2 Aju cyximlal ke tmajena ex cyximlal keju o che niman teya, ma txi cykꞌoꞌn tuꞌn tajben te cychiꞌ cꞌutz ex ke jil te tjakꞌ cꞌul.

3 Ma baj chitj cychcꞌel mer ic tzaꞌn aꞌ tuj enter tnam Jerusalén, ex mi aꞌl baꞌn tcuꞌx makunte cye.

4 Ma ko oc xmayine cyuꞌn ke kvesine; ex ma ko oc tzeꞌne cyuꞌn keju ateꞌ kiꞌjele.

5 Nman Dios, ¿jtoj txi tcolina tuꞌn tkꞌojina kiꞌje? ¿Cucxpe ctzajel tkꞌoja kiꞌje mer ic tzaꞌn kꞌakꞌ in cꞌant?

6 E ttzaj ttxꞌuꞌjila cyiꞌj ke nasyon mya ocslal ke tiꞌja, akeju mintiꞌ ojtzkiꞌna cyuꞌn ex mintiꞌ in tzaj naꞌn tbiya cyuꞌn.

7 Porque atzun ke jlu o che cub byonte ke tiyjil Jacob ex ma baj cyxitun cytanmi.

8 Miꞌn cub tkꞌoꞌna kcastiwoye tuꞌn tlaj mya baꞌn cybincha ke kxeꞌchele; kꞌakꞌantz tcꞌuꞌja kiꞌje porque ma baj kipune.

9 Nman Dios, aya clol keye, ko tonintza, ko tcloma ex najsama kile tuꞌntzun tjaw nimsaꞌn tbiya.

10 ¿Tzaꞌn tten cxel cymaꞌn ke mastl nasyon cyjaꞌ?: ¿Jatumtzun taꞌ Cydios? Cuchiwt tzꞌoc kqueꞌyine oc t-xelin tuꞌna aju cycamic ke tmajena, tuꞌntzun icx cye tuꞌn tel cynicꞌ tiꞌj.

11 Bintza tkꞌajkꞌajel cywiꞌ ke pres, akeju tcub cysentens tuꞌn cycyim, ex cloma ke tuꞌnju tipumala maꞌxix.

12 Nman Dios, kꞌon aja wuk maj t-xel cye ke mastl nasyon cyvesin cyib kucꞌile, tuꞌn tlaj yol mya baꞌn o cyma tiꞌja.

13 Atzun keye, akoꞌye etzan tuꞌna, ic koꞌye ic tzaꞌn ẍneꞌl, porque cwentin koꞌye tuꞌna, cucx cxel kkꞌoꞌne chjonte teya, che xel kbitzane ke bitz te nimbil teya tuj tcyakil tabkꞌiyil.