bin, ex e ankꞌin ic tzaꞌnx cyex cyajbil.

13 Nokwit inx biꞌne cyuꞌn aj Israel akeju etzan wuꞌne, nokwit e bet cyuj ke nbeye,

14 juratwitlo cub cyiꞌj aj kꞌoj cyiꞌj wuꞌne ex juratwitlo cub nkꞌoꞌne cycastiw.

15 Keju in che icꞌun tiꞌj Kman, juratwitlo cub cyiꞌj tuꞌn ex juratwitlo cub cycastiw te jumajx.

16 Mawtlo tzꞌoc tcꞌaꞌchan Dios ke xjal etzan tuꞌn tuꞌn tbanil triw, ex mawtlo tzꞌel txketleꞌn cyiꞌj tuꞌn taꞌl cab te tjakꞌ cꞌul.